Leikskrár Þjóðleikhússins - 10.02.1984, Page 45

Framhaldið þekkja allir og vita að enn í dag eru Tékkar undirokaðir. Þeir lentu
austanmegin við helmingaskiftin 1945 og eru þar með á áhrifasvæði Sovét-
manna. Þeir eru því enn í hlutverki peðs, en ef til vill er nú munurinn sá að
landið er það sem á skákmáli kallast „eitrað" peð, sem andstæðingurinn má
ekki taka án þess allt fari í bál og brand. Þannig er því haldið fram að Banda-
ríkjamenn hafi vitað það árið 1968, að Sovétmenn hyggðust gera innrás í land-
ið, en Tékkóslóvakía var ekki þeirra megin á skákborðinu og kom þeim því ekki
við. - Reyndar munu vesturveldin sömuleiðis hafa vitað um það fyrirfram að
Hitler hyggðist taka Tékkóslóvakíu árið 1938, en peð er jú bara peð og þegar
það er einu sinni komið í slæma stöðu á borðinu er ekki um annað að ræða
en fórna því. Á.l.