Goðasteinn - 01.03.1971, Side 24

félag og hét að láta því í té lóð undir verzlunarhús og aðra nauð-
synlega aðstöðu. Einnig lofaði hann því húsnæði í bæ sínum, svo
að það mætti þess vegna hefja störf. Fundarstjóri lagði til, að
fulltrúar söfnuðu vörupöntunum hjá bændum, hver í sínum hreppi.
Þyrftu pantanir að liggja fyrir um áramót til þess að vörur væru
tii afgreiðslu með vorinu.
Þá voru samþykkt lög fyrir félagið og kosin stjórn. Formaður
var kjörinn séra Jakob Ó. Lárusson og m.eðstjórnendur Einar
Árnason cg Sigurður Vigfússon, er var kosinn varaformaður. Vara-
meðstjórnandi var kosinn Jón Gíslason og endurskoðendur þeir
Sæmundur Ólafsson og Einar Jónsson á Kálfsstöðum og til vara
Sæmundur Einarsson. Þar með var Kaupfélag Hallgeirseyjar
formlega stofnað. Margt hafði borið á góma þá tvo daga, sem
fundurinn hafði staðið. Enda varð þessi stofnfundur í Miðey
mikill viðburður, því að með honum festi samvinnuhreyfingin
varanlegar rætur í Rangárþingi.
í ársbyrjun 1920 lágu fyrir vörupantanir bænda og fór formað-
ur með þær til Reykjavíkur seint í janúar. Hann hélt stjórnarfund
í Miðey í leiðinni. Varð þar eftir tillögum hans samþykkt að
freista þess að fá Guðbrand Magnússon, þá ritara í Stjórnarráð-
inu, til að verða framkvæmdastjóra hins nýja Kaupfélags. Höfðu
stjórnarmenn símasamband við Hallgrím Kristinsson forstjóra
S. I. S. og fólu honum að tala máli þeirra við Guðbrand. Fór svo,
að hann réðst til félagsins um vorið og var kaupfélagsstjóri í
Hallgeirsey átta fyrstu starfsár þess.
Annars var fyrsti starfsmaður þessa nýja félags Þorvaldur
Stephensen frá Holti í Önundarfirði. Lánaði S.Í.S. hann austur
sem bókara veturinn 1920, og mótaði hann bókhald félagsins til
frambúðar. Vorið 1920 var ráðinn að Hallgeirsey Ágúst Einars-
son frá Miðey. Hafði hann þá nýlokið námi við Samvinnuskól-
ann. Gegndi hann þar störfum til 1923, er hann tók við búi á
föðurleifð sinni. Haustið 1922 gerðist Gunnar Vigfússon frá Flögu
í Skaftártungu starfsmaður félagsins. Var hann þar löngum bæði
bókari og afgreiðslumaður, meðan félagið var í Hallgeirsey, og
starfsmaður þess síðar á Hvolsvelli til ársins 1936, er hann réðst
til Kaupfélags Árncsinga. Annað starfsfólk hafði félagið ekki
22
Goðasteinn