Fróðskaparrit - 01.01.1957, Blaðsíða 46

52 Um at nýta dýr til at vita um ein kvinna er við barn
vísa, at við landi frá kvinnu, sum nýliga er vorðin við
barn, verður úrslitið óálítandi. Ascheim (1935) sjálvur
fekk bert 17 álítandi úrslit burtur úr 75 royndum við
landi frá kvinnum, sum vóru nýbarnaðar. í royndum, har
blóð varð nýtt staðin fyri land, fingust heldur eingi álít*
andi úrslit.
Haldandi fram við arbeiði, hann áður hevði gjørt, at
gróðurseta lívmóðurslímhinnu í fremra eygnakamar, hevur
Markee greint eina skjóta og álítandi roynd (1933), har
hann nýtti kaninir við slíkum gróðursettum vevnað. Varð
landúrdráttur sprændur inn í royndardýrið, kom broyting
í tær nú sjónligu æðrarnar í lívmóðurslímhinnuni. Til
dagliga nýtslu er henda leiðin torfør. Trupulleikin er at
fyribúgva royndardýrini, tí at hetta er ikki hvørs manns
føri.
Sum framhald av arbeiðinum hjá Fleischmann og Kann
(1932, 1935) varð nógv kanning gjørd við einum lítlum
fiski, «Bitterling» (Rhodeus amarus), til tess at vita, um
rognposin hjá geldfiski longdist so munandi undir árini
av oestrogeni, at hetta var nýtandi til at vita, um kvinna
var við barn. Cowie hevur (1948) kannað bókmentirnar
uppaftur, og hevur hann víst á, at leingjanin av rognposí
anum elvist við innspræning av nógvum hormonum, teirra
millum eisini teimum, sum koma úr børkinum á evranýr*
unum. Líkt er til, at «Bitterling»íroyndin er ikki nóg skilnám,
til at hon fær byrgt fyri følskum, positivum andsvari
undir øðrum umstøðum enn teimum, sum valda, tá ið
kvinna er við barn.
Gonadotrophin.
Annað evni, sum vit vita um í blóðflotinum og í land*
inum, meðan kvinna er við barn, og sum vit lættliga finna
við ymiskum djóraroyndum, er choriomgonadotrophinið.
Serstakliga hava verið funnar upp tvær týdningarmiklar
royndir, sum nýta kvenndýr hjá gnagdýri. í 1926 vístu