Veiðimaðurinn - 2024, Side 54

sé að missa illa tekinn fisk en þreyta í
veikri von. Baráttan var ekki löng, eða um
10 mínútur. Á land kominn losaði þessi
fiskur fimmtán pund. Það munar öllu að
vera með vanan mann með sér við Laxá!
Næsta stopp var Hólmavaðssvæðið. Ég
byrjaði neðst á veiðistað sem kallast Grá-
straumur, en fyrir þá sem ekki þekkja
til rennur áin þarna í nokkru þrengsli.
Ég man að það voru veiðimenn beint á
móti á hinum bakkanum sem tilheyrir
Nessvæði. Ekkert hafðist þó í Grástraum
og eftir góðan klukkutíma stingur Doddi
upp á því að reyna Hólmavaðsstífluna.
Þarna er bæði hægt að veiða frá landi
og úr bát, enda áin nokkuð breið og með
hólma í miðju. Ég byrjaði að kasta frá
landi og þar var ekki mikið að gerast þó
að sæjust nokkrar byltur. Þá fórum við í
bátinn og Doddi rær út í miðja ána og ég
kasta beggja vegna hólmans. Eftir nokkur
köst tók fiskur rækilega í færið og það tók
nokkurn tíma að lempa þennan að landi.
Eftir þessi átök lá fimmtán punda hængur
á bakkanum.
Nú var kominn tími til að færa sig. Við
héldum upp eftir að efri brúnni rétt ofan
Hólmavaðs. Veiðistaðurinn var vestur-
bakkinn fyrir neðan brúna. Nú vildi svo
til að Doddi þurfti eitthvað að erinda í
nágrenninu, mig minnir hjá Kristjáni á
Hólmavaði sem rak þá vinsælt reykhús.
Ég minnist þess líka að það var annar
veiðimaður að veiða á móti mér á austur-
„Það var farið að rökkva nokkuð þegar hér var komið
sögu og var ég tilneyddur að fara yfir skurð þar sem
nokkuð djúp drulla var í botni og að sjálfsögðu tókst
mér að detta í drulluna við að hlaupa þar yfir.“
54 50 kíló af laxi í yfirvigt