Leikskrár Þjóðleikhússins - 10.02.1984, Síða 22

HANNS EISLER er eitt þriggja tónskálda sem Brecht starfaði mest með, hin
eru Kurt Weill og Paul Dessau. Eisler fæddist í Leipzig árið 1898 (jafnaldri
Brechts) og var faðir hans austurrískur heimspekingur, en móðirin þýsk verka-
mannsdóttir. Eisler var nemandi hjá Arnold Schönberg og Anton Webern og
samdi ungur tónverk í svonefndum tóiftónaskala, m. a. Kammersinfóníu (árið
1935), en sneri síðan baki við þeirri tegund tónlistar, kennurum sínum til mikillar
mæðu. Árið 1937 flýði hann frá Þýskalandi og settist að í Bandaríkjunum og
starfaði þar m. a. mikið með Brecht í Hollywood. Hann samdi tónlist við nokkur
leikrita Brechts, Úrræðið, Móðurina, Galíleó og fleiri, en að auki liggja eftir hann
margvíslegar tónsmíðar, aðallega sönglög og sinfóníur. Meðal laga eftir hann
er þjóðsöngur Austur-Þýskalands. Árið 1948 sneri Eisler aftur til Evrópu og
settist að í Austur-Þýskalandi. Eisler lést árið 1963.