Morgunblaðið - 16.10.1983, Blaðsíða 36

36
MORGUNBLAÐIÐ, SUNNUDAGUR 16. OKTÓBER 1983
Konur úr Stjömunni dansa á pallinum.
Hópurinn bíður eftir rútunni sem flytja á þær á æfingu.
Vöktu mikla athygli
á fimleikasýningunni
sem fram fór á Italíu
Þann 25. júní síöastliðinn lagöi af
stað til Ítalíu flokkur frá fimleikafé-
laginu Björk í Hafnarfiröi. Þetta er
nýstofnaður flokkur en í honum eru
stúlkur sem hættar eru að æfa fim-
leika sem keppnisgrein en ætla að
halda áfram við sýningar. Ferðinni
var heitið til lítils bæjar á Ítalíu sem
heitir Albenga og liggur nálægt
landamærum Mónakó og Frakk-
lands. Þar er á hverju ári haldin
fimleikahátíð þar sem fram koma
hópar frá mörgum þjóðum. Þriðja
hvert ár er hátíðin mun stærri í snið-
um og glæsilegri en hin tvö árin og
svo var einmitt í þetta sinn.
Við flugum til Luxemborg
eldsnemma að morgni til. Frá
Lux. fórum við síðan til Karlsruhe
í Þýskalandi því að þar bættist í
hópinn fyrrverandi formaður fé-
lagsins, Anna Kristín Jóhannes-
dóttir, en maður hennar er þar við
nám. Frá Karlsruhe tókum við
næturlest til Albenga. Var stór-
kostlegt að keyra um Alpana,
stjörnur fyrir ofan okkur en Ijós
frá smábæjunum fyrir neðan, þeg-
ar brunað var upp og niður
fjallshlíðarnar. Við komum til Al-
benga um kl. 11 að morgni 26. júní.
Það beið okkar rúta á brautarstöð-
inni sem ók með okkur til hótels-
ins okkar (Hotel Welcome) en þar
fengum við tvær íbúðir til umráða.
Þar hittum við hinn íslenska hóp-
inn, konur úr Stjörnunni í Garða-
bæ en þær höfðu komið daginn áð-
ur. Þegar við höfðum komið okkur
fyrir fórum við í smá skoðunar-
ferð niður á ströndina og um
næsta nágrenni, en hún var aðeins
3—4 mínútna gang frá hótelinu.
Albenga er gamall bær, t.d. er
gamli miðbærinn allur frá tímum
Rómverja. Þegar við komum degi
fyrir sýninguna var búið að
skreyta allan bæinn hátt og lágt.
Sýningin hófst á mánudags-
kvöldi með því að farin var 1 xk
tíma skrúðganga i gegnum bæinn
og endað á hátíðarsvæðinu. Þessi
skrúðganga var farin fyrir bæj-
arbúa sem fylltu gangstéttirnar
og hylltu sýnendur. Sýningin átti
að standa yfir í 6 daga, þ.e. í fimm
daga þar sem allir sýndu en sjötta
daginn var búið að velja 5 bestu
hópana af þeim 43 sem alls komu
fram. Það var mjög gaman að
sýna þarna, sérstaklega á útisvæð-
inu, því að sýningarnar fóru alltaf
fram á kvöldin svo að bara sýn-
ingarpallurinn var upplýstur. Var
það sérstök tilfinning að sýna með
stjörnubjartan himininn yfir sér
og nutum við þess til fulls. Á
þriðjudagskvöldi áttum við að
koma fram bæði í húsi og á úti-
palli. Við kláruðum okkur af með
innisýninguna en þegar kom að
okkur að sýna úti var komið ský-
fall og pallurinn orðinn eins og
pollur. Við úr Björkunum urðum
að hætta við að sýna vegna slysa-
hættu, en konurnar úr Garðabæ
sýndu þarna í grenjandi rigningu
við mikinn fögnuð og lófaklapp
áhorfenda. Okkur íslendingunum
var mjög vel tekið og sýndum við
frá Björkunum mánudag og
þriðjudag, vorum valdar í sjón-
varpsupptöku á fimmtudegi, sýnd-
um aftur á föstudegi og vorum síð-
an valdar sem einn af fimm bestu
hópunum til að koma fram á laug-
ardagskvöldinu, en það var sein-
asta kvöld sýningarinnar og hald-
ið með miklum glæsibrag. Komu
þá einnig fram utanaðkomandi
skemmtikraftar t.d. heimsmeist-
ararnir á trampólíni frá Frakk-
landi, {talíumeistararnir í Rock-
Acrobatic dansi og ítalski meist-
arinn í nútíma fimleikum.
