Dagblaðið Vísir - DV - 23.05.1991, Blaðsíða 17
16
FIMMTUDAGUR 23. MAÍ1991.
OPNA
ENDURVINNSLUMÓTIÐ
verður haldið laugardaginn 25. maí
á STRANDARVELLI, RANGÁRVÖLLUM.
18 h. höggleikur með/án forgj.
Ræst út frá kl. 08.00.
Skráning í golfskála í síma 98-78208
nk. föstudag kl. 13.30-20.00.
ímnmsiiui n
Tannréttingafélag
Islands
Tilkynning
Nú er svo komið í langri togstreitu um flokkun tann-
réttingameðferðar og endurgreiðslur frá Trygginga-
stofnun að heilbrigðisyfirvöld hafa viljandi eða óvilj-
andi hrakið alla sérfræðinga í greininni út úr kerfinu.
Þetta ástand veldur sjúklingum okkar og fjölskyldum
þeirra miklum óþægindum og auknum útgjöldum.
Við munum því ótrauð berjast áfram gegn ósann-
gjörnum reglum sem mismuna þeim er þurfa tannrétt-
ingameðferð, en þeir unglingar sem byrja í tannrétt-
ingum ár hvert eru á annað þúsund.
Heilbrigðisráðherra gerir sér fulla grein fyrir skyldum
almannatrygginga því hann segir í bréfi til Tann-
læknafélags Islands dags. 14.5. 1991:
„Til að firra þá einstaklinga og fjölskyldur fjárhags-
legu tjóni, sem þegar hafa byrjað tannréttingar, verð-
ur áfram greiddur 50% kostnaðar við tannréttingar
þeirra þangað til þeim tannréttingum er lokið, enda
hafi þær sannanlega hafist fyrir 1. febrúar 1991.“
Á sama hátt getur ráðherra leyst þennan vanda til
frambúðar.
Við hörmum að þessi staða er komin upp og lýsum
ábyrgð á hendur
- embættismönnum sem gáfu Alþingi rangar upplýs-
ingar við lagabreytinguna í desember 1989.
- heilbrigðisráðherra sem afþakkaði faglegar ráð-
leggingar okkar við setningu reglna um flokkun í
janúar 1991 og
- tryggingayfirtannlækni sem daginn eftir að samn-
ingar voru undirritaðir í mars sl. hafði endaskipti á
bókuðu samkomulagi um að Tryggingastofnun flokki
tannréttingasjúklinga.
Árni Þórðarson, Miðstræti 12, Rvk.
Gísli Vilhjálmsson, Laugavegi 163, Rvk.
Guðrún Ólafsdóttir, Snorrabraut 29, Rvk.
Helgi Einarsson, Faxafeni 11, Rvk.
Ketill Högnason, Snorrabraut 29, Rvk.
Ólafur Björgúlfsson, Miðstræti 12, Rvk.
Ólöf Helga Brekkan, Miðstræti 12, Rvk.
Pétur H. Ólafsson, Domus Medica, Rvk.
Ragnar M. Traustason, Grensásvegi 16, Rvk.
Sæmundur Pálsson, Álfabakka 14, Rvk.
Teitur Jónsson, Glerárgötu 34, Akureyri
Þórður Eydal Magnússon, Domus Medica, Rvk.
íþróttir
Albaníu
Viöir Sigurössan, DV, Albaniu:
Leikur Albaniu og ís-
lands í Evrópukeppni
landsliða í knatt-
spyrnu á sunnudaginn
fer fram á þjóðarleikvangi Al-
bana í höfuðborginni, Tirana.
Hann nefnist Qemal Staia, eftir
einum af stofnendum kommúni-
staflokks landsins sem var drep-
inn árið 1942, aðeins 22 ára að
aldri. Völlurinn er sagður rúma
20 þúsund áhorfendur. Sú tala
virðist þó ekki marktæk því þeg-
ar Englendingar sóttu Albani
heim í undankeppni HM fyrir
tveimur árum síðan voru áhorf-
endur 30 þúsund. DV skoðaði
leikvanginn í gær og hann er
heldur hrörlegur ásýndum. Gras-
ið sjálft víröist í lagi en þverslár
markanna eru signar og öll um-
gjörðin ber þess merki að viðhald
er í lágmarki, eins og reyndar er
hægt að segja um flestar bygging-
ar hér í Albaníu.
