Morgunblaðið - 16.10.1983, Blaðsíða 35
MORGUNBLAÐIÐ, SUNNUDAGUR 16. OKTÓBER 1983
35
Annað mat á umsækjendum
en starfsreynsla og árangur
— segir Einar Sveinsson, framkvæmdastjóri BÚR
„MÉR ER
framkvæmd með
öllu óskiljanleg og
hún er óvenjuleg
að mínu mati,“
sagði Einar
Sveinsson, fram-
kvæmdastjóri
BÚR, en nú hefur
verið tekin um það
ákvörðun að ráða
nýjan framkvæmdastjóra, en segja
upp störfum tveimur sem fyrir eru.
„Með uppsögn minni og ráðn-
ingu nýs framkvæmdastjóra legg-
ur meirihluti útgerðarráðs greini-
lega ekki mat á gildi umsækjenda
samkvæmt starfsreynslu og
starfsárangur. Undanfarin ár hef-
ur fiskvinnslan hjá BÚR skilað
góðum árangri í samanburði við
önnur fyrirtæki. Árið 1981, fyrir
verðbreytingafærslur, var tap 59
frystihúsa, samkvæmt yfirliti
Þjóðhagsstofnunar, 3,8%, en hjá
BÚR varð 9% hagnaður. Sam-
kvæmt bráðabirgðayfirliti yfir
reikninga ársins 1982 voru sam-
bærilegar tölur Þjóðhagsstofnun-
ar 1% hagnaður, en hjá BÚR
16,3% hagnaður,“ sagði Einar.
?Hinn mikli taprekstur togara
BÚR er ekkert sérmál þessa fyrir-
tækis. Þar vegur þyngst gífurlegur
fjármagnskostnaður, vegna óhag-
stæðrar gengisþróunar og að
stærstum hluta vegna nýju togar-
anna tveggja, þó einkanlega Ottós
N. Þorlákssonar, en ákvörðun um
þau skipakaup tóku allir flokkar í
borgarstjórn. Skipti á fram-
kvæmdastjórum hjá BÚR breytir
engu um afleiðingar óhagstæðrar
gengisþróunar, eða um pólitískar
ákvarðanir um togarakaup," sagði
Einar.
„Okkur Björgvin er báðum vikið
frá störfum undir yfirskini skipu-
lagsbreytinga, sem sagt er að séu
til þess að einfalda stjórnkerfi
BÚR, en þessi stjórnkerfisbreyt-
ing felur í sér einn yfirfram-
kvæmdastjóra og fjóra aðstoðar-
framkvæmdastjóra í stað tveggia
framkvæmdastjóra áður. ÖIl
framkvæmd þessa máls er í sam-
ræmi við þetta. Með tilliti til
opinberra talna og meðmæla 155
starfsmanna fiskiðjuversins, þá er
það mér mun meira virði að sjá
árangur átta ára starfs sem fram-
kvæmdastjóra BÚR, heldur en það
að hafa verið hafnað af fulltrúum
Sjálfstæðisflokksins," sagði Einar
Sveinsson.
Framkvæmdastjóri á að
koma fjármálimum í gott horf
*
— segir Ragnar Júlíusson, foramður útgerðarráðs BUR
„UPPHAF þess
máls var það að
tap Bæjarútgerð-
arinnar var á ár-
inu 1982 112
milljónir króna og
það varð að grípa
til allra hugsan-
legra ráða til þess
að rétta hag fyrir-
tækisins. Einn lið-
ur í því var að Hagvangur var
fenginn í byrjun þessa árs til þess
að gera tillögur um breytt stjórn-
skipulag hjá BÚR,“ sagði Ragnar
Júlíusson, formaður útgerðarráðs
Bæjarútgerðar Reykjavíkur í sam-
tali við Morgunblaðið, en hann
var inntur álits á samþykkt út-
gerðarráðs um ráðningu fram-
kvæmdastjóra fyrirtækisins.
„Hagvangur skilaði tillögum
sínum snemma í vor og er fyrir-
tækinu skipt upp í fjórar deildir
samkvæmt þeim; vinnslusvið,
tæknisvið, fjármálasvið og tog-
arasvið, og verður deildarstjóri
yfir hverju sviði og allar deild-
irnar verða undir framkvæmda-
stjóra," sagði Ragnar.
„Að sjálfsögðu verður aðal-
verkefni hins nýja fram-
kvæmdastjóra að koma fjármál-
um fyrirtækisins í gott horf.
Það hefur ekki verið rasað að
neinu í þessu máli, en unnið hef-
ur verið að því frá því í janúar
og fram í miðjan október," sagði
Ragnar.
