Golf á Íslandi - 01.12.2010, Síða 68

68 GOLF Á ÍSLANDI • www.golf.is
Keppnisfyrirkomulag var með þeim
hætti að fyrst var leikinn níu holu
höggleikur um morguninn og þar
lék Sigurpáll Geir Sveinsson úr Keili
best. Hann var á 33 höggum eða
þremur höggum undir pari Nesvall-
ar. Annar varð Örn Ævar Hjartarson
úr GS á 34 höggum.
Eftir hádegi hófst Shoot-out hluti
Einvígisins og datt einn kylfingur
úr keppni á hverri holu. Birgir Leifur
stóð uppi sem sigurvegari eftir
spennandi keppni en hann þurfti
svo sannarlega að hafa fyrir sigr-
inum og fór þrisvar í umspil um
áframhaldandi keppni í Einvíginu.
Hann mætti Hlyni Geir Hjartarsyni
úr Keili í úrslitum á 9. holu. Birgir
Leifur sló inn á flöt í upphafshögg-
inu og var því nokkuð öruggur með
fugl. Þegar pútt fyrir fugli hjá Hlyni
geigaði var ljóst að Birgir Leifur
hafði landað sigri í mótinu í fyrsta
sinn og var hann kátur með sig-
urinn. Áhorfendur voru fjölmargir,
aðstæður góðar á Nesvellinum og
mótið var hin besta skemmtun.
„Þetta er ótrúlega skemmtilegt
mót og ég held að það sé ekki til
betri leið til að enda verslunar-
mannahelgi en að taka þátt í þessu
móti. Ég var að spila fínt golf, var
aldrei í neinum vandræðum og
það var gaman að fara í gegnum
þrjá bráðabana. Taugarnar eru
greinilega ennþá nokkuð góðar,“
sagði Birgir sem var óhræddur við
að taka áhættu í mótinu.
„Ég var að leyfa mér að taka upp
dræverinn á þessar holur sem eru
kannski svolítið þröngar og erfiðar.
Það er góð æfing fyrir mig, að taka
áhættu undir pressu og það vilja
áhorfendur sjá. Ég er mjög kátur
með sigurinn og það er heiður að fá
að taka þátt í þessu móti.“
Keppendur féllu út í eftirfarandi
röð:
1. braut: Örvar Samúelsson GA
2. braut: Nökkvi Gunnarsson NK
3. braut: Björgvin Sigurbergsson GK
4. braut: Bjarki Pétursson GB
5. braut: Tinna Jóhannsdóttir GK
6. braut: Ragnhildur Sigurðardóttir GR
7. braut: Örn Ævar Hjartarson GS
8. braut: Sigurpáll Geir Sveinsson GK
9. braut: Hlynur Geir Hjartarson GK
Sigurvegari: Birgir Leifur Hjartarson GKG
Birgir Leifur sigraði í Einvíginu á Nesinu í fyrsta sinn
Birgir Leifur Hafþórsson, atvinnukylfingur úr GKG, stóð uppi sem sigurveg-
ari í Einvíginu á Nesinu sem fram fór á Nesvellinum á frídegi verslunar-
manna. Alls tóku tíu kylfingar þátt í mótinu og er þetta í 14. sinn sem mótið
fer fram. Styrktarfélag fatlaðra var styrkt um eina milljón króna í mótslok
og hefur DHL verið aðalstyrktaraðili mótsins frá upphafi.
Bjarki Pétursson umkringdur
fjölda áhorfenda á Nesinu.
Örvar „sleggja“
Samúelsson
Sigurpáll, Björgvin og
Örn Ævar.
Ragnhildur í kunn-
uglegri stellingu.
Hlynur Geir á teig. Siggi Palli náði langt.
Birgir Leifur var
óstöðvandi í sumar.