Morgunblaðið - 18.03.1975, Blaðsíða 10

10
MORGUNBLAÐIÐ, ÞRIÐJUDAGUR 18. MARZ 1975
SR. JONAS GISLASON:
Náungakærleikurinn
i.
A fórnarviku vil) kirkjan enn
minna okkur á skyldur okkar sem
kristinna manna. Jesús Kristur
sagði, að æðst boðoróanna væri
tvöfalda kærleiksboðorðið um
elskuna til Guðs og náungans.
Okkur mönnunum er ekki eðlis-
lægt að auósýna öðrum kærleika
en okkur sjálfum og þegar bezt
lætur fámennum hópi nánustu
ástvina okkar. Neyð snertir okkur
þá dýpst, þegar hún ber að dyrum
okkar sjálfra og þeirra sem
standa okkur næst.
Jesús Kristur talar mikið um
synd okkar manna. Hefur þú
gjört þeir grein fyrir, í hverju
synd mannsins raunverulega er
fólgin? Hún er fólgin i eigingirni
okkar. Okkur er svo tamt aó miða
allt við okkur sjálf og eigin hag.
Við erum sjálf miðdepill þess
heims, sem við skynjum. Þess
vegna viljum við jafnvel setja
okkur ofar sjálfum skaparanum,
láta hann lúta vilja okkar og boð-
um, í stað þess að við beygjum
okkur fyrir vilja hans.
Hljótum við ekki öll að viður-
kenna, að okkur er erfitt að sýna
náunganum sama kærleika sem
við berum til okkar sjálfra.
II.
Hér vill kirkjan enn á föstunni
minna okkur á skyldur okkar
kristinna manna viö það samfé-
lag, sem við lifum í. Við getum
ekki horft á neyð náungans, án
þess að hún verði um leið kall frá
Guði tíl okkar um það, að við
eigum að leggja fram okkar skerf
til þess að reyna að bæta úr
henni. Við erum skyld til þess að
gjöra allt, sem í okkar valdi
stendur, til þess að hjálpa þurf-
andi meðbróður samkvæmt boði
Jesú Krists.
Og hér hljótum við að leiða hug
ann að annarri staðreynd, sem
Kristur einnig minnir okkur á.
Við eigum raunverulega ekkert af
öllu því, sem við dags daglega
köllum okkar eign. Við fluttum
ekkert með okkur inn í þennan
heim, er við fæddumst. Á sama
hátt munum við ekki flytja neitt
burt með okkur, er við kveðjum
þetta jarðneska líf aó lokum. Þá
taka aðrir við því, sem við nú
köllum okkar, og þeir munu þá
kalla það sína eign með sama rétti
og við gjörum það nú.
Hinn raunverulegi eigandi allra
efnisgæða á þessari jörðu er hann
einn, sem allt hefur skapað: Guð
faðir á himnum. Við eigum að
standa honum skil á lífi okkar hér
á jörðu og meðferð okkar á þeim
hlutum, sem okkur er falið aó
ávaxta.
III.
Guð skapaði manninn f önd-
verðu til samfélags vió sig. Eftir
að maðurinn hafði snúið baki við
Guði og þannig lokað sig úti frá
samfélagi við hann, sendi Guð son
sinn eingetinn í mannheim, til
þess að hann með krossdauða
•riA'í
sínum og upprisu opnaði okkur á
ný leiðina heim til Guós. Sú leið
guðssamfélagsins er opin sér-
hverjum manni fyrir trúna á
Jesúm Krist.
Nú er það skylda sérhvers krist-
ins manns að leggja sitt af mörk-
um til þess að bera þennan boð-
skap út um heiminn.
Mig langar til þess að minna á
kristniboðsstarfið, sem unnið er
af islenzkum mönnum úti i
I Kanarieyjaieroum
Uðoimvio
Lenqstu revnsluna viö að skipuleggja dvölina eftir
óskum og þörfum íslendinga
Revndasta starfsfólkið, sölumenn, flugliða og farar-
stjóra sem tryggir farþegum okkar trausta og örugga
ferðaþjónustu.
Mesta úrvalið, at hótelíbúðum og smáhúsum með
sundlaugum, tennisvöllum og fleiru hvað skemmti og
þjónustuaðstöðu snertir.
Læqsta verðið á fargjöldum, sem þýðir þaö að 2ja
vikna ferð kostar frá 35.900 krónum, og 3ja vikna ferð kostar
frá 39.200krónum.
BÝÐUR NOKKUR BETUR?
