Golf á Íslandi - 01.12.2010, Side 12

12 GOLF Á ÍSLANDI • www.golf.is
G O L F fréttir
Norður-Írinn ungi Rory Mcllroy varð þess heiðurs aðnjótandi að fá fyrstur
kylfinga að slá golfbolta við píramídana í Kaíró í Egyptalandi. Rory fékk
þetta tækifæri þegar hann tók þátt í móti á evrópsku Áskorendamótaröð-
inni í Egyptalandi í október sl. „Fyrir þremur árum hefði ég aldrei getað
látið mig dreyma um að gera nokkuð þessu líkt, þetta er virkilega svalt,“
sagði Rory sem lét vaða af öllu afli við píramídana í Giza.
Rory á sögulegum slóðum
Mesta aðsókn frá upphafi
á Kiðjabergsvelli
Leiknir golfhringir á Kiðjabergsvelli í ár voru 3000 fleiri en
á síðasta ári og var aðsóknin sú mesta frá upphafi. Fjöldi
skráðra rástíma voru 9.322 og þar af 1.800 í mótum. Sam-
kvæmt þessu má áætla að leiknir hringir á vellinum í sumar
hafi verið um 14.000 talsins.
Til samanburðar var fjöldi skráðra rástíma á síðasta ári
7.256, þar af 1.200 í mótum. Áætlaður fjöldi leikinna hringja
2009 var um 11.000 og hefur þeim því fjölgað um 3.000
milli ára. Félögum í klúbbnum fjölgaði um 56 á árinu, en 16
voru teknir af félagaskrá og raunfjölgun því 40 manns, sem
er um 13% aukning frá fyrra ári.
Íslandsmótið í höggleik fór fram á Kiðjabergsvelli í sumar og
hefur það vafalaust hjálpað við að trekkja að fleiri kylfinga
að vellinum. Ekki er ólíklegt að Íslandsmót 35+ verði haldið í
Kiðjabergi á næsta ári í samvinnu við Öndverðarnesið. Karl-
ar verði þá í Kiðjabergi og konur í Öndverðarnesi. Þannig
verði hægt að bjóða fleiri þátttakendum til leiks en síðast
þegar 35+ var í Kiðjabergi mættu um 200 manns sem er
mesta þátttaka í sögu mótsins.