Golf á Íslandi - 01.05.2015, Qupperneq 16

Edwin Roald hefur fengið góðar undirtektir hjá Royal and Ancient
í St. Andrews varðandi hugmyndir um nýja sýn á holufjölda á
golfvöllum. Íslenski golfvallahönnuðurinn hefur á undanförnum
árum sett fram ögrandi hugmynd sem nefnist „af hverju 18
holur“ eða why18holes.com en hugmyndafræðin er á sérstöku
vefsvæði sem Edwin heldur úti.
Steve Isaac, forstöðumaður golfvallamála
hjá R&A tjáir sig um hugmyndir Edwins
með eftirfarandi hætti:
„Golf er dásamleg íþrótt og heilnæm
afþreying í róandi og náttúrulegu umhverfi
sem stunduð er af milljónum manna um
allan heim. Hún þarf eigi að síður að keppa
við aðrar íþróttir og frístundakosti um tíma
fólks. Aukinn sveigjanleiki hvað varðar
fjölda leikinna brauta getur gert fleirum
kleift að leika golf reglulega. Slík nálgun við
hönnun golfvalla gæti jafnframt dregið úr
landþörf sem og kostnaði við gerð þeirra og
viðhald. Edwin Roald færir sterk rök fyrir
slíkum sveigjanleika. Hugmyndir hans eru
ögrandi og verðskulda alvarlega íhugun.“
Yfirlýsingin kemur í kjölfar erindis
sem Edwin hélt um málið á ársfundi
FEGGA, samtaka golfvallastjórafélaga
Evrópulandanna, í febrúar. Áður hafði
Edwin fundað með Peter Dawson, æðsta
manni R&A, fyrir tveimur árum og var
honum þá boðið að skrifa grein um nálgun
sína á vef R&A.
Edwin fær góða
umsögn frá R&A um
nýja sýn á holufjölda
Edwin kjörinn í stjórn EIGCA
Edwin Roald var kjörinn í stjórn
European Institute of Golf Course
Architects, EIGCA, á aðalfundi
samtakanna sem fór fram á hinum
fornfræga North Berwick-golfvelli í
Skotlandi í byrjun apríl.
Sem stjórnarmaður tekur Edwin við
formennsku í umhverfisnefnd EIGCA,
nefnd sem hann hefur setið í hin
síðari ár og hefur m.a. umsjón með
metnaðarfullri endurmenntunaráætlun
fyrir EIGCA-félaga í umhverfisvænni
hönnun, hinni fyrstu sinnar tegundar í
golfhreyfingunni á heimsvísu
20 milljónir manna í 14 löndum
geta nú fengið betri yfirsýn yfir
fjármálin sín með aðstoð Meniga. Það
kallar á gríðarlega skjóta og örugga
vinnslu upplýsinga hvar í heiminum sem
er. Þess vegna leitaði Meniga til okkar.
Tölvuskýin okkar bjóða áður óþekkta
möguleika á sjálfvirkni og viðbragðsflýti
um leið og kostnaði er haldið í lágmarki.
Nýherji býður fjölmargar spennandi
nýjungar sem eru í skýjunum.
Við köllum það skýjungar.
SKÝJUNGAR
NÝHERJI ER LEIÐANDI FYRIRTÆKI Á SVIÐI UPPLÝSINGATÆKNI
Við höfum góða reynslu af framtíðinni!
BORGARTÚNI 37
SÍMI 569 7700
WWW.NYHERJI.IS
E
N
N
E
M
M
/
N
M
6
7
4
7
5
Nýherji hefur vottun samkvæmt alþjóðlega upplýsingaöryggisstaðlinum ISO/IEC 27001:2013.
16 GOLF.IS - Golf á Íslandi
„Af hverju 18 holur“