Ekkert mark í
átján mánuðl
Albönum hefur ekki tekist að
skora mark í Evrópukeppninni
til þessa en hafa fengið á sig 19.
Verstu útreiðina fengu þeir gegn
Spánverjurn í desember, 9-0, og
síðan gegn Frökkum, S-0, í mars.
Þeir töpuðu 0-1 heima gegn
Frökkum og 0-2 gegn Tékkum,
og 2-0 fyrir íslandi á Laugar-
dalsvellinum fyrir árí síöan. Síð-
ast náðu Albanír að skora mark
þegar þeir léku við Pólverja í
undankeppni HM í nóvember
1989, þá skoraði Sokoi Kushta í
1-2 ósigri.
Sautján ósigrar
Albana í röð
Albanir hafa nú mátt þola töp í
síöustu 17 leikjum sínum í Evr-
ópukeppni landsliða og undan-
keppni HM. Þeir fengu síðast stig
á þessum vettvangi þegar þeir
gerðu jafntefli við Grikki, 1-1, í
Tirana í október 1985, í undan-
keppni HM. Þá tókst þeim aö fá
4 stig og veröa fyrir ofan Grikki
á markatölu, en siðan hafa allir
17 leikirnir tapast í þessum
tveimur mótum og markatalan í
þeim er 5 mörk gegn 51. Það verð-
ur þó að telja Albönum til tekna
að þeir hafa alltaf lent í riðli með
mun sterkarí andstæðingum, og
í leiknum gegn íslendingum á
sunnudag eiga þeir i fyrsta skipti
i langan tíma raunhæfa mögu-
leika á stigi eöa stigum.
Tékkarvoru
í vandræðum
En Albanir eru erfiðir
heim að sækja og það
fengu Tékkar að reyna
þann 1. maí. Tékkum
tókst reyndar aö herja út sigur,
0-2, en i fyrri hálíleik voru það
heimamenn sem fengu bestu fær-
in og aðeins frábær markvarsla
hjá Jan Stejskal kom í veg fyrir
að þeir næðu forystunni.
Bjarni leikur sinn
40. landsléik
Að öllu óbreyttu mun Bjami Sig-
urðsson úr Val verja mark ís-
lands á sunnudaginn, og þar með
leikur hann sinn 40. landsleik.
Þess má geta að þegar ísland lék
við Wales fyrr í þessum mánuði
lék Sævar Jónsson sinn 60. lands-
leík og Ólafur Þórðarson sinn 40.
Frakkarstanda
best aö vígi
Baráttan um sigurinn í 1. riðii
stendur á milli Frakka og Tékka
en Frakkar hafa unnið alla leiki
sína til þessa. Staðan er þannig:
Frakkland....5 5 0 0 13 3 8
Tékkósl......4 3 0 1 7-4 6
Spánn.......4 2 0 2 14-7 4
ísland.......4 1 0 3 4-5 2
Albanía.....5 0 0 5 0-19 0
ísland þarf 4 stig
í fjóram leikjum
- til að komast í 3. styrkleikaflokk
í Evrópu 1 knattspymunni
Víðir Siguxösson, DV, Aibaníu:
Frá áramótum hefur íslenska knatt-
spyrnulandsliðiö þokast upp um eitt sæti
á styrkleikalista Evrópu þrátt fyrir að
hafa ekki leikið í Evrópukeppninni á þeim
tíma. Flestar aðrar þjóðir hafa veriö á
ferðinni síðustu vikur og mánuði og staða
þeirra á listanum hefur ýmist breyst til
hins betra eða verra.
Þann 15. janúar birti DV listann eins og
hann var um áramót og hér til hliðar er
staðan í dag, fyrir leik Albaníu og íslands
í Tirana á sunnudaginn. Þá var ísland í
26. sæti með 33 prósent árangur. Síðan þá
hafa Tyrkland og Færeyjar dottiö niður
fyrir þá tölu en Finnland fariö upp fyrir,
þannig að nú er ísland í 25. sætinu.
Það er árangur í riðlakeppni Evrópu-
móts landsliða sem nú stendur yfir og í
síðustu undankeppni heimsmeistaramóts-
ins sem er lagður til grundvallar þegar
flokkað er í styrkleikahópa Evrópu. Þegar
riðlakeppninni lýkur i desember á þessu
ári kemur í ljós hver staða þjóðanna er
fyrir dráttinn í næstu undankeppni HM.
