Helgarpósturinn - 14.05.1987, Blaðsíða 39

FRÍTTAPÖSTUR
Stjórnarmyndunarviðræður
Forseti íslands fól á sunnudaginn Steingrími Hermanns-
syni formanni Framsóknarflokksins umboð til stjórnar-
myndunar. Á mánudaginn ræddi Steingrímur við formenn
Sjálfstæðisflokks og Alþýðuflokks og talsmenn Kvennalista
og á þriðjudag hitti hann að máli Svavar Gestsson formann
Alþýðubandalags, Albert Guðmundsson hjá Borgaraflokki
og Stefán Valgeirsson. Steingrímur Hermannsson skilaði
umboði sinu til stjórnarmyndunar í gærmorgun, miðviku-
dag. Hann segir hugmyndina um viðræður Framsóknar-
flokks, Sjálfstæðisflokks og Kvennalista hafa strandað á
Sjálfstæðisflokknum, en Þorsteinn Pálsson formaður
flokksins hafi tvívegis leitað eftir því innan síns flokks
hvort vilji væri fyrir þessum viðræðum. Svo reyndist ekki
vera. Þegar Steingrímur skilaði umboðinu tók forseti ís-
lands, frú Vigdis Finnbogadóttir, sér umhugsunarfrest til
að ákveða hverjum hún fæli næst umboðið til stjórnar-
myndunar.
Flugumferðarstjórar boða verkfall
Flugumferðarstjórar hafa boðað til verkfalls 25. maí. Ef af
verður mun verkfallið hafa mjög alvarlegar afleiðingar, til
dæmis myndi allt innanlandsflug stöðvast og allt milli-
landaflug auk þess sem yfirflug um svæði okkar takmark-
aðist stórlega. Formaður samninganefndar ríkisins tekur
að flugumferðarstjórar hafi ekki verkfallsrétt.
Verðbólga eykst
í nýrri greinargerð um ástand og horfur í efnahagsmál-
um, sem sérfræðingar Þjóðhagsstofnunar sendu'frá sér í
síðustu viku, segir að viðskiptahalli gagnvart útlöndum fari
vaxandi á næstunni og verðbólga aukist meira en gert var
ráð fyrir i síðustu þjóðhagsspá. Þetta er rakið til þess að
tekjur launþega hafi hækkað meira en reiknað var með og
jafnframt hafi halli á ríkissjóði orðið meiri en búist var við.
Talið er að verðbólga á þessu ári verði á bilinu 13—15% en
hærri talan miðast við að laun breytist almennt i samræmi
við kjarasamninga opinberra starfsmanna. Þar sem efna-
hagsstefna síðari hluta þessa árs hefur ekki verið mótuð er
hér ekki um heildarendurskoðun þjóðhagsspár að ræða en
greinargerðinni er ætlað að sýna líklega þróun helstu þátta
þjóðarbúskaparins á árinu án þess að gert sé ráð fyrir sér-
stökum efnahagsaðgerðum. í febrúarspá Þjóðhagsstofn-
unar var gert ráð fyrir 22—23% hækkun atvinnutekna á
mann milli áranna 1986 og 1987 en í ljósi nýrra kjarasamn-
inga er nú gert ráð fyrir 25—27% aukningu atvinnutekna
á mann á árinu.
Fréttapunktar:
• Verðlagsráð sjávarútvegsins hefur ákveðið að humarverð
skuli frjálst á komandi vertíð og er þetta i fyrsta sinn sem
svo er.
• Ráðist var á mann í miðborg Reykjavíkur aðfaranótt laug-
ardags og hann stunginn í kvið. Árásarmennirnir eru enn
ófundnir.
• Oddviti Súðavikurhrepps, Auðunn Karlsson, sagði af sér
i kjölfar borgarafundar sem haldinn var á Súðavik á sunnu-
daginn þar sem til umræðu var alvarlegur ágreiningur milh
íbúa staðarins um ei|narhald á stærsta atvinnufyrirtæki
Súðavíkur, Frosta hf. A fundinum voru fordæmd þau vinnu-
brögð sem viðhöfð voru þegar meirihluti hlutabréfa í Frosta
hf. var seldur til Togs hf., en Auðunn er einn þeirra fimm að-
ila sem eiga Tog hf. og er jafnframt í stjórn Frosta hf.
• Sjúkrastöðin Von Veritas í Danmörku hefur fengið
greiðslustöðvun til 25. þ.m., en þeir sem sáu um að koma
sjúkrastöðinni á fót voru Björgólfur Guðmundsson og
Hendrik Berndsen.
• Félag islenskra stórkaupmanna hefur hvatt til aðgerða
sem miða að því að lækka vöruverð hér á landi þannig að það
verði hliðstætt því sem gerist í Glasgow. Meðal aðgerða sem
bent er á til að ná þeim markmiðum eru ný tollskrárlög um
jöfnun tolla, lækkun á fjármagnskostnaði verslana og
lækkun tolla á ýmsum vörutegundum frá Bandarikjunum,
ásamt niðurfellingu á sérsköttun á verslunum.
• í dag hækkar verð á áfengi og tóbaki um 16% að jafnaði.
Reiknað er með að áfengishækkunin gefi ríkissjóði 305
milljónir í auknar tekjur en tóbakshækkunin skili 170
mUljóna tekjuauka í rikissjóð. Algeng vindlingategund
kostar eftir hækkunina H5 krónur en kostaði áður 100-
krónur. Meðaltalshækkun á rauðvíni er 14,6%, á hvítvini
15,5% og á vodka 18,1%.
• Tugmilljón króna tjón varð er verksmiðjan Lystadún
brann til kaldra kola á þriðjudagsmorgun. Eldurinn kom
upp í limklefa verksmiðjunnar og breiddist svo fljótt út að
starfsmenn áttu fótum fjör að launa. Talið er að jafna þurfi
húsið við jörðu og byggja nýtt.
• Úrslitaleiknum í Reykjavikurmótinu í knattspyrnu lauk
á þriðjudagskvöld er Valur sigraði Fram með tveimur mörk-
um gegn engu.
TRlltUÍ IÆKID
og þú fíýgur í
gegnum daginn

i Valhöll
Kiofningurinn í Sjálfstæöisflokk
num
FYRIR ÞA SEM VILJA
FYLGJAST MEÐ
HELGARPÓSTURINN 39
AUGLÝSINGASTOFAN mask