Morgunblaðið - 30.07.1993, Blaðsíða 16
16
MORGUNBLAÐIÐ FÖSTUDAGUR 30. JÚLÍ 1993
*
Tuttugu útlendingar fara í mánaðar hestaferð með Ishestum
1000 kílómetra
reið yfir landið
HÓPUR á vegtim íshesta ætlar að leggja upp í hesta-
ferð um þvert landið næstkomandi mánudag. Eru 26
manns í hópnum, þar af 20 útlendingar. Farið verður
frá Hellissandi yfir hálendið til Reyðarfjarðar og áætlað
er að ferðin taki um 27 daga. Er þetta rúmlega 1.000
km vegalengd. Að sögn Einars Bollasonar, framkvæmda-
stjóra Ishesta, er ferðin farin í tilefni tíu ára afmælis
íshesta sem var síðastliðið haust.
Morgunblaðið/Einar Falur
Lagt af stað í langa ferð
CHARLY Bolliger, Einar Bollason og Claire Grocott ætla að leggja
í eina lengstu hestaferð sem farin hefur verið hér á landi, en
þau ætla ásamt 26 manna hópi að fara ríðandi yfir þvert landið.
Einar segir að farið verði frá
Hellissandi út Snæfellsnesið, að
Sigmundarstöðum í Borgarfirði,
þaðan upp á Arnarvatnsheiði og
þaðan verði riðið norðan Langjök-
uls og Hofsjökuls og því næst
Sprengisand niður í Bárðardal.
Þá verður riðið um Mývatnsöræfí
og þaðan verður farið inn í Snæ-
fell og um Fljótsdal, Hallormsstað
og ferðin endar á Reyðarfirði. Á
leiðinni verður skipt tvisvar sinn-
um um hesta, fyrst á Sigmundar-
stöðum í Borgarfirði og svo í
Bárðardal, en um þijú hundruð
hestar verða alls notaðir til ferðar-
innar.
Ferðafólkið öllu vant
Tveir bflar verða með í för til
að flytja mat og munu þeir hitta
hópinn á ákveðnum stöðum. „Eg
held að mér sé óhætt að fullyrða
að þetta sé lengsta hestaferð sem
nokkru sinni hafí verið farin.
Þetta fóík, sem verður með í ferð-
inni, hefur oft komið hingað áður
og orðið öllu vant, auk þess sem
flestir útlendingamir eiga ís-
lenska hesta heima hjá sér,“ seg-
ir Einar.
Hann segir að lengsta dagreið-
in verði líklega um 12 klukku-
stundir, en það er frá Laugafelli
niður að Mýri í Bárðardal, en það
er um 70 km leið.
Hafa komið ofttil íslands
Þær Charly Bolliger frá Sviss
og Claire Grocott frá Englandi
segjast hlakka mikið til ferðarinn-
ar, en þær hafa báðar kpmið mjög
oft hingað til lands. „Ég á sjálf
tvo íslenska hesta í Englandi. Það
er á annað hundrað íslenskra
hesta í Englandi og þeir eru að
verða mun vinsælli þar. Það er
mun ódýrara að vera með íslenska
hesta en enska því að þeir geta
ekki verið úti marga mánuði eins
og íslensku hestarnir," segir Groc-
ott.
Bolliger segist ekki eiga ís-
lenska hesta sjálf heldur vilji hún
heldur koma hingað eins oft og
hún getur til að fara í hestaferðir
hér. „Þetta er níunda ferð mín til
íslands. Ég íhugaði einu sinni að
kaupa íslenska hesta en ákvað svo
að koma fremur hingað og njóta
íslenska hestsins í íslenskri nátt-
úru,“ segir hún.
Þær sögðust hlakka mikið til
ferðarinnar og kvíða því ekki þótt
veðrið gæti verið misgott. „Flest
okkar í hópnum þekkja hvert ann-
að vel því við höfum farið í styttri
ferðir á vegum íshesta saman.
Þetta verður skemmtileg og
spennandi ferð,“ sögðu þær glað-
ar í bragði að lokum.
Háskóla-
frumvarpið
lagt fram
í haust
ÓLAFUR G. Einarsson mennta-
málaráðherra segir að hann
muni leggja frumvarp um breyt-
ingar á lögum um Háskóla Is;
lands fram á næsta haustþingi. í
frumvarpinu er m.a. að finna
ákvæði sem gera Háskólanum
kleift að stofna til útvarps- og
sj ón varpsreksturs.