Þá er dregin ein þjóð úr hverjum flokki í
hvern riðil og því mikilvægt að vera í sem
bestum styrkleikaflokki.
ísland hefur ávallt verið í 4. eða 5. ílokki
en nú hefur stefnan verið setf á 3. flokk.
Sá möguleiki er þó ekki mikill, til þess að
ná því marki þarf ísland að komast í 21.
sætið, eða upp fyrir þrjár þjóðir eins og
staðan er í dag.
Hverjir eru möguleikarnir? ísland þarf
að fá fjögur stig úr þeim fjórum leikjum
sem eftir eru í Evrópukeppninni í ár. Gegn
Albaníu á sunnudaginn, gegn Tékkum og
Spánverjum á Laugardalsvelli og gegn
Frökkum í París. Sigur í Tirana er frum-
skilyrði og þá þarf tvö stig enn.
Þessi fjögur stig myndu þó ekki tryggja
eitt eða neitt, lokaniöurstaðan er háð gengi
þeirra þjóða sem eru í nágrenni við ísland
á styrkleikalistanum. Það er raunhæft,
miðað við þá leiki sem eftir eru, að 4 stig-
in dygðu til að komast upp fyrir Finnland
og Noreg sem eiga mjög erfiða leiki eftir.
Þá þarf einni þjóð til viðbótar að ganga
illa, helst Grikklandi, Wales eða Búlgaríu.
Af þessu má sjá að allt þarf að ganga upp
til að ísland komist í 3. flokk.
Þegar kortin hér til hliðar eru skoðuð
er rétt að hafa í huga að Þýskaland er
ekki á listanum - Þjóðverjar fara beint í
úrshtakeppni HM 1994 í Bandaríkjunum
sem heimsmeistarar. Listinn er reiknaður
út eftir leiki sem fram fóru í Evrópukeppn-
inni í gærkvöldi.
Albanska liðið
mikið breytt
- frá því það lék hér á Laugardalsvelli fyrir ári
Víöir Sigurösson, DV, Albaníu:
Aibanska landsliöið, sem mætir því ís-
lenska í Evrópukeppninni á Qemal Stafa
leikvanginum í Tirana á sunnudaginn,
verður væntanlega afar ólíkt því hði sem
lék fyrir hönd Albaníu hér á Laugardal-
svelhnum fyrir réttu ári síðan.
í þeim fimm leikjum, sem Albanir hafa
leikið í keppninni til þessa, hafa breyting-
ar á liði þeirra verið geysilega miklar.
Aðeins fjórir þeirra sem léku gegn íslandi
hafa verið með í öðrum leikjum og enginn
þeirra spilaði síðasta leik Albana, gegn
Tékkum þann 1. maí!
Hafa notað 39 menn
í fimm leikjum
Alls hafa 39 leikmenn tekið þátt í þessum
íimm leikjum Albana og ýmsar ástæður
eru fyrir því. Margir albanskir knatt-
spyrnumenn hafa flúið land, þrír stungu
til dæmis af þegar Albanir mættu Frökk-
um í París í síðasta mánuði, og í þann leik
fengu leikmenn meistaraliðsins Flamurt-
ari Vlore ekki fararleyfi þar sem stjórn
félagsins óttaðist að þeir myndu ekki
koma aftur!
Fimm landsliðsmenn hafa á síðustu vik-
um gengið til hðs við grísk félög án leyfis
frá félögum sínum í Albaníu eða frá al-
banska knattspyrnusambandinu. Þeirra á
meðal er Sokol Kushta, skæðasti sóknar-
maður Albana.
„ Þá voru fjórir landsliðsmannanna
VíðirSigurðsson
íþróttafréttamaður DV
skrifarfrá Albaníu
dæmdir í ævilangt bann af albönskum
knattspyrnuyfirvöldum eftir að þeir urðu
uppvísir að þjófnaði á Heathrow-flugvelli
á leiðinni til íslands í fyrra. Einum þeirra,
Eduard Abazi, sem lék með Dinamo Tir-
ana, hefur þó verið leyft að gerast atvinnu-
maður í Júgóslavíu, og er hann fyrsti al-
banski íþróttamaðurinn sem fær slíkt
leyfi.
