Goðasteinn - 01.03.1971, Side 91

Myrk og örstutt lífs er leið,
löngun, sæld og harmur,
strítt og þungt er stundar skcið
styðji ei blíður armur.
Hjarta tryggt og himinblítt
herrans æðst er gjafa,
meyjar augað ástarhlýtt
eyðir lífsins vafa.
Meyjar augu munarblá,
miðdagssólin bjarta,
sæl þið hafið áhrif á
angurbitið hjarta.
Krans eg ykkar brosi bind
úr blöðum vorsins dala,
sé ég tæra meyjarmynd
við munarstrauminn svala.
Speglar sig í ljósri lind
lokkaprúður svanni,
ó, hve hennar æskumynd
unað veitir manni.
Sérhver lilja höfuð hér
hneigir fyrir brúði,
bjart á henni sómir sér
sakleysisins skrúði.
Fögru dætur, móður mynd,
mennta prýddar safni,
farsæl æska, frjáls af synd
fylgi ykkar nafni.
Godasteinn
89