Golf á Íslandi - 01.07.2014, Page 40

GOLF Á ÍSLANDI • www.golf.is
40
Páll Ásgeir Tryggvason var forseti GSÍ frá
1970 til 1980 að báðum árum meðtöldum.
Hann þótti mjög hnyttinn og skemmtilegur
í tilsvörum. Hann var í viðtali við Golf á Ís-
landi þegar GSÍ fagnaði 50 ára afmæli 1992.
Hér er stuttur kafli úr viðtalinu:
Og þegar blaðamaður GÁÍ segist hafa frétt
af þó nokkrum uppgangi íþróttarinnar í
hans tíð sem forseti samsinnir hann því. „Já,
hann var alveg geysilegur. Við áttum í fyrstu
í miklum erfiðleikum með fjölmiðla en eftir
að erlendir kylfingar fóru að koma hingað til
lands til að leika og sýna varð mikil breyting
þar á og eftir að okkur hafði tekist að fanga
athygli fjölmiðlanna óx okkur stöðugt fiskur
um hrygg. Og á þessum áratug voru stofnaðir
10-12 nýir golfklúbbar á landinu.
GLUGGAÐ Í GAMALT:
GR var holað niður
í Grafarholtið innan
um allt grjótið
„Áttum í miklum erfiðleikum með fjölmiðla“,
sagði Páll Ásgeir Tryggvason, forseti GSÍ 1970-
1980, í viðtali við Golf á Íslandi
Milljón fuðraði upp á verðbólgubálinu
En það voru líka erfiðleikar í starfinu. Fyrir
mína tíð sem forseti og eftir. Til dæmis
má nefna flækinginn á Golfklúbbi Reykja-
víkur frá því að hann var stofnaður. Fjórum
sinnum hefur GR þurft að flytja starfsemi
sína frá stofnun klúbbsins í Laugardal. Því
næst fluttist hann aðeins austar í dalinn.
Síðan í Öskjuhlíð og golfskálinn var þar um
langan tíma einn helsti samkomustaðurinn í
Reykjavík á stríðsárunum. Loks var GR holað
niður í Grafarholtið innan um allt grjótið.
Klúbbnum var að vísu greitt fyrir uppbygg-
ingu vallarins en þeir peningar fuðruðu upp
á verðbólgubálinu. Ég man að einu sinni fékk
klúbburinn eina milljón en hún varð gersam-
lega að engu vegna verðbólgunnar,“ sagði Páll
Ásgeir meðal annars í viðtalinu. Páll fór holu í höggi árið
1966 og sendi bréf til Golf-
klúbbs Reykjavíkur:
Notaði 7-járn úr nýju
Wilson golfsetti
Páll Ásgeir varð sendiherra Íslands um tíma
og lék þá mikið golf, m.a. í Osló þar sem þessi
mynd var tekin af kappanum.
Páll á 2. teig
í Grafarholti
þar sem hann
náði drauma-
högginu.