Morgunblaðið - 24.02.1996, Blaðsíða 12

12 LAUGARDAGUR 24. FEBRÚAR 1996
AKUREYRI
MORGUNBLAÐIÐ
Flutningamiðstöð Norðurlands fær lóð á vöruhafnarsvæðinu
Stefnt að flutningi allrar
starfseminnar í október
Fyrirtækjanetið
Verðandi
Smávara
úr mokka á
markaðinn
SMÁVARA úr mokka er nú að
koma á markað og var kynnt á
Akureyri í vikunni.
Hugmynd að stofnun fyrir-
tækjanets, sem nú hefur hlotið
nafnið Verðandi, kviknaði í byrj-
un síðasta árs, en þá hafði
Skinnaiðnaður óskað eftir við-
ræðum við Iðnþróunarfélag
Eyjafjarðar um aukna markaðs-
sókn hér á landi fyrir fram-
leiðslu sína, skrautgærur,
mokka og leður.
Sigríður Sunneva, fata-
hönnuður hjá Sunnevu Design,
hefur hannað smávöruna, en
framleiðendur eru þrír, Sauma-
stofan Þel og Skinnastofan á
Akureyri og Leðuriðjan Tera á
Grenivík. Hráefnið kemur frá
Skinnaiðnaði, en Safalinn í
Reykjavík sér um dreifingu.
Tvær línur hafa verið kynnt-
ar, Víkingalína og Sportlína, og
hófst framleiðsla á smávörum
undir þessu merki síðasta haust,
en um er að ræða m.a. húfu,
vettlinga, inniskó og fleira.
Elín Antonsdóttir, atvinnu-
fulltrúi hjá Iðnþróunarfélagi
Eyjafjarðar, sagði að aukinn
áhugi á íslensku hráefni með
tilkomu uppgangs í handverki
og smáiðnaði væri mikilvægur
þáttur. Hefði því verið ákveðið
að kanna grundvöll að stofnun
fyrirtækjanets, sem hefði að
markmiði að auka markaðshlut-
deild mokkaskinna á heima-
markaði og einnig að samnýta
styrk minni fyrirtækja, m.a.
hvað varðar hönnun, kynningu
og dreifingu með það fyrir aug-
um að bæta afkomu og skapa
störf.
Á myndinni eru þær Sigríður
Sunneva, Olöf Halblau, Bergdís
Kristjánsdóttir, Þórey Aðal-
steinsdóttir, Jóna Þórðardóttir
og Steinþór Kárason, hönnuðir
og framleiðendur Mót-smávara.
BÆJARSTJÓRN Akureyrar hefur
samþykkt bókun hafnarstjórnar
þess efnis að ganga til samninga
við Flutningamiðstöð Norðurlands
hf. um leigu á 10.000 fermetra lóð
á vöruhafnarsvæðinu til 20 ára.
FMN er með aðstöðu á Togara-
bryggjunni en hyggst flytja starf-
semi sína á vöruhafnarsvæðið. Þór-
arinn Ivarsson framkvæmdastjóri
segist vonast til að fyrirtækið geti
flutt á þetta nýja svæði í október nk.
„Málið er enn á frumstigi og í
dag erum við að vinna þessa undir-
búningsvinnu varðandi húsnæði og
skipulag svæðisins. Við munum
reisa 1.200-1.500 fermetra hús á
vöruhafnarsvæðinu og verðum þar
með alla okkar starfsemi á Akur-
eyri í framtíðinni. Við flutninginn
verða bílaafgreiðslan og skipaaf-
greiðslan sameinuð. Einnig verður
svæðið girt af og hluti þess malbik-
aður,“ segir Þórarinn.
Aukin umsvif fyrirtækisins
Vöruflutningafyrirtækið, Stefnir
hefur sameinast Flutningamiðstöð-
inni og eru 16 flutningabílar notað-
ir til vöruaksturs. Strandferðaskip
Samskipa kemur einu sinni í viku
til Akureyrar og til viðbótar eru
flutningabílar mikið notaðir í vöru-
flutninga. Þórarinn segir að á þess-
ari stundu séu ekki uppi hugmynd-
ir um beinar siglingar erlendis frá
Akureyri.
Eins og komið hefur fram í Morg-
unblaðinu hefur Flutningamiðstöð
Norðurlands tekið yfir alla flutn-
inga og löndun fyrir Samherja hf.
og dótturfyrirtækin Strýtu hf. og
Söltunarfélag Dalvíkinga hf. en
áður sá fyrirtækið um hluta þeirra
STJÓRNARMENN í Bandalagi
starfsmanna ríkis og bæja
fengu að kynnast norðlensku
vetrarveðri í heimsókn sinni til
Akureyrar í gær. Á myndinni
eru þijár stjórnarkonur á ferð
í göngugötunni, f.v. Guðrún
flutninga. Þórarinn segir að sú við-
bót komi til með að kalla á aukin
umsvif fyrirtækisins.
Starfsmönnum fjölgað og
aukin vinna lausamanna
„Við munum ekki fastráða
márga menn í viðbót, kannski 2-3
en vinna lausamanna á eftir að
aukast. Sú vinna sem var hjá Eim-
skip vegna Samheija flyst yfir til
okkar og hún er töluverð," segir
Þórarinn. Hjá FMN vinna 35 fast-
ráðnir menn og til viðbótar fjöl-
margir lausamenn. Þórarinn taldi
að um 60 manns hafi fengið greidd
laun hjá fyrirtækinu á síðasta ári.
