Goðasteinn - 01.03.1971, Side 89

Hússins móðir, heill og skjól,
hjartað trygga geymir,
göfugkvenna góðfræg sól,
gleði frá er streymir.
Stjórnsöm, vitur, veglynd, fríð,
valinkunn að nafni,
sómi húss er silkihlíð,
svanna göfgra jafni.
Æ á meðan æðin fjörg
ekki hættir slögum,
yður man ég, Ingibjörg,
iðgræn rós í högum.
Móðurtryggð og menntablóm
minning fræga styður,
þó að veikan hörpuhljóm
hætti skáldið viður.
Fögru meyjar, móður hjá,
mennta prýddar gæðum,
ykkur hlýt ég einnig tjá
ávarp mitt í kvæðum.
Fegurð, mennt og frábær dyggð,
frjálst og glaðvært sinni,
viðmót blítt og barnleg tryggð
blómgar ykkar minni.
Ykkur flytur önd mín klökk,
elsku meyjar fríðu,
innilega ástarþökk
alot fyrir blíðu.
Godasteinn
87