Goðasteinn - 01.12.1964, Page 20

Margrét Auðunsdóttir frá Dalseli:
Lausavísur
Vorið ljómar, dimma dvín,
döggvuð blómin glitra,
söngvar hljóma, sólin skín,
söngsins ómar titra.
-o-
Ljóssins vængjum líð ég á
lofts um bláa geima.
Yfir fjöllin fagurblá
frjáls og glöð ég sveima.
—o—
Þinn ég hlýði á kvæðaklið,
kenni þýða hljóminn.
Allur kvíði eyðist við
ástarblíða róminn.
-o-
Heyri ég blíðan bragaklið,
bætist stríð og mæða,
ánægð hlýði og uni við
óminn þýðra kvæða.
—o—
Gullin streng á gígju slær
gyðjan ástar bjarta.
Vonarstjarna við mér hlær,
vermir kalið hjarta.
—o—
Stytta vökur stuðlamál,
stilli ég Ijóðabogann.
Góðar stökur gleðja sál,
glæða óðarlogann.
18
Goðasteinn