Morgunblaðið - 22.11.1996, Side 11
MORGUNBLAÐIÐ
FÖSTUDAGUR 22. NÓVEMBER 1996 11
FRÉTTIR
Flokksþing Framsóknarflokks á 80. afmælisári flokksins hefst á Hótel Sögu í dag
Framsóknarmenn virðast
ánægðir með stöðu
flokksins um þessar
mundir. Hann er í ríkis-
stjóm og stendur vel í skoðana-
könnunum enda efnahags- og at-
vinnulíf í uppsveifiu. Forusta
flokksins stendur traustum fótum
og formaðurinn virðist óumdeildur.
Þessu til viðbótar á Framsóknar-
flokkurinn 80 ára afmæli á þessu
ári og verður sérstök afmælishátíð
á laugardag í Háskólabíói af því
tilefni.
En það er ekki þar með sagt
að flokksþingið verði tíðindalaust
og þeir 600 fulltrúar, sem þar eiga
seturétt, verði sammála um allt.
Það virðist meðal annars stefna í
líflega umræðu um sjávarútvegs-
mál.
Á fundi sjávarútvegshóps fram-
sóknarmanna á Reykjanesi í vik-
unni, var ályktað að þótt ekki sé
rétt að setja veiðileyfagjald á sjáv-
arútveg að óbreyttu sé hins vegar
eðlilegt að endurskoða þá afstöðu
þegar greinin hefur náð að laga
sig að bættum aðstæðum. Auð-
lindagjald geti t.d. verið ígildi virð-
isaukaskatts á allar féseldar veiði-
heimildir. Þar er átt við þær veiði-
heimildir sem seldar eru án þess
að um sé að ræða beina hagræð-
ingu milli skipa.
Sjávarútvegshópurinn bendir
einnig á þann möguleika að úthlut-
un aflaheimilda á þorski umfram
t.d. 220 þúsund lestir verði hagað
með þeim hætti að nýliðar í grein-
inni fái hluta, og hluti verði seldur
á uppboðsmarkaði.
í ályktun Reyknesinganna segir
að meginvandamál aflamarkskerf-
isins sé meint brask með veiðiheim-
ildir og að nauðsynlegt sé að gera
úttekt á umfangi og eðli viðskipta
með þær. Þá er fjallað um úrkast
fisks og bent á þann möguleika
að skipum verði heimilt að landa
ákveðnum hluta afla síns utan afla-
marks og selja þann afla á verði,
sem nemi t.d. 15-20% af meðal-
verði sömu tegundar. Þannig verði
tryggt að verðmæti berist á land
í stað þess að lenda í sjónum, og
andvirði aflans ætti að renna til
sjómanna og hafrannsókna.
Umræður um
auðlindagjald
í uppsiglingu
Flokksþing Framsóknarflokksins hafa á
síðari árum ekki verið vettvangur mikilla
átaka og almennt er ekki búist við að öðru
máli gegni um þingið sem hefst í dag
á Hótel Sögu. Að mati Guðmundar Sv.
Hermannssonar gætu þó orðið líflegar
umræður um ýmis mál á þinginu, svo sem
sjávarútvegsmál.
Ræðu formanns beðið
Hjálmar Árnason alþingismaður
viðraði þessar hugmyndir á fundi
Framsóknarfélags Reykjavíkur í
gær og mun væntanlega fylgja
þeim úr hlaði á flokksþinginu.
Óvíst er hvaða viðtökur þær fá á
flokksþinginu en veiðileyfagjald
hefur ekki átt upp á pallborðið
innan flokksins til þessa. Þess er
hins vegar greinilega beðið með
nokkurri eftirvæntingu hvaða
áherslur Halldór Ásgrímsson for-
maður flokksins leggur í þessum
efnum í yfirlitsræðu sinni, sem
hefst klukkan 13.15 í dag og verð-
ur sjónvarpað beint á Stöð 2. En
undanfarið hefur Halldór talað
nokkuð fijálslegar en áður um
kvótakerfið og mögulegt veiði-
gjald.
Ekki mun vera minnst á veiði-
leyfagjald í ályktunardrögum um
sjávarútvegsmál, sem leggja á fyr-
ir flokksþingið, heldur sagt að
nauðsynlegt sé að eyða þeirri
óvissu, sem stöðug umræða um
rekstrarumhverfi sjávarútvegsins
hafi skapað og skapa stöðugleika
og sátt um fiskveiðistjórnunina.
