Golf á Íslandi - 01.05.2015, Qupperneq 24

Stefni á sigur á
Nordic League
Ólafur Björn Loftsson, sem nýverið skipti úr Nesklúbbnum í Golfklúbb Kópavogs og Garðabæjar, er að hefja sitt
fjórða tímabil sem atvinnukylfingur. Ólafur er með keppnisrétt á Nordic League atvinnumótaröðinni sem fram fer
að mestu á Norðurlöndunum og ætlar hann að einbeita sér að mestu að þeirri mótaröð.
„Ég mun leggja aðaláherslu á Nordic
League mótaröðina á Norðurlöndunum
en tek jafnvel einhver mót á Áskorenda
mótaröðinni og hugsanlega stærstu mótin
hérna heima. Mitt helsta markmið í ár er
að vinna mér inn þátttökurétt á evrópsku
mótaröðinni í golfi. Önnur markmið eru
til að mynda að öðlast þátttökurétt á
Áskorendamótaröðinni og að sigra á mótum
á Nordic League mótaröðinni,” sagði Ólafur
við Golf á Íslandi en hann hefur einu sinni
hampað Íslandsmeistaratitlinum í golfi - árið
2009 á Grafarholtsvelli. Í vetur hefur Ólafur
lagt áherslu á tækniæfingar.
„Undirbúningurinn hefur gengið vel í
vetur. Ég hef unnið hörðum höndum með
þjálfurunum mínum en þeir hafa hjálpað
mér mjög mikið. Ég hef lagt mesta áherslu
á að bæta tæknina í mínum leik og auka
stöðugleikann með réttum hreyfingum sem
auðvelt er að endurtaka.”
Ólafur segir að stuðningur Forskots sé honum
afar mikilvægur. „Stuðningur Forskots er
forsenda þess að ég geti eytt mínum tíma og
kröftum úti á golfvellinum, spilað í frábærum
mótum og æft við toppaðstæður. Ég verð
ævinlega þakklátur fyrir stuðninginn og ég ber
merki Forskots hátt á lofti.”
„Langtímamarkmið mín og draumur minn
er að komast á mótaröð bestu kylfinga
heims, sigra á móti á PGA eða evrópsku
mótaröðinni og sigra á risamóti í golfi.
Ég mun halda áfram að leggja mjög hart að
mér, bæta minn leik og ég hef fulla trú á að
ég nái að upplifa drauminn.”
Vertu áhyggjulaus í útlöndum
með Euro- og USA Traveller
Vodafone býður viðskiptavinum sínum bæði mun
lægra mínútuverð og ódýrara gagnamagn erlendis
með 4G hraða*

njóttu lífsins á ferðalaginu
Vodafone
Við tengjum þig
*Kynntu þér nánar hvaða lönd um ræðir á vodafone.is
24 GOLF.IS - Golf á Íslandi
Ómetanlegur stuðningur úr Forskoti