„Það er von mín að með þessu
takist að rétta fjárhag fyrirtæk-
isins, þannig að greiðslur úr
borgarsjóði vegna taps BÚR geti
horfið. Síðan er það mín per-
sónulega ósk að þegar þetta hef-
ur tekist, að þá komum við fyr-
irtækinu á svipað rekstrar-
fyrirkomulag og er hjá Útgerð-
arfélagi Akureyringa hf. og þá
verði starfsfólki gefinn kostur á
að eignast hlut í fyrirtækinu
ásamt öðrum aðilum í borginni,"
sagði Ragnar.
Aðspurður sagði Ragnar að
þeir tveir framkvæmdastjórar
sem nú hefur verið sagt upp,
muni láta af störfum hjá BUR
um áramót. Varðandi stöður
deildarstjóra, sagði Ragnar að
borgarstjórn hefði samþykkt að
hinn nýi framkvæmdastjóri og
borgarstjóri að höfðu samráði
við útgerðarráð, myndu sjá um
tilfærslur innan fyrirtækisins,
en ekki hefði verið tekin
ákvörðun um hvort stöður deild-
arstjóranna yrðu auglýstar.
Varðandi stöðu Marteins Jón-
assonar, sem nú gegnir starfi
ráðgjafa hjá fyrirtækinu, sagði
Ragnar, að við hann hefði verið
gerður samningur árið 1981 til
fimm ára, þegar Björgvin Guð-
mundsson tók við starfi hans.
Samningur þessi væri að sjálf-
sögðu bindandi, enda hefði hann
verið undirritaður af þáverandi
formanni útgerðarráðs og borg-
arstjóra. Ragnar gat þess að
Marteinn hefði þjónað Bæjarút-
gerðinni frá því á miðjum sjötta
áratugnum, bæði sem skipstjóri
og framkvæmdastjóri og gert
það með sóma.
Grindavík:
Velheppnuð samæfing
björgunarsveita SVFI
(■riadavfk, 3. október.
UM SÍÐUSTU helgi 1.—2. október var haldin hér samæfíng björgunarsveita
Slysavarnafélags Islands, sem sendu fulltrúa á námskeiðið í Aberdeen f
Skotlandi á dögunum, þar sem fjallað var um sjóbjörgun úr gúmmíbátum
hjá „Robert Gordon Institute Tecnologi-háskóla".
Þar var haldið námskeið i
„Offshore Survival Center" á veg-
um skólans. Námskeið skólans
byggja aöallega á björgun af olíu-
borpöllum, úr hrapandi þyrlum og
síðan meðferð á björgunarbátum
ýmiss konar.
Á þessari samæfingu björgun-
arsveitanna var farið yfir allt, sem
æft var og þjálfað í Skotlandi á
dögunum. Skotar höfðu lagt gífur-
lega mikila áherzlu á öryggi björg-
unarmanna og sögðu í þvi sam-
bandi, að betra væri einn maður í
sjó, en tveir.
Gunnar Tómasson, formaður
björgunarsveitarinnar Þorbjörns í
Grindavík, sagði aðspurður, að öll-
um björgunarsveitarmönnum
hefði borið saman um góðan
árangur af þessari samæfingu, en
hún fór fram við nokkuð raunhæf-
ar aðstæður. Æft var að taka
mann úr sjó á venjulegan hátt og
einnig í sérhannað net á bátunum,
sem er nýjung hér á landi. Æft var
að leggja skipunum úti á rúmsjó og
beita slöngubátunum í krappar
öldur. Slysavarnafélag íslands
hyggst nú kynna öðrum björgun-
arsveitum árangur Skotlandsferð-
arinnar og samæfingarinnar hér.
— Guðfinnur.
1. Örtölvustýrt að öllu leyti.
2. Tölvustýrð klukka 7 daga fram í tímann.
3. Með 7 mismunandi dagskrárstundum.
4. Þráðlaus fjarstýring með 8 möguleikum.
5. Sjálvirkur dagsrárleitari (APLD) „Index skanner“.
6. Rafstýrðir snertirofar.
7. Framhlaðið.
8. Gefur nákvæmlega til kynna hversu margar
mínútur eru eftir óspilaðar af kasettunni.
9. Möguleikar á ‘/2 hraða, tvöföldum hraða og
ramma fýrir ramma „Frame by frame“.
Aðeins
39.900-
stg.
HLJÐMBÆR ■ --t—
HUOM*HEIMILIS*SKRIFSTOFUTÆKI HVERFISGÖTU 103 SÍMI 25999