Þá er miðað við að áfram verði
byggt á núverandi afiamarkskerfi.
ESB-aðild útilokuð
í ályktunardrögum um utanrík-
ismál mun kveðið uppúr með að
sjávarútvegsstefna Evrópusam-
bandsins samrýmist ekki íslensk-
um hagsmunum og útiloki því að-
ild að ESB. Hins vegar sé nauðsyn-
legt að hafa góð samskipti við ESB
og leitast verði við að hafa áhrif
á framtíðarþróun Evrópu. Þá er
fjallað um stækkun Atlantshafs-
bandalagsins og sagt að ekki megi
útiloka nein ríki frá aðild sem þess
óska, og það eigi sértaklega við
um Eystrasaltslöndin.
Búist er við talsverðum umræð-
um um viðkvæm mál eins og heil-
brigðismál og félagsmál, enda eru
þessir málaflokkar undir stjórn
ráðherra Framsóknarflokksins. Þá
ætlar Samband ungra framsóknar-
manna að leggja mikla áherslu á
kröfu um að mánaðargreiðsiur
námslána verði teknar upp aftur í
stað eftirágreiðslna og að endur-
greiðsluhiutfall lánanna lækki.
Undir þessar kröfur mun raunar
vera tekið í drögum að ályktun um
menntamál en um þetta mál er nú
tekist á milli ríkisstjórnarflokk-
anna.
Þingmenn flokksins á höfuð-
borgarsvæðinu, einkum Siv Frið-
leifsdóttir og Ólafur Örn Haralds-
son, hafa síðustu misseri látið kjör-
dæmaskipunina til sín taka og
hvatt ríkisstjómina til dáða við
væntanlega endurskoðun á kosn-
ingalögum. Þessi mál mun hafa
borið á góma á kjördæmisþingum
flokksins undanfarið en úti á landi
líta menn þessi mál nokkuð öðrum
augum en fyrir sunnan.
Siv segist hins vegar ekki eiga
von á að umræða um kosningalög-
in taki mikinn tíma á flokksþing-
inu, enda hafi forsætisráðherra
nýlega staðfest á Alþingi að vinna
við endurskoðun kosningalaganna
heijist innan skamms af fullum
krafti innan ríkisstjórnar og þing-
flokka. Þá hafi flokkurinn ályktað
á síðasta fiokksþingi, að jafna eigi
vægi atkvæða, einfalda kosninga-
löggjöfina og kanna möguleika á
persónukjöri.
Jafnréttisáætlun
Umræða um sameiningarmál á
vinstri væng hefur ekki verið áber-
andi innan Framsóknarflokksins
og ekki mun vera minnst á þau í
ályktunardrögum sem lögð verða
fyrir þingið af hálfu flokksstjórnar-
innar.
Þar er hins vegar að finna sér-
staka tillögu um jafnréttisáætlun
Framsóknarflokksins 1996-2000.
Samkvæmt henni er það markmið
sett að árið 2000 verði hvorki hlut-
ur karla né kvenna í starfi á vegum
flokksins lakari en 40%. Gert er
ráð fyrir er ráðinn verði jafnréttis-
ráðgjafi til starfa og skipuð verði
jafnréttisnefnd flokksins sem fylgi
áætluninni eftir.
Þessi tillaga er upprunnin hjá
Landssambandi framsóknar-
kvenna en á landsfundi sambands-
ins fyrir ári voru lögð drög að jafn-
réttisáætlun. Þessi drög voru lögð
fyrir landsstjórn flokksins og hún
skipaði sérstaka nefnd til að vinna
að tillögunni sem liggur nú fyrir
flokksþinginu. Það á svo eftir að
koma í ljós hvernig hún fellur þing-
fulltrúum í geð.
Allir vilja endurkjör
Ekki er talið að mikilla tíðinda
sé að vænta í tengslum við kosn-
ingar á flokksþinginu. Það er helst
að átök geti orðið í kringum mið-
stjórnarkjör en kosið verður um
25 sæti í miðstjórn.
Kosið er í 6 embætti í fram-
kvæmdastjórn flokksins og gefa
þau sem þar sitja nú öll kost á sér
til endurkjörs. Þetta eru Halldór
Ásgrímsson formaður, Guðmundur
Bjarnason varaformaður, Ingi-
björg Pálmadóttir ritari, Unnur
Stefánsdóttir gjaldkeri, Drífa Sig-
fúsdóttir vararitari og Þuríður
Jónsdóttir varagjaldkeri.
