Golf á Íslandi - 01.07.2014, Page 87

Flest okkar óttast glompurnar meira en nokkuð annað á vellinum.
En þegar höggin þaðan þurfa að ná tíu metra lengd, þá getur farið
enn verr.
Þetta högg krefst margs af kylfingum – og stærsta spurningin er
hvernig á að slá það. Það er mjög auðvelt að hugsa sér að slá þetta
högg eins og hvert annað glompuhögg, og sjá svo að boltinn fer
ekki nándar nærri nógu langt – eða þá að maður slær í boltann
miðjan og sér hann grafast í barm glompunnar eða rúlla yfir
flötina. Þegar maður hefur tileinkað sér einföldustu og bestu
leiðina til að koma boltanum upp á flöt, þá er tæknin ekki svo
flókin. Svona gerir maður þetta...
Hraði og nóg af sandi
Þú verður að slá boltann á sandpúða og
hraða kylfunni eins og þú getur til að
koma boltanum upp og áfram. Sláðu í
sandinn nokkrum sentimetrum fyrir
aftan boltann; þú getur ímyndað þér að
boltinn liggi á peningaseðli sem þarf að
fara með honum upp í loftið.
Lyftu kylfunni snemma
Beygðu úlnliðina aðeins fyrr en venju-
lega í baksveiflunni, þannig að kylfu-
hausinn sé kominn upp fyrir höfuðið
áður en vinstri handleggurinn er sam-
síða jörðinni. Þetta leiðir af sér brattari
sveiflu og meiri úlnliðabrot, þannig
að niðursveiflan verður betri og hraði
kylfuhaussins meiri.
Notaðu 9-járn.
Taktu nóg af sandi, sveiflaðu
bratt og komdu hraða á
kylfuhausinn fyrir þessa
tegund af höggum. Eftir því
sem þú ferð minna í sandinn
flýgur boltinn lengra.
9-járnið
er lausnin!