Golf á Íslandi - 01.07.2014, Qupperneq 53

GOLF Á ÍSLANDI • www.golf.is
53
að heiman og æfir í harðri samkeppni við góðar
aðstæður hjá Golfklúbbi Reykjavíkur á sumrin
sem styður vel við sitt fólk og á veturna stundar
hún nám við góðan háskóla í USA (ELON) en þar
er samkeppnin einnig mikil um að komast í liðið.
Í skólanum er Sunna í miklum metum og verið
valin í úrvalslið deildarinnar tvisvar ásamt því að
vera lykilleikmaður liðs Elon.
Sunna er frábær fyrirmynd fyrir yngri stúlkur í
golfi, bæði innan sem utan vallar, og það hefur
verið sannur heiður fyrir mig að fá að vinna með
henni í gegnum árin og sjá hana vaxa upp í þann
leikmann sem hún er orðin.
Leiðin sem Sunna hefur valið sér með því að leika
golf og fá námsstyrk út á það er svo sannarlega
fær og ungar stúlkur ættu ekki að hugsa sig tvisvar
um og setja sér slík markmið og um leið vaxa sem
leikmenn og ná sér í góða menntun.
Við sem erum í þjálfun fáum reglulega fyrir-
spurnir frá háskólum erlendis sem eru að leita að
ungum efnilegum golfurum og þá sérstaklega er
vöntun á stúlkum í háskólaliðin í USA svo nú er
bara að setja sér markmið og fara að æfa stelpur.
Með kveðju
Brynjar Eldon Geirsson
Íþróttastjóri Golfklúbbs Reykjavíkur