Golf á Íslandi - 01.07.2014, Page 57

10. braut 395 m. Par 3.
Það sem gerir þessa holu erfiða er að brautin
liggur þannig að það er allt sem segir manni
að slá teighöggið hægra megin og þá verður
annað höggið erfiðara því þá slær maður
skakt á flötina. Hér er par alla dagana
geggjað.
11. braut 134 m. Par 3.
Stutta en mjög flott par þrjú hola. Lykilatriði
að hitta flötina hér annars verður erfitt að fá
par.
12. braut 500 m. Par 5.
Stórglæsileg par 5 hola þar sem útsýnið af
teignum er flott en hér þarf að vera 100%
fókus annars getur illa farið því það eru
hættur allsstaðar.
13. braut 150 m. Par 3.
Kylfuval er mikilvægast hér, holan er aðeins
upp í móti og flötin er mjög erfið og þá sér-
staklega þegar holustaðsetning er aftast.
14. braut 444 m. Par 4.
Stutt par 5 hola og hér er skyldufugl! Ef ég
fæ bara par finnst mér eins og ég hafi misst
högg.
15. braut 358 m. Par 4.
Aðalatriðið á þessari braut er að koma teig-
högginu í leik og þá er þetta frekar einföld
par 4 hola.
16. braut 519 m. Par 5.
Þetta er alvöru hola og stutt á milli skolla og
fugls hér. Það þarf einfaldlega frábær golf-
högg til að fá góða útkomu á þessari holu.
Gangurinn upp á teig getur tekið í og sett
einbeitinguna úr skorðum. Algjör „Risk and
reward“ hola.
17. braut 114 m. Par 3.
Enn ein stutta par 3 holan en mjög lítil flöt og
pinnastaðsetningar geta verið kvikindislegar.
Stutt á milli fugls og skolla hér líka.
18. braut 379 m. Par 4.
Flott lokahola þar sem erfitt er að hitta
brautina í teighögginu en það er lykillinn hér
því flötin er upphækkuð og erfitt að stöðva
kúluna ef þú ert ekki á braut. Enn og aftur
erum við með braut þar sem oft er stutt á
milli pars og fugls og það gerir hana að mjög
skemmtilegri lokaholu.
Lokabrautin og golfskálinn.
Fjórða, fimmta og tólfta braut.
Þriðja er áhugaverð par 5 braut. Níunda brautin er par 3, erfið að mati Birgis.