Frumvarp þetta var tilbúið á síð-
asta þingi og hafði ríkisstjórnin
ákveðið að leggja það þá fram sem
stjórnarfrumvarp. Þingflokkur Al-
þýðuflokksins gat hinsvegar ekki
samþykkt ákvæði frumvarpsins um
inntökuskilyrði til náms við skólann
og því var frumvarpið ekki lagt
fram.
Rætt við rektor
Ólafur G. Einarsson segir að
hann hafi rætt við háskólarektor
um málið nú í vikunni og fram
hafí komið að Háskólaráð hyggist
gera frekari breytingar á frumvarp-
inu. Hann muni síðan leggja frum-
varpið fram að nýju þegar Háskóla-
ráð hefur afgreitt það af sinni hálfu.
„Frumvarpið verður að öðru leyti
óbreytt frá því sem það var er ríkis-
stjórnin fjallaði um það síðasta vet-
ur,“ segir Ólafur.
Morgunblaðið/Frimann Ólafsson
Af slysstað
FRÁ slysstað þar sem ekið var á mann á vélhjóli á Reykjanesbraut.
Ekið á vélhjól á
Reykjanesbraut
Grindavík.
EKIÐ var á mann á vélhjóli við gatnamót Reykjanesbrautar og
Grindavíkurvegar um hádegisbil í gærdag. Ökumaðurinn, þýskur
ferðamaður, slasaðist á fæti.
Tvö vélhjól voru að koma frá
Reykjavík og hugðust ökumenn
þeirra beygja til vinstri áieiðis til
Grindavíkur er bifreið var ekið fram
úr þeim á gatnamótunum og inn í
hlið annars vélhjólsins með þeim
afleiðingum að ökumaður kastaðist
af því. Hann mun hafa ökklabrotn-
að en sjálfsagt hefur hjálmur
mannsins og hlífðarföt bjargað hon-
um frá frekari meiðslum. Hjálmur-
inn var mikið dældaður á þeirri hlið
sem maðurinn lenti á og hlífðarfatn-
aður rifinn. FÓ
Hreinsistöðin tekur við
framköllunarvökva
HREINSISTÖÐIN er eina fyrirtækið á höfuðborgarsvæðinu fyrir utan
Sorpu, sem hefur leyfi Hollustuverndar til að eyða framköllunarefn-
um. Kristinn Ragnarsson, framkvæmdastjóri Hreinsistöðvarinnar, seg-
ir að frá því um áramót, þegar fyrirtækið tók til starfa, hafi þeir
tekið við um 30.000 lítrum af framköllunarvökva, en á landinu falli
til um 300.000 lítrar á ári. Þá segir hann að um 90% af efnunum séu
eimuð hjá Hreinsistöðinni og því þurfi aðeins að senda um 10% til
útlanda til eyðingar þar, en Hreinsistöðin tekur 40 kr. fyrir hvern
lítra af slíkum vökva.
Kristinn segir að vökvinn sé sótt-
ur til fyrirtækja og sé sú þjónusta
innifalin í verðinu. Enn hafí hann
ekki ákveðið hvað hann geri við
þann hluta efnanna, sem hann geti
ekki eytt, en þau þurfí Iíklega að
senda til útlanda þegar þar að komi.
„Þessi efni eru flutt til landsins í
tiltölulega smáum einingum og hér
eru þau svo þynnt út með vatni og
margfaldast þannig í rúmmáli. í stað
þess að senda efnin til útlanda út-
þynnt þá er hægt að eyða allt að
90% efnanna áður en þau eru send
til útlanda og það minnkar að sjálf-
sögðu allan kostnað auk þess sem
það hlýtur að vera hagstæðara í alla
staði,“ segir Kristinn.
Almenningur beiti þrýstingi
Kristinn hefur látið útbúa lím-
miða, sem hann vill að allir þeir, sem
láta Hreinsistöðina eyða þessum efn-
um fyrir sig, láti liggja frammi.
