Golf á Íslandi - 01.07.2014, Side 134

GOLF Á ÍSLANDI • www.golf.is
134
Það hefur verið nóg um að vera á Öldunga-
mótaröð LEK í sumar en fimmta mótið
ársins, Max 1 mótið, fór fram á Hamars-
velli í lok júní. Mikil veðurblíða var á meðan
mótið stóð yfir en sigurvegari mótsins var
Jónas Tryggvason úr Golfklúbbi Reykjavíkur
en hann fékk alls 37 punkta, þar á eftir var
Magnús Ólafsson úr Golfklúbbnum Oddi
á 35 punktum og Jens Karlsson úr Keili var
þriðji á 35 punktum.
Bestu skor dagsins áttu Steinunn Sæ-
mundsdóttir úr GR sem lék á 86 högg - og
Sæmundur Pálsson sem er einnig úr GR
en hann lék á 76 höggum. Hamarsvöllur
reyndist mörgum erfiður og vætutíð sumars-
ins hafði sett svip sinn á völlinn. Á heimasíðu
Landssamtaka eldri kylfinga er sagt frá því
að þrátt fyrir að erfiðar aðstæður á hafi verið
skemmtilegt að glíma við þennan frábæra
völl. Mótstjórn og starfsfólki golfklúbbsins
eru færðar bestu þakkir fyrir frábær störf.
Eftir mótið í Borgarnesi lauk keppni um að
komast í landslið LEK kvenna á komandi
Evrópumóti.
Lokastaðan var eftirfarandi og verður lands-
liðið þannig skipað:
KVENNALANDSLIÐIÐ
FYRIR EM KLÁRT
Fimmta mótið á Öldungamótaröðinni, Max1 mótið, fór fram í Borgarnesi
1. Steinunn Sæmundsdóttir, Golfklúbbi
Reykjavíkur
2. María Málfríður Guðnadóttir, GKG
3. Ásgerður Sverrisdóttir, GR
4. Anna Snædís Sigmarsdóttir, GK
5. Kristín Sigurbergsdóttir, GK
6. Guðrún Garðars, GR
Sjötta stigamót ársins fór fram 17.-19. júlí
en þar var keppt á Íslandsmótinu í höggleik
á Korpúlfsstaðarvelli í Reykjavík. Fyrir það
mót voru þau Steinunn Sæmundsdóttir og
Ragnar Gíslason stigahæst í keppni með for-
gjöf en nánar verður fjallað um Íslandsmótið
og stöðu mála hjá LEK í næsta tölublaði Golf
á Íslandi.
Eldri kylfingar hafa verið duglegir að sækja LEK
mótin. Konurnar láta ekki sitt eftir liggja.
Sigurður Hafsteins-
son er ofarlega á
stigalista LEK.
Gauti Grétarsson
(t.v.) er meðal
efstu kylfinga í
stigakeppninni án
forgjafar.