Morgunblaðið - 16.10.1983, Qupperneq 41
MORGUNBLAÐIÐ, SUNNUDAGUR 16. OKTÓBER 1983
41
Sigursreinn Eggertsson að störfum. Morgunbiaíið/ HBj.
— Ert þú bjartsýnn á kornrækt-
ina, þrátt fyrir þetta erfíða sumar?
Já, ég er sannfærður um að þetta
er hægt, þó að svona ár komi einu
sinni á öld. Ég sái óhikað að vori
upp á að fá uppskeru að hausti.
— Af hverju er þetta ekki orðið
almennara eftir þó þessa reynslu sem
fengin er og af hverju gefast menn
upp á þessu?
Menn eru ekki aldir upp við
þessa vinnu frá blautu barnsbeini.
Þessi ræktun þarfnast landskika og
menn vilja frekar nota landið til
grasræktar. Auk þess hafa þeir
ekki tíma í þetta og jafnvel ekki
nógu góð tök á jarðræktinni sumir
hverjir.
— Þú ert líklega einn um að fá
nokkra uppskeru í haust, hvað veld-
ur?
í Landeyjunum slógu þeir of
snemma, biðu ekki nógu lengi.
Sumir fóru með hálminn beint 1
graskögglaverksmiðjuna og fengu
ágætt fóður. Kartöflubændur í
Þykkvabænum rækta korn á kart-
öfluökrunum fyrst og fremst til að
hvíla akrana, þeir fá betri kartöflu-
uppskeru árið eftir og skiptir korn-
uppskeran þá minna máli. Sumir
plægja allt niður á haustin og fá
með því betri kartöfluuppskeru ár-
ið eftir.
Ráðlegg engum neitt
— Hvar álítur þú að hægt sé að
stunda kornrækt?
Það er víða hægt að rækta hér
sunnanlands. Þar sem kartöflur
spretta nær áfallalaust þar er hægt
að rækta korn, það er nokkurn veg-
inn örugg vísbending. Norðanlands
er líka hægt að rækta þetta og þar
gætu þeir verið með fljótsprottnari
afbrigði vegna betri veðráttu. Það
er rokið hérna og hversu skammt
er í kuldann sem setur okkur hér
undir Eyjafjöllum ákveðnar skorð-
ur með þessa ræktun.
— Að lokum, Eggert, getur þú ráð-
lagt bændum að fara út í komrækt?
Nei, ég vil ekki ráðleggja neinum
neitt. En þeir sem hafa áhuga á
þessu, ættu að prófa það. Þeir eiga
þá að byrja smátt og sjá hvort það
þroskast hjá þeim og fikra sig síð-
an áfram. Það kostar ekkert að sá í
lítinn blett fil að sjá hvort það
þroskast, þannig byrjaði ég nú á
þessu, sagði Eggert Ólafsson á
Þorvaldseyri að lokum.
HBj.
með vöxtum. Byggingin er einföld;
stálgrindahús, óeinangruð. 1 upp-
hafi fá þeir 40 læður og koma dýr-
in 15.—20. nóvember nk.
Hvernig er með fóður handa
þeim?
— Ætlunin er, að fóðurstöð
verði sett upp í Borgarnesi á veg-
um kaupfélagsins, þegar talið er
að grundvöllur verði til að reka
hana. 170 læðu*- koma í Borgar-
fjarðarhérað og eru það of fá dýr
til þess að unnt verði að reka
fóðurstöð fyrir þann fjölda einan.
Þangað til verður að afla fóðurs á
annan hátt. Líklegt er að Lýsi hf. í
Reykjavík byrji um áramótin á
framleiðslu fóðurs. Þar til eitt-
hvað gerist í þessum efnum í
Borgarfirði, verðum við í viðskipt-
um við þá.
Hvernig með gegningar?
— Gegningar eru tiltölulega
rólegar. Annatími er um pörun-
artíma frá miðjum febrúar til
miðs maí. Got stendur yfir frá
miðjum apríl fram í miðjan júní
og eftir 5—6 vikur eru yrðlingarn-
ir færðir frá. Vaxtartími er svo
5%—6 mánuðir og þeim er slátrað
í október/ nóvember.
Hvað hyggja þeir bræður, Jón og
Guðmundur, með framtfðina í þess-
um efnum?
— Þjóðhagslega er þetta hag-
kvæmt. Þarna nýtist innlent fóð-
ur, slátur- og fiskúrgangur, en
framleiðslan er flutt út, svo þetta
skapar gjaldeyristekjur. Horfurn-
ar eru sæmilegar og okkur lízt
ekki illa á refabúskap. Það verður
erfitt að fara af stað, þar sem við
þekkjum ekki inn á þpssi fræði. Ef
vel á að vera þarf nákvæma hirð-
ingu. Við verðum að lesa okkur til
svo við gerum okkur gleggri grein
fyrir því, hvernig þetta er. Við
leitum ráða hjá Magnúsi skóla-
stjóra Bændaskólans á Hvanneyri
eins og kostur er.
