Goðasteinn - 01.03.1971, Page 90

Rósakinnar mjúklátt mál,
menntuð dagfarsprýði,
lýstu hreinum hug og sál
hjá þér, svanninn fríði.
Hæversk augu, himinblá,
hjúpuð engilroða,
fannhvít hönd og fagursmá
fékk mér yndi að skoða.
Fylgi ykkur farsæld blíð
fremdar meyja skari,
þó að Fljóts-mér hverfi hlíð,
heiður ykkar vari.
Ykkar brúðkaups ef að dag
andinn lifað fengi,
hefja skyld eg heillabrag
og hræra gígjustrengi.
Yrkja skyld eg ástarljóð
og efla veizlugaman
ef afbragðsmann og yngisfijóð
elskan tengdi saman.
Enn þó dauðans atlög hörð
eyði lífs míns vori,
frjófgizt þið á fósturjörð
farsældar í spori.
Geisla breiddi gullbjart hár
götu lífs á mína,
nú í gegnum tregatár
týndar vonir skína.