Tvisvar skipt
um þjálfara
Ennfremur hefur tvisvar verið skipt um
þjálfara á einu ári. Bejkush Birce stýrði
albanska liðinu gegn íslandi í fyrra en síð-
an tók Agron Sula við. Hann fékk að taka
pokann sinn eftir 9-0 ósigurinn á Spáni í
vetur, og þá var Birce falið starfið á ný!
Birce hefur verið gert lífið leitt að und-
anfömu, ekki aðeins hefur hann mátt sjá
á bak mörgum leikmönnum heldur hefur
hann einnig átt í stríði við Edmond Licaj,
þjálfara Flamurtari, út af liðsvalinu.
En þrátt fyrir þessa erfiðleika mega ís-
lensku landsliðsmennirnir búast við
kröftugri mótspyrnu í Tir ana á sunnudag-
inn. Albanir hafa ekki skorað mark í
keppninni til þessa, ekki fengið stig í stór-
móti í sex ár, og íslendingar eru lægst
skrifuðu andstæðingar sem þeir hafa feng-
iö í heimsókn um langt árabil. Það má því
búast við því að albönsku knattspyrnu-
mennirnir leggi allt í sölurnar til aö knýja
fram sigur gegn íslandi, sigur sem yrði
þeim langþráöur og sætur.
FIMMTUDAGUR 23,'MAÍ 1991.
25
SviþjóO
Holland
Frakkland
Tékkóslóvakía
Jugqslavia
Styrkleikaflokkar
Evrópu 1991
1. flokkur
2. flokkur
3. flokkur
4. flokkur
5. flokkur
Allar styrkleikatölur eru í
prósentum.
______________Iþrótár
Einar keppir ekki
næstu 2 mánuðina
- frjálsíþróttafólk og sundlandsliðið í æfingabúðir eftir smáþjóðaleikana
Stefán Kristjánsson, DV, Andorra:
Einar Vilþjálmsson spjótkastari
meiddist sem kunnugt er í upphitun-
inni fyrir spjótkastskeppnina hér í
Andorra og meiðslin kunna að draga
dilk á eftir sér fyrir Einar.
„Það er nokkuð ljóst að það þýðir
ekki að keppa í þessu ásigkomulagi.
Ég er þokkalegur í fætinum en get
alls ekki tekið á af fullum krafti og
þá þýðir ekki að vera að keppa á
mótum. Ég reikna ekki með að keppa
næst á móti fyrr en í lok júlí en þá
er fyrirhuguð mikil kastlandskeppni
gegn Sovétmönnum á íslandi,“ sagði
Einar Vilhjálmsson í samtali við DV
í gærkvöldi.
Það er því ljóst að Einar mun ekki
keppa næstu tvo mánuðina og koma
þessi meiðsli á mjög slæmum tíma.
Mun færri koma heim
Þaö verða mun færri íslenskir
íþróttamenn sem koma heim til ís-
lands eftir að smáþjóðaleikunum
lýkur en fóru til Andorra. Frjáls-
íþróttamenn fara til Sevilla á Spáni
og keppa þar á móti eftir nokkra
daga. Þar má nefna Sigurð Einarsson
spjótkastara, Einar Þór Einarsson og
Véstein Hafsteinsson. Þá má nefna
að allt sundlandshðið heldur í æf-
ingabúðir í Frakklandi að smáþjóða-
leikunum loknum en næsta stór-
verkefni landsliðsins er alþjóðlegt
mót sem fram fer á íslandi um miðj-
an júní.
„Gaman að vinna
tvenn gullverðlaun"
- sagði Guðrún Arnardóttir hiaupakona
Stefán Kristjánsson, DV, Andorra:
„Það var mjög gaman að ná að
vinna þama tvenn gullverðlaun og
einnig að bæta fyrri árangur minn
verulega í 200 metrunum," sagði
Guðrún Arnardóttir í samtali við DV
í gærkvöldi en hún var fremst í flokki
íslensku íþróttamannanna hér á
smáþjóðaleikunum í gær. Guðrún
hljóp 100 m grindahlaupið á 14,19
sekúndum og setti smáþjóðaleikamet
en hún á best 14,11 sekúndur. í 200 m
hlaupinu, sem ekki hefur verið henn-
ar aöalgrein, bætti hún árangur sinn
um hvorki meira né minna en 30/100
úr sekúndu og er Guðrún greinilega
til alls líkleg í framtíðinni.