Við erum ekki að standa í því að
framleiða eitthvað sem ekki selst.
Það virðist ganga vel hjá þeim
sem eru . byrjaðir og það gerist
ekkert í þessu nema reyna.
— Pb
Matvæladagur Samein-
uðu þjóðanna er í dag
í tilefni af matvæladegi mat-
væla- og landbúnaðarstofnunar
SÞ, sunnudaginn 16. október, vill
Hjálparstofnun kirkjunnar hvetja
landsmenn til umhugsunar um
þann hrikalega vanda hungurs og
örbirgðar víða í heiminum og
nauðsyn samstöðu til eflingar
hjálparstarfi við bágstadda, segir í
fréttatilkynningu frá Hjálparstofn-
un kirkjunnar.
Þeim íbúum jarðar sem lifa
við aðstæður hungurs og ör-
birgðar fjölgar ört þrátt fyrir
tækniframfarir og aukna mat-
vælaframleiðslu. Nú er álitið að
500 milljónir manna þoli hungur
og hefur þeim fjölgað um þriðj-
ung sl. áratug. Talið er að 15
milljónir barna deyji á ári
vegna hungurs og vannæringar.
Ibúar jarðar eru nú um 4,5
milljarðar. Á hverjum sólar-
hring bætist í hópinn mann-
fjöldi er nemur tæplega íbúa-
fjölda á íslandi. Áætlað er að
um aldamótin búi á jörðinni 6,5
milljarðar manna. Eðlilegt er að
spurt sé, hvort jörðin sé of lítil
og auðlindirnar of rýrar til að
brauðfæða íbúa sína. Svo er alls
ekki. Málið fjallar m.a. um rétt-
læti varðandi dreifingu brauðs-
ins og skynsamlega nýtingu á
auðlindum jarðar. Fullyrt hefur
verið að jörðin geti brauðfætt
þrisvar sinnum fleiri íbúa en nú
lifa á jörðinni með réttlátari
efnahags- og framleiðsluskipan.
Hjálparstofnun kirkjunnar
hvetur stjórnvöld og einstakl-
inga til raunhæfra aðgerða til
hjálpar þurfandi og þjáðu fólki
með virku starfi í þágu mann-
réttinda og í beinu hjálpar- og
líknarstarfi.
Kirkjan vill með hjálparstarf-
inu leitast við að tjá hina
kristnu von í verki, vísa leiðina,
kalla einstaklinga og þjóðir til
samverkastarfa og afturhvarfs
frá dauða til lífs. Hjálparstofn-
unin er einn farvegur kirkjunn-
ar til hjálpar bágstöddum, bæði
innanlands og utan, og veitir
viðtöku framlögum frá þúsund-
um íslendinga á ári hverju til
líknar- og hjálparstarfa. Stofn-
unin hefur nú á hendi langtíma-
verkefni í S-Súdan er byggist á
hjálp til sjálfsbjargar. Sl. mán-
uði hefur stofnunin staðið að
matvælasendingum til neyð-
arhjálpar í Ghana og Póllandi
og nú eru fyrirhugaðar næstu
daga matvælasendingar til
Eþíópíu. Á þessu ári hefur
Hjálparstofnunin staðið að mat-
vælasendingum er nema 500
tonnum til bágstaddra víða um
heim. Þetta hefur tekist vegna
virkrar þátttöku fjölmargra ís-
lendinga í hjálparstarfi kirkj-
unnar.
Á hverjum degi berast Hjálp-
arstofnuninni neyðarbeiðnir.
Aðeins hluta þeirra er unnt að
svara með aðgerðum. Hjálpar-
stofnunarinnar bíða nú mörg
hjálparverkefni, sem ákveðið
hefur verið að sinna. Það eru
verkefni í Ghana, Eþíópíu, Pól-
landi, Súdan og víðar auk að-
stoðar innanlands. Framkvæmd
þessara verkefna byggist eins og
jafnan áður á velvilja og áhuga
gefenda. Hjálparstofnunin vill
því vekja athygli á að gíróreikn-
ingur stofnunarinnar nr. 20005-
0 er ætíð opinn. Einnig má koma
framlögum til skila á skrifstofu
Hjálparstofnunarinnar og til
sóknarpresta.
Á matvæladegi SÞ, sunnudag-
inn 16. október, mun dagsins og
tilefnis hans minnst við guðs-
þjónustur í kirkjum landsins,
samkvæmt ósk biskups íslands,
þar sem framlögum verður einn-
ig veitt móttaka.
RAFTÆKJAVERSLUNIN
Sendum
ipóstkrqfu
H.G. GUÐJONSSON
Stigahlið 45-47 - Sími 37 6 37.
Tjæöss* •
Mero
Heildverslunin Árval
Vatnagöröum 10, Reykjavík, sími 33180.