Þórarinn segir að rekstur FMN
hafi gengið ágætlega á síðasta ári
og eins og áætlanir gerðu ráð fyr-
ir. Hann sagðist jafnframt líta björt-
um augum til framtíðarinnar.
Alda Harðardóttir, formaður
Félags íslenskra leikskólakenn-
ara, Kristín Á. Guðmundsdóttir,
formaður Sjúkraliðafélags ís-
lands og Sigríður Kristinsdóttir,
formaður Starfsmannafélags
ríkisstofnana.
Vonskuveður
í Eyjafirði
Fimm
umferðar-
óhöpp
VONSKUVEÐUR var í Eyja-
firði í gær og akstursskilyrði
því með versta móti. Mjög
hvasst var um tíma að norðan
og töluverð ofankoma en
vegna hvassviðrisins festist
snjórinn ekki á helstu vegum
í firðinum.
Fimm umferðaróhöpp urðu
á Akureyri í gærdag, fjórir
árekstrar og ein bílavelta í
Hafnarstræti. Ekki urðu telj-
andi slys á fólki í þessum
óhöppum en töluvert eigna-
tjón. Mjög lítið skyggni var
og að sögn Matthíasar Einars-
sonar, lögregluvarðstjóra á
Akureyri, voru of margir öku-
menn á ferðinni á illa búnum
bílum.
Að sögn lögreglumanna á
Dalvík og í Olafsfirði gekk
umferðin vel þótt aksturskil-
yrði væru slæm. Sjór gekk
upp á bryggjur í Ólafsfirði og
upp á kambinn norðan við
hafnargarðinn á flóðinu um
miðjan dag í gær en engar
skemmdir urðu.
Guðmundur
Guðmunds-
son héraðs-
prestur
GUÐMUNDUR Guðmunds-
son hefur verið kjörinn hér-
aðsprestur í Eyjafjarðar- og
Þingeyj arsýslum.
Hann er fæddur í Bol-
ungarvík 21. apríl 1957. Hann
lauk stúdentsprófi frá
Menntaskólanum við Tjörnina
1977 og guðfræðiprófi frá
Háskóla íslands 1985. Þá
hlaut hann kennsluréttindi frá
sama skóla ári síðar en hefui'
einnig stundað framhaldsnám
í guðfræði við Uppsalahá-
skóla og víðar.
Guðmundur starfaði um
tveggja ára skeið sem æsku-
Iýðsfulltrúi KFUM og K og
jafnlangan tíma sem æsku-
lýðsfulltrúi þjóðkirkjunnar. Þá
var hann aðstoðarprestur í
Neskirkju í eitt ár.
Eiginkona hans er Ingi-
björg Baldursdóttir.
Messur
AKUREYRARPRESTAKALL:
Sunnudagaskóli kl. 11 á morgun
ög messa kl. 14.
GLERÁRKIRKJA: Biblíulestur
og bænastund kl. 13 í dag, laugar-
dag. Barnasamkoma kl. H á
morgun. Messa kl. 14. Kirkjukaffi
kvenfélagsins Baldursbrár í safn-
aðarsal að messu lokinni. Eldri
borgurum boðin keyrsla. Barna-
gæsla í kirkjunni meðan messan
er. Fundur æskulýðsfélagins kl.
20.
HVÍTASUNNUKIRKJAN:
Samkoma í umsjá ungs fólks í
kvöld kl. 20.30. Vakningasam-
koma, vitnisburðir kl. 15.30 á
sunnudag, biblíulestur kl. 20.30 á
miðvikudagskvöld, alþjóðlegur
bænadagur kvenna á föstudag kl.
20.30.
HJÁLPRÆÐISHERINN:
Sunnudagaskóli kl. 13.30 á morg-
un, Almenn samkoma kl. 20, Ann
Merethe Jakobsen talar.
Akureyrarbær
auglýsir:
Tjaldsvæði og útivistarmiðstöð að Hömrum, deili-
skipulag og breyting á aðalskipulagi Akureyrar
1990-2010. Með vísan til 17. greinar skipulagslaga og
greinar 4.4 í skipulagsreglugerð auglýsir Akureyrarbær
tillögu að deiliskipulagi tjaldsvæðis og útivis-
tarmiðstöðvar skáta að Hömrum, norðan
Kjarnaskógar.
í tillögunni felst breyting á aðalskipulagi Akureyrar
1990-2010 þannig að óbyggt svæði, útivistarsvæði
verður blönduð landnotkun; þ.e. almennt útivistar-
svæði, óbyggt svæði til sérstakra nota og svæði fyrir
verslun og þjónustu.
Skipulagsuppdráttur, ásamt skýringarmynd og
greinargerð, liggur frammi almenningi til sýnis á
skipulagsdeild Akureyrarbæjar, Geislagötu 9, 3. hæð,
næstu 8 vikur frá birtingu þessarar auglýsingar, þ.e. til
mánudagsins 22. apríl 1996, þannig að þeir, sem þess
óska, geti kynnt sér tillöguna og gert við hana
athugasemdir. Athugasemdafrestur ertil 22. apríl
1996 og skal athugasemdum skilað til skipulagsdeildar
Akureyrarbæjar.
Þeir sem telja sig verða fyrir bótaskyldu tjóni vegna
framkvæmda deiliskipulagsins eða aðalskipulags-
breytingarinnar er bent á að gera athugasemdir við
skipulagstillöguna innan tilgreinds frests ella teljast
þeir samþykkir henni.
Skipulagsstjóri Akureyrar.
Morgunblaðið/Kristján
Fengu að kynnast
norðlensku vetrarveðri