Golf á Íslandi - 01.12.2010, Page 20

20 GOLF Á ÍSLANDI • www.golf.is
Formannafundur GSÍ haldinn á Flúðum:
Jón Ásgeir Eyjólfsson, forseti Golfsambands Íslands
kom víða við í skýrslu stjórnar GSÍ fyrir starfsárið
2010 á formannafundi sem haldinn var á Flúðum 20.
nóvember sl. Hér birtist stór hluti skýrslunnar.
Í dag eru 65 klúbbar aðilar að sambandinu og er það
sami fjöldi og á síðasta ári, einn klúbbur lagði niður
starfsemi og einn nýr var tekinn inn í sambandið.
Meðlimir þeirra klúbba sem aðild hafa að sam-
bandinu voru 15.785 þann 1. júlí 2010 sl. og hafa þeir
aldrei verið fleiri. Aukning félagsmanna milli áranna
2009 og 2010 var þannig 256 félagar.
Í samtölum mínum við forystumenn golfklúbba víða
um land hefur komið fram að árið 2010 hafi reynst
flestum léttara en árið í fyrra og vonandi sjáum við
fram á bjartari tíma á næstu árum. Þó er rétt að vara
við of mikilli bjartsýni og eru menn hvattir til að
fara varlega í fjárfestingum og öðrum fjárhagsleg-
um ákvörðunum, því skiptar skoðanir eru um hvort
botninum í efnahagslífinu sé náð. Þá hefur þróunin í
nágrannalöndum okkar verið á þann veg að kylfing-
um fer fækkandi og spurning hvort sú þróun eigi eftir
að koma hingað.
Rekstrarniðurstaða sambandsins er yfir þeim vænt-
ingum sem fram komu í fjárhagsáætlun fyrir árið
2010, en heildarvelta sambandsins er rúmlega 112
milljónir króna og rekstrarafgangur rúmar sjö millj-
ónir.
Golfsambandið hefur unnið eftir stefnumótun sem
upphaflega var unnin 2002 en verið endurmetin
reglulega síðan, en þar kemur fram í markmiðasetn-
ingu fyrir afreksstefnu sambandins að Ísland verði í
A-riðli í karla- og kvennaflokki árið 2010 á Evrópumót-
G O L F fréttir
Rekstur sambandsins
yfir væntingum
-varað við of mikilli bjartsýni og klúbbarnir
hvattir til að fara varlega í ótryggu umhverfi
um. Það markmið náðist ekki að þessu sinni þó svo
karlalið okkar hafi náð að tryggja sig meðal 20 bestu
Evrópuþjóða á Evrópumóti liða í sumar en vænt-
anlega stendur upp úr árangur karlalandsliðs okkar í
heimsmeistarakeppni liða áhugamanna í Argentínu
en eins og flestir vita enduðum við þar í 19. sæti af 69
þjóðum og skutum fyrir aftan okkur mörgum afreks-
þjóðum í golfi. Þá ber að fagna sérstaklega sigri Guð-
mundar Ágústs Kristjánssonar, Golfklúbbi Reykjavíkur,
á Duke of York mótinu sem fram fór í september, en
þar sigraði hann marga af bestu kylfingum heims á
aldrinum 15 til 18 ára.
Eitt af mikilvægum hlutverkum GSÍ er að okkar mati
að standa að öflugu útbreiðslustarfi og þjónustu við
félagsmenn og er útgáfa blaðs okkar, Golf á Íslandi,
mikilvægur hlekkur í því starfi. Útgáfan hefur gengið
ágætlega á starfsárinu sem er að líða, en gefin voru
út fimm tölublöð á árinu, samtals um 500 blaðsíður.
Páll Ketilsson var eins og undanfarin ár ritstjóri blaðs-
ins og hefur hann unnið blaðið ásamt útgáfunefnd
golfsambandsins. En auk þess leggja ýmsir blaðinu
lið með skrifum og myndaöflun. Ég hef oft nefnt það
við forsvarsmenn golfklúbbanna að það væri fengur í
því að fá fréttir úr starfi þeirra í máli og myndum því
við megum ekki gleyma því að blaðið okkar er ómet-
anleg heimild til framtíðar. Við höfum lagt metnað
okkar í það að gefa út vandað og fjölbreytt blað sem
hefur það hlutverk að fræða og skemmta lesendum.
