Veiðimaðurinn - 2024, Qupperneq 55

bakkanum. Þetta var heimamaður og ég
man að ég gaf honum eina Munro Killer
úr boxinu hennar Boyd. Ekki veit ég hvort
hann fékk eitthvað á fluguna. Allavega
veiddi ég niður rennu sem þarna er og
færði mig svona fjóra til fimm metra milli
kasta. Það þurfti ekki að kasta langt en
nokkur straumur er í þessari rennu. Eftir
drjúga stund um miðja vegu niður að
Hólmavaði kom þung taka og var fiskur-
inn nokkurn veginn úti í miðri ánni. Ég
fann fljótlega að þetta var vænn fiskur
miðað við átakið og nú þurfti ég að elta.
Það var farið að rökkva nokkuð þegar
hér var komið sögu og var ég tilneyddur
að fara yfir skurð þar sem nokkuð djúp
drulla var í botni og að sjálfsögðu tókst
mér að detta í drulluna við að hlaupa þar
yfir. Ég gat þó haldið stönginni uppi og
hjálpaði með gott átak frá laxinum, sem
nú var farinn að þreytast. Það varð til
happs að Doddi kom nú að þar sem ég
átti við laxinn og hjálpaði mér að landa.
Þetta var rígvænn tuttugu punda hængur!
Við vorum síðastir inn í veiðihús, þannig
að enginn sá útganginn á mér drullugum
upp fyrir haus. Ég rétt komst í símann til
að segja Kollu minni frá ævintýrinu. Ég
hafði ekki kraft né lyst til að borða kvöld-
matinn. Lét mér bara tvöfaldan viskí duga!
Og svo fór að ég tók morgunflugið daginn
eftir til Reykjavíkur. Alsæll eftir dagsveiði
í Laxá með 50 kíló af laxi í yfirvigt!“
Veiðimaðurinn 55
Karbonstöngin hans Jóns var framleidd hjá Modern Arms
í Englandi og er 10,5 fet að lengd og fyrir línu númer 10.