Ekki er búist við að mótframboð
komi gegn þessu fólki. Ungir fram-
sóknarmenn hafa þó rætt um að
bjóða fram til embættis vararitara
og vilja ekki útiloka að til þess
komi á þinginu. Þá voru um tíma
umræður meðal Reykvíkinga um
að bjóða Helga S. Guðmundsson
fram í stöðu gjaldkera í stað Unn-
ar en ólíklegt er að af því verði.
Helgi segir að þessi umræða hafi
ekki verið að sínu undirlagi enda
sækist hann ekki sérstaklega eftir
gjaldkeraembættinu og muni ekki
efna til kosninga gegn Unni.
Fjör á niðurleið
Morgunblaðið/Rax
NIÐURLEIÐIN verður ósjald-
an greiðari að vetrarlagi eins
og flestir kannast við á norð-
lægum slóðum, enda fönnin
hentug til að bregða á leik.
Mismikill snjór hefur sést um
landið að undanförnu, en börn-
in gera ekki kröfu um mikið
fannfergi áður en rykið er
þurrkað af sleðum, snjóþotum
og öðrum leiktækjum vetrar-
íþróttanna og brunað af stað.
Breytingar á skipulagi vinnumiðlunar
Landið allt verði
eitt vinnusvæði
UMRÆÐUM um breytingar þær,
sem fyrirhugaðar eru á skipulagi
vinnumiðlunar í landinu samkvæmt
stjórnarfrumvarpi um vinnumark-
aðsaðgerðir, var fram haldið á Al-
þingi í gær. Heiztu breytingarnar
felast í því að landið verður gert
að einu vinnusvæði og ríkið yfirtek-
ur umsjón með allri vinnumiðlun,
sem hingað til hefur verið á ábyrgð
sveitarfélaganna. Tilgang breyting-
anna segir félagsmálaráðherra vera
ekki sízt þann, að virkja atvinnu-
lausa. Gagnrýnendur frumvarpsins
úr hópi þingmanna stjórnarandstöð-
unnar segja það munu þrengja til
muna hag atvinnulausra.
Tillögur frumvarpsins gera ráð
fyrir að yfirumsjón vinnumiðlunar
í landinu verði á verksviði nýstofn-
aðrar Vinnumálastofnunar, og und-
ir henni muni starfa svæðisvinnu-
miðlanir, a.m.k. ein í hveiju kjör-
dæmi landsins. Gert er ráð fyrir að
samhliða starfsemi svæðisvinnu-
miðlana fari tölvutæk atvinnuleys-
isskráning fram á nær öllum þétt-
býlisstöðum landsins.
I máli Páls Péturssonar félags-
málaráðherra kom fram, að við
færslu vinnumiðlunar frá sveitarfé-
lögunum til ríkisins gerðist meira
en að rikið taki yfir óbreytt sömu
verkefni og vinnumiðlanir sveitarfé-
laganna hafa sinnt. Tiigangur fyrir-
hugaðra breytinga sé ekki sízt sá,
að virkja atvinnulausa. Með því að
gera landið að einu vinnusvæði
verður hægt að gera atvinnulausum
einstaklingum að taka atvinnutil-
boðum sem þeim eru boðin, hvaðan
af landinu sem þau tilboð koma,
en missa atvinnuleysisbætur ella.
Ekki nauðungarflutningar
Ráðherra sagði að ekki stæði til
að flytja neinn nauðungarflutning-
um, eins og nokkrir stjórnarand-
stöðuþingmenn héldu ýram að þetta
ákvæði gæti leitt til. I frumvarpinu
væri hins vegar gert ráð fyrir
styrkjum til fólks vegna búferla-
flutninga.
„Það er alveg aftan úr forn-
eskju, að mismuna fólki eftir bú-
setu ef það vill sækja um vinnu,“
sagði ráðherra, með vísan til ný-
legs dæmis um fólk, sem hefði
verið sagt upp vinnu í Reykjavík,
vegna þess að það var búsett á
Selfossi. Það væri því tvímælalaust
mikið heillaskref að gera iandið
að einu vinnusvæði. Ráðherra benti
einnig á, að um það væru ákvæði
í gildandi lögum, að ef atvinnulaus
einstaklingur hafnar vinnu sem
honum er boðin, hætti hann á að
vera sviptur bótum.