Golf á Íslandi - 01.07.2014, Síða 88

GOLF Á ÍSLANDI • www.golf.is
88
Hver svo sem ástæðan er fyrir ógildu skorkorti, blótaðu ekki ritaranum fyrir mistökin.
Ábyrgðin hvílir á þér sem leikmanni að skorkortið sé rétt útfyllt og að skorið sé rétt.
Og mundu að eftir að skorkortinu hefur verið skilað er of seint að leiðrétta það. Ef eitt-
hvað er athugavert við skorkortið á mótsstjórn engan kost annan en að veita leikmann-
inum frávísun úr keppninni. Á þessu er að vísu sú undantekning að ef skorið á skor-
kortinu er hærra en rétt er fær leikmaðurinn ekki frávísun en hærra skorið gildir.
Í raun eru skyldur leikmannsins ekki margar.
Hann þarf að tryggja að skor hverrar holu
sé rétt skráð og að skorkortið innihaldi
undirskrift hans og ritararans. Ekki er t.d.
nauðsynlegt að leggja skorið saman. Ef það er
gert og samlagningin er röng skiptir það ekki
máli, skor hverrar holu er það sem gildir.
Á meðan á leik stendur er best að skrifa skor
þess sem þú ritar eftir hverja holu. Á flestum
skorkortum er sérstök afrifa þar sem þú getur
skrifað þitt skor. Notaðu hana og skrifaðu þitt
skor, holu fyrir holu.
Við getum einfaldað ritara okkar að rækja
sitt hlutverk með því að temja okkur að segja
upphátt skor okkar um leið og við tökum
boltann úr holunni. Það minnir ritarann á að
skrá skorið og hægt er að útkljá málin strax
ef ritarinn telur að höggafjöldinn hafi verið
annar. Ágætt er að venja sig á að segja högga-
fjöldann, en ekki „par“, „bogey“ eða þess
háttar. Alltaf er hætta á að ritarinn ruglist
á pari holunnar og því er öruggara að segja
höggafjöldann sjálfan.
Eftir að leik er lokið eiga leikmenn að ganga
strax frá skorkortunum. Ef sérstök aðstaða
hefur verið sett upp fyrir skil á skorkortum
eiga leikmenn að fara þangað rakleitt af
síðustu flöt. Ef slík aðstaða er ekki fyrir hendi
er best að fara strax inn í golfskála og setjast
þar niður til að ganga frá skorinu. Regla 6-6b
segir að skila eigi skorkortinu „eins fljótt og
unnt er“. Verði óeðlileg töf á skilum eiga leik-
menn á hættu að fá frávísun úr keppninni.
Best er að standa þannig að málum við
yfirferð skorkortanna:
1. Taktu afrifuna með þínu skori af skor-
kortinu sem þú skrifaðir.
2. Skrifaðu undir skorkortið og afhentu
það leikmanninum.
3. Biddu ritara þinn um að undirrita þitt
kort og fáðu það hjá honum.
4. Leggðu afrifuna þína við skorið sem
ritarinn skrifaði og berðu tölurnar
saman, holu fyrir holu.
5. Vertu sérstaklega vakandi fyrir því að
skor vanti ekki á 18. holuna. Yfirleitt skrá
menn skorið á næsta teig og því er það
algeng ástæða fyrir ógildu skorkorti að
skor vantar á síðustu holuna.
6. Ef einhver frávik eru, farðu yfir þau með
ritaranum og leiðréttu skorkortið ef með
þarf.
7. Passaðu að tölurnar séu læsilegar fyrir
þann sem tekur við skorkortinu.
8. Renndu aftur yfir skorkortið og tryggðu
að það innihaldi bæði þína undirskrift
og undirskrift ritarans.
9. Afhentu skorkortið strax til móts-
stjórnar.

Að lokum er rétt að minna á að hafirðu leikið
tveimur boltum á einhverri holu vegna þess
að þú varst í vafa um golfreglurnar (sbr.
reglur 3-3 og 20-7) verður að tilkynna það
dómara eða mótsstjórn áður en skorkortinu
er skilað. Sé það ekki gert kostar það frávísun
úr mótinu, jafnvel þótt þú hafir leikið báðum
boltunum á sama höggafjölda.
Hörður Geirsson
DÓMARAPISTILL
Hörður Geirsson,
alþjóðadómari skrifar
SKORKORTIÐ
ER ALGENG
ÁSTÆÐA
FRÁVÍSANA
Hefur þú fengið frávísun úr golfmóti vegna mistaka við frágang á skorkortinu?
Sorglega margir þurfa að svara þessari spurningu játandi. Fáir lenda þó í þessu oftar en
einu sinni því flestir læra að vanda sig við frágang skorkortsins eftir að hafa fengið þau
leiðinlegu skilaboð að skorkortið hafi verið ógilt.

Þú missir ekki af neinu í sumarhúsinu
eða á ferðalögum innanlands með
ferðanetbúnaði og 4G Netáskrift
Vodafone.
Kíktu við í næstu verslun okkar
og græjaðu þig upp fyrir sumarið.
Undirbúðu ferðalagið
Vodafone
Góð samskipti bæta lífið
12.990 kr.
Gegn 6 mán. 4G Netáskrift, stærri
en 1 GB eða 19.990 kr. stgr.
4G Ferðanetbeinir
(MIFI)
Gegn 6 mán. 4G Netáskrift, stærri
en 1 GB eða 13.990 kr. stgr.
7.990 kr.
4G Nettengill
4G Netáskrift er fyrir þá sem vilja tengjast netinu á auðveldan
hátt í sumarhúsinu, bílnum og á ferðalögum innanlands.
1.190 kr. 2.190 kr. 3.990 kr. 5.190 kr. 6.490 kr.
1 GB
Áskrift Áskrift & netfrelsi Áskrift & netfrelsi Áskrift Áskrift
5 GB 15 GB 50 GB 100 GB
20.990 kr.
Gegn 6 mán. 4G Netáskrift, stærri
en 1 GB eða 34.990 kr. stgr.
4G Netbeinir
H
V
ÍT
A
H
Ú
S
IÐ
/
S
ÍA
Á ferðinni
Í sumarhúsinu
Í útilegunni
stærst í