Dagblaðið Vísir - DV - 19.09.2002, Blaðsíða 13

FIMMTUDAGUR 19. SEPTEMBER 2002
13
DV
Innkaup
Segir antikbúðir hafa fleiri hlutverk en að selja gamla muni:
Annað og meira en innflutningur
á dönskum maghóní-skápum
- skemmtileg stemning og einn litríkur Jónas verða að fylgja, segir Jónas Halldórsson antiksali
„Antikbúðir þurfa að vera
skemmtilegar, ekki bara stanslaus
innflutningur á mahóní-skápum frá
Danmörku," segir Jónas Halldórs-
son, sem á og rekur Antikbúðina á
Laugavegi og nýverið opnaði Antik-
pakkhús í Skipholti.
„Pakkhúsið er gamall draumur
sem ég er búinn að eiga í mörg ár.
Rekstur þess er byggður á fyrir-
myndum frá Danmörku og Bret-
landi en þar má finna svona verslun
í hverju krummaskuði. í kringum
þær skapast oft mikil stemning og
þeim fylgir oft einn svona litríkur
Jónas, eins og ég er. Mér fmnst lit-
ríkt mannlíf nauðsynlegur hluti til-
verunnar. Ef lífið væri bara pening-
ar hefði ég hætt í þessum bransa
fyrir löngu og keypt mér hlutabréf í
deCode," segir hann og hlær.
í Antik-pakkhúsi, sem er í 300 fer-
metra húsnæði þar sem verslunin
Áklæði og gluggatjöld var áður,
ægir saman húsgögnum og munum
frá ýmsum tímabilum. Jónas segist
alltaf hafa haft áhuga á hönnun og
þykir honum gaman að blanda sam-
an ólikum hlutum sem koma víða
að. Merki þess má glöggt sjá í versl-
un hans á Laugaveginum þar sem
útstillingar hans njóta sin.
En hvar fœr hann þessa muni?
Gamall draumur rætist
Jónas Halldórsson antiksali opnaöi nýveriö Antik pakkhús viö Skipholt þar sem hann selur sambland af antik og því
sem er inni í dag, eins og tekk, „sixtiesog „eighties“-húsgögn og muni.
„í gegnum tíðina hef ég keypt mik-
ið af dánarbúum og búslóðum fólks
sem er að minnka við sig. í þeim er
oft mikið af afar skemmtilegum hlut-
um. En hingað til hef ég ekki getað
keypt þá alla, því sumir hlutir, t.d.
þeir sem eru mjög litskrúðugir,
passa ekki inn í svona „hardcore"
antikverslun. En með Pakkhúsinu
skapast vettvangur til að selja þá.
Því er þar að finna sambland af
antik og því sem er inni í dag, eins
og tekk, „sixties" og „eighties", nýjar
og gamlar saumavélar, verkfæri og
stereo, svo eitthvað sé nefnt.“
Hann segir íslendinga enn ekki
búna að átta sig á þeim verðmætum
sem felast í gömlu mununum og að
enn sé miklu hent, sérstaklega úti á
landi. „Þegar ég segi verðmæti er ég
ekki bara aö tala um peninga, held-
ur líka varðveislu hlutanna og þá
menningarinnar. Danir eru mun
flinkari en við í þessu. Þar er gamli
skenkurinn hennar ömmu fullgild-
ur, jafnvel þó eigendurnir aðhyllist
naumhyggju eða minimalisma. Hér
á landi virðist hins vegar sem hin
fullkomna naumhyggjustofa sé
fangaklefi á Litla Hrauni áður en
fanginn flytur inn.“ -ÓSB
Saumastofan Hnappur á Njálsgötu:
Brúðarkjólasaumur skemmtilegastur
í húsinu Njálsgötu 11 í Reykjavík
hefur verið rakarastofa í áratugi en
nú hefur önnur iðngrein hreiðrað
þar um sig. