Goðasteinn - 01.09.2018, Blaðsíða 137

135
Goðasteinn 2018
byggð og veruleg uppbygging á næstu árum. Þess má geta að Aldamótaskógur
vex hratt upp og stefnir í að verða einstakt svæði til útivistar í göngufæri frá
Hellu. Þess má geta að Skógræktarfélag Íslands hélt ársfund sinn á Stracta
hóteli á Hellu síðsumars 2018 og þar kom fram í erindum að Rangárþing ytra
stefnir nú hraðbyri að því að verða mesta skógræktarsveitarfélag landsins og
þar leika svæði eins og Aldamótaskógur, Hekluskógar o.fl. stórt hlutverk. Má
telja það mikil umskipti frá því er stór landsvæði innan sveitarfélagsins töldust
örfoka land fyrir öld síðan eða svo.
Á árinu voru undirbúnar verulega miklar framkvæmdir sem áætlað er að
ráðast í á næsta ári og ber þar hæst fjárfesting í uppbyggingu Vatnsveitunnar
sem er byggðasamlag í eigu Rangárþings ytra og Ásahrepps. Þar er komin
mikil þörf til að endurnýja stofnlagnir og miðlunarmannvirki til að tryggja
íbúum og fyrirtækjum öruggt og gott neysluvatn til framtíðar. Gert er ráð fyrir
að verkefnið taki allt að 10 ár en á næstu 3 árum verði þó mestur þungi í fram-
kvæmdum og er unnið út frá s.k. Lækjarbotnaveitu sem lykilvatnstökustað
með miðlunartank í Hjallanesi og stofnlögnum að Bjálmholti. Í framhaldinu
verði svo ráðist í endurnýjun og styrkingu stofnlagna um þjónustusvæði veit-
unnar. Þetta verður spennandi verkefni sem undirbúa þarf af kostgæfni til að
tryggja hagkvæmni og öryggi til framtíðar. Þá var á árinu hafist handa við
undirbúning að viðbyggingu undir áhöld og fleira við Íþróttahúsið á Hellu sem
ráðgert er að koma upp á næsta ári.
rangárljós
Árið 2017 lauk lagningu ljósleiðara um allt sveitarfélagið Rangárþing ytra á
vegum félagsins Rangárljóss sem er í eigu sveitarfélagsins. Í byrjun desember
2017 var lögð fram verklokaskýrsla um þessa lagningu ljósleiðara um hinar
dreifðu byggðir í Rangárþingi ytra. Fram kemur í verklokaskýrslunni að teng-
istaðir urðu alls 413 og kostnaður við verkefnið reyndist vera 348 mkr eða
92% af áætlun. Fyrsta hænufetið í undirbúningi verkefnisins var tekið á gaml-
ársdag 2014 eða 3 árum áður. Að mörgu var að hyggja í upphafi, ekki síst
hvernig mögulega mætti fjármagna verkefnið en okkar gæfa var fólgin í því að
hefja undirbúning snemma þó ekki væru allir hnútar hnýttir. Þegar sást orðið
til lands með skipulag og fjármögnun og tekist hafði að fá framúrskarandi
verktaka í málið þá tók framkvæmdin sjálf einungis 11 mánuði. Sveitarstjórn
Rangárþings ytra ályktaði um það á fundi sínum í desember 2017 að verkefn-
ið hefði heppnast afar vel og að tekist hefði að bæta búsetuskilyrði í sveitar-
félaginu svo um munaði. Það er gleðilegt og ekki spillir fyrir að íbúarnir eiga
þessa verðmætu fjárfestingu sjálfir og það skuldlaust.