FLUCFÉLAC LOFTLFIBIR
/SLAJVDS LuriLCium
Konsó. Þar starfa einstaklingar,
sem hafa heyrt kall Guðs til þess
að fara og gjöra aðrar þjóðir að
lærisveinum. Og um leió og þeir
boða fagnaðarerindið í orði, reyna
þeir einnig eftir mætti að leysa úr
öðrum þörfum fólksins. Þeir
mæta öllum þörfum mannsins að
boði Krists. Og þetta starf er bor-
ið uppi fjárhagslega af öðrum ein-
staklingum, sem hafa heyrt kall
Guðs til þess að leggja fram af
efnum sinum það, sem til þarf, til
þess að þetta starf geti haldið
áfram.
Þetta starf langar mig til þess
að efla og hvet alla til persónulegs
stuðnings við það. Slíkur stuðn-
ingur er einfaidlega skylda okkar
kristinna manna.
IV.
Árleg fórnarvika krikjunnar á
að minna okkur á að við megum
ekki alltaf láta okkur sjálf sitja í
fyrirrúmi, heldur eigum við að
miðla snauðum meðbróður af
gnægtum okkar.
Við tölum mikið um erfiðleika á
efnahagssviðinu á Islandi nú. Og
satt er það, að við neyðumst til
þess um sinn að minnka nokkuð
við okkur það, sem vió höfum
vanizt að kalla lífsnauðsynjar, en
yfirgnæfandi hluti mannkyns
mundi með réttu kalla óhófs vel-
megun; borið saman við ástandið
víða um heiminn. Gjörum ekki of
mikið úr timabundnum erfiðleik-
um. Reynum heldur að snúa bök-
um saman til þess að leysa þá með
þvi að draga dálítið úr kröfunum.
Én gleymum umfram allt ekki
skyldum okkar við þær manneskj-
ur, sem búa við skarðastan hlut.
Þeir eiga kröfu á hendur okkur
samkvæmt boðskap Krists. Okkur
er lögð sú skylda á herðar að
auðsýna þeim kærleika í verki,
kærleika, sem hjálpar til þess að
eyða böli, hungri, ótta og sjúk-
dómum, kærleika, sem birtist í
því, að við drögum við okkur sjálf
til þess að geta aukið framlag
okkar til annarra.
Haraldur Kröyer
afhendir
Kubuforseta
trúnaðarbréf
Washington 14. marz
Frá blaðam. Mbl.
Geir H. Haarde
SENDIHERRA Islands í Wash-
ington, Haraldur Kröyer, heldur
til Havana á Kúbu í næstu viku og
mun þar afhenda forseta Kúbu,
dr. Osvaldo Droticos Torrado,
trúnaðarbréf sitt sem sendiherra
Islands á Kúbu.
Haraldur Kröyer sagði í stuttu
samtali við Mbl. í dag, að Island
hefði haft stjórnmálasamband við
Kúbu í mörg ár og hefði það verið
tekið upp löngu áóur en stjórn
Castros tók völdin í landinu. Fyrr
á árum hefóu verið nokkur við-
skipti milli landanna og hefðu ís-
lendingar selt .um 1500 tonn af
saltfiski árlega til Kúbu og keypt
sykur í staðinn, en þessi viðskipti
hefðu nú legið alveg niðri um
árabil. Hefði verið reynt að fitja
upp á þessum viðskiptum aó nýju
fyrir nokkrum árum, en ekki
reynzt grundvöllur fyrir þeim,
þar sem verð það sem Kúbumenn
byðu fyrir saltfisk hefði verið
langt undir heimsmarkaðsverði.
Sagði sendiherrann að greiðslu-
jöfnuður Kúbu hefi farið batn-
andi undanfarin ár vegna hækk-
andi sykurverðs og mundi hann í
ferð sinni kanna, hvort núna væri
betri grundvöllur til að taka upp
viðskipti að nýju.
Ekki er fullákveðið hvort sendi-
herrann hittir Castro forsætisráó-
herra að máli, en eftir viðtali við
hann hefur verið óskað. Islenzkur
sendiherra, Magnús V. Magnús-
son, afhenti síðast trúnaðarbréf á
Kúbu í apríl 1971. Islendingar
höfðu lengi heiðursræðismann á
Kúbu. Enginn gegnir því starfi
nú. Noregur og Sviþjóð höfðu til
skamms tlma sendiráðunaut á
Kúbu og skrifstofu opna en að
öðru leyti annast sendiráð þeirra í
Mexico samskiptin við Kúbu.