íslendingar unnu fern gullverð-
laun í keppninni í fijálsum íþróttum
í gær. Þar bar hæst frábæra frammi-
stöðu Guðrúnar Arnardóttur en hún
vann tvenn gullverðlaun, í 100 m
grindahlaupi þar sem hún hljóp á
14,19 sekúndum og setti nýtt met á
smáþjóðaleikunum, eins og áður
sagði. Aðeins 20 mínútum síðar
keppti Guðrún í 200 m hlaupi í for-
fóllum Geirlaugar Geirlaugsdóttur,
sem er meidd, og þar sýndi Guðrún
einstaklega mikla keppnishörku. Var
hún nokkuö langt á eftir stöllum sín-
um þegar um 50 metrar voru eftir í
markiö en á lokasprettinum smeygöi
hún sér fram úr aðalandstæðingi sín-
um og sigraði glæsilega. Guðrún
hljóp 200 m á 24,72 sekúndum. Þórdís
Gísladóttir varð í 5. sæti í 100 m
grindahlaupinu á 14,95 sekúndum.
Nýtt leikjamet hjá
Pétri í kúluvarpinu
Pétur Guðmundsson kúlUvarpari og
bróðir hans Andrés lentu í kröppum
dansi í kúluvarpinu. Kasthringurinn
var glerháll og því gátu þeir félagar
ekki beitt sér sem skyldi. Pétur sigr-
aði þó auðveldlega og varpaði lengst
18,61 metra og Andrés varð annar
með 17,11 metra. Árangur Péturs er
nýtt met á smáþjóðaleikunum.
Guðmundur vann
fjórðu gullverðlaunin
Guðmundur Karlsson, sem setti ís-
landsmet í sleggjukasti á dögunum,
vann gullverðlaun í sleggjunni og
kastaði henni 63,64 metra. Eggert
Bogason varð annar, kastaði 55,04
metra.
Gunnar Guðmundsson vann silfur-
verðlaun í 400 m hlaupi karla og fékk
tímann 48,29 sekúndur. Sigurvegari
varð Anninos frá Kýpur á 47,27 sek-
úndum sem er nýtt leikjamet.
Jón Oddsson varð í 4. sæti í þrí-
stökki og stökk lengst 14,21 metra.
Sigurvegari varð Hadjiandreou frá
Kýpur sem stökk 16,52 metra og setti
leikjamet.
Ræsirinn tók gull
af Ragnheiði
- sundfólMð vann fjögur gull
Steön Kristjánsson, DV, Andorra:
íslenska sundfólkið hóf keppni á
smáþjóðaleikunum hér í Andorra í
gær og gekk á ýmsu. íslenska liðið
vann til fernra gullverðlauna,
þrennra silfurverðlauna og tvennra
bronsverðlauna.
Ræsir tók gullið af Ragnheiði Run-
ólfsdóttur í 200 m bringusundinu sem
var fyrsta úrslitagrein. Var Ragn-
heiður engan veginn tilbúin er hann
startaði sundinu og mfssti hún við
það fimm metra. Þetta voru ljót mis-
tök og Ragnheiður var ekki ánægð
eftir sundið „Þetta var algerlega
ólöglegt start og mistök ræsisins
kostuðu mig gullverðlaunin," sagði
Ragnheiður eftir sundið. Hún fékk
tímann 2:42,60 mín. en sigurvegari
varð stúlka frá Lúxemborg á 2:42,08
mín.
ísland vann tvöfaldan sigur í
tveimur greinum í gær. Eðvarð Þór
Eðvarðsson vann 200 m baksundið á
2:13,08 mín og þar varð Ævar Orn
Jónsson í 2. sæti á 2:13,73 mín. Þá
vann Ragnheiður Runólfsdóttir gull-
verðlaun í 200 m fjórsundi kvenna á
2:29,23 mín. Önnur þar varð Arna
Þ. Sveinbjörnsdóttir á 2:33,28 mín.
Magnús Már Ólafsson vanh gull-
verðlaun í 100 m skriðsundi karla og
fékk tímann 53,24 sek.
Helga Sigurðardóttir kom fyrst í
mark í 100 m skriðsundi kvenna. Hún
fékk tímann 1:00,45 sek. en Bryndís
Ólafsdóttir varð þriðja á 1:01,28 mín.