Það mætti ef til vill nefna það hér að við erum eina
sérsambandið sem gefur út blað reglulega.
Annað hlutverk sem aldrei er ofmetið er rekstur
tölvukerfis hreyfingarinnar en frá árinu 2000 hefur
golf.is verið einn mikilvægasti hlekkur í þjónustu
GSÍ við ykkur í klúbbunum og hinn almenna kylfing.
Rekstur kerfisins hefur gengið mjög vel í sumar og er
það ekki síst því að þakka að hinn almenni notandi
hefur verið duglegur að hafa samband við okkur
um það sem betur má fara í kerfinu og þannig hefur
tekist að byggja upp öflugt þjónustunet sem tekur á
flestum þeim þáttum sem snúa að skipulagi íþrótt-
arinnar, hvort sem átt er við mótahald, forgjafarkerfi
eða skipulagningu á rástímum. Það er von okkar að
áfram verði sú öfluga samstaða um rekstur golf.is
sem nauðsynleg er til að kerfið þróist og þroskist.
Forgjafar- og vallamál
GSÍ hefur verið aðili að forgjafarkerfi EGA frá upphafi
þess kerfis og hefur sambandið innleitt alla þætti
kerfisins s.s. árlega endurskoðun forgjafar, útreikn-
ing á CSA og aðra þá þætti sem áhrif hafa á forgjaf-
arútreikning kylfinga og hafa þessar aðgerðir verið
skrifaðar inn í forgjafarútreikning á golf.is. Til að for-
gjafarútreikningur sé sem áreiðanlegastur þarf jafn-
framt að vera öflugt teymi sem sér um vallarmat og
eru nú flestir golfvellir landsins komnir með nýtt vall-
armat og jafnframt er þegar hafin vinna við endurmat
á völlum. Guðmundur Ólafsson, fyrrverandi stjórn-
armaður GSÍ, leiðir forgjafar- og vallarmatsnefnd GSÍ
og er ástæða til að fagna því að hafa á að skipa svo
öflugri nefnd, en hún hefur á liðnum árum tekið út
flesta velli landsins og liggja margar klukkustundir
þeirra í sjálfboðaliðastarfi við það verkefni.
Afreksmál
Þrátt fyrir að hafa að hafa dregið úr þátttöku í
erlendum mótum frá því sem var fyrir nokrum árum
höfum við sent keppendur í hefðbundin verkefni.
Þannig fór karlaliðið í Evrópukeppni liða í Svíþjóð og
kvennaliðið til Spánar. Þá sendum við m.a. unglinga á
European Young Masters og kylfinga á Opna finnska
meistaramótið svo eitthvað sé nefnt. Ragnar Ólafs-
son er sem áður landsliðseinvaldur og stjórnar æf-
ingum ásamt því að fara fyrir okkar kylfingum sem
liðstjóri. Liðstjóri stúlkna og kvenna er Steinunn
Eggertsdóttir. Eins og áður hefur komið fram var ár-
angur Guðmundar Ágústs Kristjánssonar, Golfklúbbi
Reykjavíkur, í Duke of York mótinu stórkostlegur og
vakti mikla athygli erlendis og var m.a. minnst á það
á vef R&A áamt langri grein um uppgang golfs hér á
Íslandi. Þá ber að nefna árangur karlalandsliðs okkar
í heimsmeistarakeppni liða áhugamanna sem haldin
var í lok október í Argentínu. Þeir lentu í 19. sæti af 69
þjóðum og er það besti árangur okkar í þessari keppni
fyrr eða síðar. Ég held að við getum verið bjartsýn
á framtíðina ef fram heldur sem horfir. Birgir Leifur
Hafþórsson GKG undirbýr sig af kappi fyrir annað stig
Frá formannafund-
inum á Flúðum.
Jón Ásgeir
Eyjólfsson flutti
skýrslu stjórnar.
framh. á bls. 22.