Á miðvikudegi voru engar sýn-
ingar en boðið var upp á ferðir til
ýmissa staða og kusum við ísiend-
ingarnir að fara til Mónakó og
Nice og var það í alla staði mjög
skemmtileg ferð. Við gengum um
götur Mónakó, sáum m.a. Rolls
Royce og tannbursta úr gulli —
fórum svo einnig að skoða fursta-
höllina en spilavítið var því miður
lokað. Við skoðuðum einnig höfn-
ina með öllum sínum risalysti-
snekkjum. í Nice voru okkur sýnd
öll helstu hótelin en gistingin þar
fyrir eina nótt var svo dýr að alla
svimaði við að heyra upphæðina
(ca. ein mánaðarlaun). Það var
líka „æðislegt" að sjá fallegt og
Garry bóksali og konur úr Stjörnunni.
fjölbreytilegt landslagið, skjanna-
hvítan sandinn á ströndinni og
himinblátt hafið en því miður
gafst ekki tími til að njóta þess.
Sjónvarpsupptakan daginn eftir
ferðina, á fimmtudegi, var nú líka
alveg sér kafli út af fyrir sig. Hún
var að degi til, strax eftir hádegið,
í miðri „síestunni" svo að fólk virt-
ist ekki vera fullkomlega vinnu-
fært. Alla vega fór allt úr skorð-
um, músíkin klikkaði hjá nokkrum
(byrjaði t.d. inni í miðju lagi hjá
okkur) dýnurnar fuku til hjá öðr-
um, en engu var hægt að breyta
eða endurtaka því að þessari ring-
ulreið var sjónvarpað beint til
milljóna áhorfenda sem ábyggi-
lega hafa þó skemmt sér alveg
ágætlega.
Þar sem að sýningarnar fóru
eingöngu fram á kvöldin höfðum
við góðan tíma til að skoða okkur
um í bænum, versla og liggja á
ströndinni. Einu sinni þegar við
vorum að labba í gegnum gamla
miðbæinn gengum við framhjá
bókaverslun, þar sem var stórum
stöfum skrifað á gluggann „Vel-
komin ísland" og var öll skreyting
í honum íslensk. Við fórum auðvit-
að inn og töluðum við eigandann
og kom þá í ljós að hann hafði
geysilegan áhuga á íslandi og var
meira að segja á leið hingað árið
1984. Síðasta daginn fórum við til
að þakka honum fyrir og gefa hon-
um gjöf og var þá komin ný
gluggaskreyting, öll í íslensku
fánalitunum „Bless ísland". Við
afhentum honum gjöfina og þökk-
uðum honum kærlega fyrir hlýleg-
ar móttökur. Hann sagði okkur að
hann væri nýbúinn að fá upp-
hringingu frá framkvæmdastjóra
sýningarinnar um að hann hefði
fengið 1. verðlaun fyrir glugga-
skreytingu. Konurnar úr Stjörn-
unni fóru síðan til hans, dönsuðu
þær eftir laginu Ríðum, ríðum
rekum yfir sandinn, og færðu hon-
um síðan bók, sem var árituð með
nöfnum okkar allra frá íslandi.
Þrjár þeirra voru í íslenska þjóð-
búningnum en hinar voru í bolum
merktum ísland. Vöktu þær að
vonum mikla athygli og var margt
fólk sem stoppaði þarna í göngu-
götunni til að fylgjast með. Garry,
bóksali og fslandsvinur, færi síðan
öllum hópnum blóm, „slides"-
myndir frá Albenga og litlar
flöskur með sandi frá ströndinni.
Konurnar úr Garðabæ fóru
snemma á laugardagsmorgni, því
að þær þurfti að vera mættar á
sýningu í Svíþjóð á sunnudag. Við
frá F. Björk fórum nokkrum dög-
um seinna og var gist í Þýskalandi
í Karlsruhe í bakaleiðinni til að
eyða þeim fáu krónum sem eftir
leyndust. Allir eru mjög ánægðir
með þessa ferð, sem fór fram úr
björtustu vonum hvað móttökur
og mótstað snerti.
Með Ítalíukveðju,
Fimleikafélagið Björk,
Hlín Árnadóttir, fararstjóri,
Brynhildur Skarphéðinsdóttir,
Dagbjört Bjarnadóttir,
Guðrún Björk Kristinsdóttir,
Karólína Valtýsdóttir,
Rannveig Guðmundsdóttir,
Sjöfn Jónsdóttir,
Svava Mathiesen.
Bjarkirnar í einu sýningaratriði sínu.
íslenski hópurinn á hátíðarsvæðinu. Beðið eftir því að skrúðgangan hefjist.