Amar Freyr Ólafsson vann brons-
verðlaun í 200 m fjórsundi karla á'
2:16,91 mín en sundið vann Mónakó-
búi á 2:12,72 mín.
Ehn Sigurðardóttir varð í 5. sæti í
200 m baksundi kvenna á 2:39,16 mín.
og Amór Ragnarsson varð í 4. sæti
í 200 m bringusundi karla á 2:28,14
mín. Sundið vann Mónakóbúi á
2:21,99 mín. Óskar Örn Guðbrands-
son varð í 6. sæti á 2:36,02 mín.
Stefán Kristjánsson
íþróttafréttamaður DV
skrifar frá Andorra
• Guðmundur Karlsson vann gull-
verðlaun í sieggjukasti og kastaði
63,64 metra.
• Ragnheiður Runólfsdóttir.
Stúfarfrá
Andorra
Steían Kriajánsson, DV, Andorra;
íslenska kvennalandsliðiö í
körfuknattleik sigraði Möltu í gær,
68-35..
Stig íslands: Björg 21, Anna Mar-
ía 16, Margrét 14, Guðbjörg 7,
Linda 6, Vanda 2 og Vigdís 2.
• Gunnar Kjartansson er i 3. sæti
eftir fyrsta dag af þremur í skot-
fimi, keppni með haglabyssu.
• Bæði kvenna- og karlalandslið
í blaki töpuðu sínum ielkjum í gær
fyrir Lúxemborg. Kvennaliðið tap-
aði; 1-3. Karíaliðið tapaði, 0-3.
• í gær tapaði Ólafur Sveinsson
fyrir andstæðmgi sínum, 1-6 og 0-6
í einliðaleik i tennis. Þá töpuöu
þeir Atli Iwbjörnsson og Eínar
Sigurgeirsson fyrir tennisköppum
frá Lúxemborg, 2-6 og 4-6.
Færeyingar
töpuðu
Færeyingar töpuöu sínum öðrum
leik á viku í 4. riðli Evrópukeppninn-
ar í gærkvöldi þegar þeir lágu fyrir
Austurríkismönnum, 3-0, í Salzburg.
Austurríkismenn, sem höfðu ekki
skorað mark í 358 mínútur náðu að
brjóta ísinn með marki Heimo Pfeif-
fenberger á 13. mínútu og í seinni
hálfleik skoruðu þeir Michael Streit-
er og Arnold Wetl. Aöeins 13 þúsund
áhorfendur sáu leikinn en Áustur-
ríksmenn tefldu fram 8 nýjum leik-
mönnum eftir ömurlegt gengi lands-
liðsins að undanförnu.
• Búlgarar unnu 3-0 sigur á San
Marino í sömu keppni. Zlatko
Ivanov, Sirakov og Luboslav Penev
skoruðu mörk Búlgara sem eiga þó
litla möguleika á að komast í úrslita-
keppnina í Svíþjóð.
• í úrslitaleik í Evrópukeppni fé-
lagshða vann Roma 1-0 sigur á Inter
Milano í Rómaborg í gærkvöldi. Það
var Ruggerio Rizzitelli sem gerði sig-
urmarkið á 80. mínútu. Inter vann
fyrri leikinn 2-0 og hlaut Evróputitil-
inn á samanlagðri markatölu.
-RR
Lakersog
Detroit
fengu skell
Tveir leikir voru í undanúrslitum
NBA-deildarinnar í körfuknattleik í
fyrrinótt. Portland sigraði LA Lakers
á heimavelli sínum í jöfnum leik,
109-98. Terry Porter skoraði 26 stig
fyrir Portland og Clyde Drexler 21
en hjá Lakers var James Worthy
stigahæstur með 21 stig og Byron
Scott 20. Staðan er 1-1 og fara næstu
tveir leikir fram á heimavelli Lakers.
í hinum undanúrshtaleiknum sigr-
aði Chicago lið Detroit, 105-97, og þar -
er staðan 2-0. Það var fyrst og fremst
stórleikur Michaels Jordan sem skóp
þennan sigur Chicago-liðsins því
Jordan skoraði 37 stig og átti margar
stoðsendingar. Hjá Chicago var
Winny Johnson stigahæstur með 29
stig og Joe Dumars með 24. Næstu
tveir leikir fara fram í Detroit.
♦ -GH