Føroya kunngerðasavn A og B - 31.05.1996, Blaðsíða 17

101
Nr. 61
20. mai
Løgtingslóg
um
broyting í løgtingslóg um trygdargrunnin fyri avreiðingar og lønir v.m.
Samsvarandi samtykt Føroya Løgtings staðfestir og
kunnger løgmaður hesa løgtingslóg:
§L
f løgtingslóg nr. 68 frá 9. juni 1988 um trygdargrunn
fyri avreiðingar og lønir v.m. við seinni broytingum
verður gjørd hendan broyting:
§ 7, stk. 4 verður orðað soleiðis:
»Arbeiðsgevaragjaldið og rentur eftir hesi
lóg og innkrevjingarkostnaður av hesum kunnu
krevjast inn við panting.«
§2.
Henda lóg kemur í gildi dagin eftir, at hon er kunn-
gjørd.
Tórshavn, 20. mai 1996
Edmund Joensen (sign.)
løgmaður
/ Axel H. Nolsøe (sign.)
Nr. 62
20. mai
Løgtingslóg
um
avgjøld í samband við panting.
Samsvarandi samtykt Føroya Løgtings staðfestir og
kunnger løgmaður hesa løgtingslóg:
§ 1. Fyri pantingar, framdar av Føroya Gjaldstovu,
verður kravt eitt grundgjald uppá kr. 300. Er kravið
kr. 3.000 ella hægri, verður umframt kravt 'h% av
restkravinum í grundgjaldi.
Stk. 2. Verður pantað samstundis fyri fleiri krøv hjá
sama skuldara, verða krøvini løgd saman, áðrenn av-
gjaldið verður roknað.
Stk. 3. Verður pantað fyri sama krav hjá fleiri skuld-
arum, verður avgjald roknað fyri hvønn skuldara.
Hetta er tó ikki galdandi, um skuldaramir eru sam-
búgvandi hjúnafelagar, ella tá pantað verður í fastari
ogn, sum skuldaramir eiga í felag.
§ 2. Um pantingin heilt ella partvíst verður framd
uttan fyri skrivstovu pantifútans, ella skuldarin verð-
ur politiframførdur, verður eisini kravt eitt eykagjald
uppá kr. 400.
Stk. 2. Verður ein av teimum í stk 1 nevndu rættar-
gerðum framd fyri fleiri krøv hjá sama skuldara, skal
bert eitt eykagjald roknast.
Stk. 3. Fyri eykagjald em somu reglur galdandi sum í
§ 1, stk. 3.
§ 3. Avgjald eftir § 1 verður roknað, tá komuboðið
verður sent.
Stk. 2. Avgjald eftir § 2 verður roknað, tá pantingin
verður framd.
Stk. 3. Avgjøld, sum verða roknað sum ein prosent-
partur, verða avmndað upp til næsta krónutal, sum
kann býtast við 10.
Stk. 4. Avgjøld eftir §§ 1 og 2 kunnu bert verða rokn-
að eina ferð fyri sama krav hjá sama skulđara.
§ 4. Avgjøld, ið ikki verða goldin beinanvegin, kunnu
pantast av Føroya Gjaldstovu eftir reglunum fyri inn-
krevjing av skattum og avgjøldum.
Stk. 2. Avgjøld, ið ikki verða goldin beinanvegin,
kunnu verða eftirhilđin í A-inntøku skuldarans eftir
reglunum fyri eftirhald í § 136 í samtíðarskattalógini.
Stk. 3. Føroya Gjaldstova kann í serligum fømm
eftirgeva avgjaldið.
§ 5. Henda lóg fær gildi dagin eftir, at hon er
kunngjørd, og samstundis fer løgtingslóg nr. 10 frá
10. apríl 1953 um gjøld av panting úr gildi.
Tórshavn, 20. mai 1996
Edmund Joensen (sign.)
løgmaður
/ Jóannes Eidesgaard (sign.)