Golf á Íslandi - 01.07.2014, Side 62

GOLF Á ÍSLANDI • www.golf.is
62
DRAUMURINN
AÐ RÆTAST
-Sigmundur Einar Másson varð Íslands-
meistari árið 2006. Hann var í fyrstu
kynslóð ungra kylfinga í GKG. „Liðs-
heildin og andinn í GKG var það sem
heillaði mig við golfið.“
Sigmundur Einar Másson er hluti af „fyrstu“ kynslóð kylfinga sem barna-
og unglingastarf GKG skilaði af sér í keppnisgolfið á Íslandi. Sigmundur
Einar, sem er 31 árs gamall í dag, var meira að hugsa um fótbolta þegar
hann fór í golfkynningu með 7. bekk að vori til þegar hann var á 13. ári.
Smátt og smátt fór áhuginn á golfinu að aukast og Sigmundur Einar er
fyrsti kylfingurinn sem er „uppalinn“ hjá GKG sem verður Íslandsmeistari
í höggleik – en Birgir Leifur Hafþórsson hafði brotið þann múr árið 2003
þegar hann varð Íslandsmeistari í höggleik í Vestmannaeyjum.
Golf á Íslandi ræddi við Sigmund Einar um upphafsárin hjá GKG og
væntingar hans fyrir Íslandsmótið í höggleik á Eimskipsmótaröðinni sem
fram fer í fyrsta sinn á heimavelli Sigmundar.
„Ég byrjaði í golfi eftir að hafa
fengið kynningu á íþróttinni í 7.
bekk í skólanum. Í kjölfarið fór
ég á nokkur námskeið hjá GKG
en Magnús Birgisson golfkennari
sá um barna- og unglingastarfið
á þessum tíma og á ég honum
mikið að þakka. Ég hafði ein-
hvern tímann slegið áður með vini
mínum Viktori Bjarka Arnarsyni
– með kylfunum frá pabba hans.
Ég fékk smjörþefinn af þessu á
námskeiðum hjá GKG og smátt
og smátt þá fór áhuginn að verða
meiri. Ég var að æfa fótbolta með
Breiðablik á þessum árum og það
var ekki fyrr en ég var 15 ára að
ég fór að velja golfið fram yfir fót-
boltann.“
Sigmundur segir að hann hafi ekki
verið „undrabarn“ í golfinu og það
hafi tekið tíma að ná árangri. Hann
segir að „liðsandinn“ í unglinga-
starfinu hafi verið það sem skipti
mestu máli þegar hann valdi golfið
fram yfir fótboltann.
„Golfið var ekkert sem ég ætlaði
mér í – ég byrjaði frekar seint.
Fyrstu tvö árin var þetta „ströggl“
og það tók mig nokkurn tíma að
ná tökum á þessu. Ég hjólaði oft á
æfingar hjá GKG, þar sem ég bjó
þá í Fossvoginum, Kópavogsmegin.
Það voru gámar við skálann þar
sem golfsettin voru geymd í litlum
skápum. Það var þægilegt fyrir
okkur. Þarna var maður frá morgni
til kvölds – og stundum skrölti ég
á fótboltaæfingar í lok dagsins.
Sumarið 1998 þegar ég er að verða
15 ára þá fannst mér skemmtilegra
að fara á golfæfingar en fótbolta-
æfingu og sumarið 1999 var ég
eingöngu í golfinu. Það var ekki
mikið um barna- og unglingastarf
á þeim tíma þegar ég var að byrja.
Klúbburinn var ekki gamall og það
myndaðist góður andi í hópnum
sem var að byrja á þessum tíma.
Við vorum lið, ekki einstaklingar,
og margir úr þessum hópi náðu
nokkuð langt. Ég komst ekki í
unglingasveitina á mínum fyrstu
árum en árið 1999 enduðum við í
öðru sæti í sveitakeppni unglinga.
Við unnum 2000 og vorum í öðru
sæti 2001. Árangur unglingasveita
GKG hefur verið góður og sérstak-
lega í flokki 16-18 ára. Foreldra-
starfið hefur alltaf verið frábært
í klúbbnum og passað upp á að
halda í liðsheildina – og búa til
góða stemningu.“