Þannig geti almenningur beitt þrýst-
ingi með því að láta t.d. aðeins fram-
kalla fílmur sínar á þeim stöðum þar
sem ljóst sé að öllum efnum sé skil-
að til eyðingar. „Ætli ég taki t.d.
ekki efni frá um 60% af framköllun-
arfyrirtækjum á höfuðborgarsvæð-
inu, þar með öllum þeim stærstu
eins og Hans Petersen. Þá langar
mig til þess að minnast þess að
Morgunblaðið er eina dagblaðið hér,
sem er hreint og skilar öllum þessum
efnum á rétta staði.“
Úttekt á spilliefnamóttöku
Sorpu
Ágúst Sigurðsson, efnafræðingur
hjá Hollustuvernd, segir að fyrirhug-
uð úttekt á starfsemi spilliefnamót-
töku Sorpu nú í sumar sé liður í
lögbundnu mengunareftirliti og sé
markmið hennar að kanna aðstöðu,
meðferð á eiturefnum og mengunar-
varnir spilliefnamóttökunnar. Þá sé
í beinu framhaldi af því fyrirhugað
að leggja mat á magn hættulegs
úrgangs, sem ekki skili sér til eyð-
ingar. Þá segir hann að haft verði
samstarf við umhverfísráðuneytið
og Heilbrigðiseftirlit sveitarfélag-
anna um leiðir til að stuðia að betri
skilum.
Pétur Haraldsson
kaupmaður látínn
Zukofsky féllst á starfs-
samning til fimm ára
FULLMÓTAÐUR texti að samningi við Paul Zukofsky gerði ráð fyrir
5 ára samningstíma en ekki 10 ára eins og haft hefur verið eftir
Gunnari Gunnarssyni, stjórnarmanni í SinfóníuhUómsveit æskunnar.
Þetta segir Erlendur Sveinsson fyrrum fulltrúi foreldra I stjóminni.
Hann segir heldur ekki hægt að haida því fram að hans sögn að
Zukofsky hafi ekki sýnt samstarfsvilja enda hafi hann lagt á sig mikla
vinnu við samningsgerðina.
Erlendur sagði að Zukofsky hefði
byggt SÆ upp á 8 árum og upphaf-
leg krafa hans um 10 ára starfs-
samning hefði verið svar hans við
tilboði stjórnar um eins og hálfs árs
samning.
Hins vegar tók Erlendur fram og
vitnaði þar til samningstexta, sem
Zukofsky var tilbúinn til að skrifa
undir í júní, að hann hefði að lokum
fallist á að samningurinn yrði aðeins
til 5 ára.
Fallist á gestastjórnanda
Hvað kröfu stjórnarinnar um
gestastjórnanda varðaði sagði Er-
lendur að eflaust hefði ekki hljómað
vel í eyrum manns sem byggt hefði
hljómsveitina upp frá grunni að
stjórnin teldi nauðsynlegt að kallað-
ur væri til utanaðkomandi stjórnandi
sem heyrði beint undir stjórnina.
Hann hlyti að hafa spurt sjálfan sig
að því hvort eitthvað væri að. Engu
að síður hefði Zukofsky að lokum
ekki hafnað hugmyndinni um gesta-
stjómanda. Hann hefði hins vegar
viljað ráða því hver yrði valinn og
hvenær nýr maður kæmi inn enda
slíkt hluti af tónlistarlegu valdi hans.
Pétur Haraldsson kaupmaður lést
á gjörgæsludeild Landspítalans 28.
júlí sl. Hann var 68 ára gamall. Pétur
fæddist 3. júlí 1925 í Reykjavík, son-
ur hjónanna Haraldar Péturssonar,
safnahúsvarðar og fræðimanns, og
Margrétar Þormóðsdóttur.
Pétur lauk prentnámi 1946 og
starfaði sem vélsetjari í Prentsmiðj-
unni Hólum hf. frá 1946-62. Hann
var ritstjóri íslenskra samtíðarmanna
1963-71 og húsvörður Safnahússins
í Reykjavík 1966-71. Árið 1969 festi
hann kaup á Verzlun Bjöms Kristj-
ánssonar á Vesturgötu 4 í Reykjavík
og rak hana ásamt eiginkonu sinni
til síðustu áramóta.
Pétur var ritari Hins íslenska prent-
arafélags 1953-55, ritstjóri Prentar-
ans 1958-61, í stjóm Esperantistafé-
lagsins Auroro 1949-52 og í stjóm
Ættfræðifélagsins um tíu ára skeið
frá endurreisn þess 1972.
Ritstörf: Ólympfuleikamir 1896-
1956, Rvík 1957, og íslenskir samtíð-
armenn I—II (ásamt síra Jóni Guðna-
syni), Rvík 1965-67.
Eftirlifandi eiginkona Péturs er
Halldóra Hermannsdóttir. Þau eign-
uðust fjögur böm og eru þrjú þeirra
á lífí.