Golf á Íslandi - 01.12.2010, Page 70

70 GOLF Á ÍSLANDI • www.golf.is
Guðrún Brá Björgvinsdóttir, úr Keili, gerði sér lítið fyrir og sigraði í Unglingaeinvíginu sem fram fór
á Hlíðavelli í Mosfellsbæ í lok ágúst. Hún var eina stúlkan sem komst í úrslit mótsins og mætti þar
níu strákum. Guðrún Brá hafði betur gegn Andra Má Óskarssyni úr GHR á lokaholunni og var vel að
sigrinum komin.
„Ég náði að bjarga mér vel á nokkrum holum og náði einhvern veginn að þrauka fram á lokaholuna.
Ég setti niður mörg mikilvæg pútt og það skilaði mér sigri. Það er rosalega skemmtilegt að hafa bet-
ur gegn strákunum og svolítið öðruvísi,“ sagði Guðrún Brá að móti loknu.
Einn kylfingur féll úr leik á hverri holu og því voru aðeins tveir kylfingar eftir þegar komið var að
níundu holu mótsins. Þar fékk Guðrún Brá gott par en Andri Már fékk skolla og er þetta í fyrsta sinn
sem stúlka ber sigur úr býtum í mótinu.
Hún hlaut að launum glæsilegan farandbikar og nýjan síma frá Sony Ericsson. Það voru þeir Birgir
Leifur Hafþórsson, atvinnukylfingur úr GKG, og Jón Ásgeir Eyjólfsson, forseti GSÍ, sem afhentu
verðlaun í mótslok.
Guðrún Brá hafði betur gegn strákunum
Lokaúrslit urðu eftirfarandi:
10. sæti Birgir Björn Magnússon GK
9. sæti Kristinn Reyr Sigurðsson GR
8. sæti Guðni Fannar Carrico GR
7. sæti Guðmundur Á. Kristjánsson GR
6. sæti Guðni Valur Guðnason GKj
5. sæti Egill Ragnar Gunnarsson GKG
4. sæti Gísli Ólafsson GKj
3. sæti Magnús Björn Sigurðsson GR
2. sæti Andri Már Óskarsson GHR
1. sæti Guðrún Brá Björgvinsdóttir GK
G O L F fréttir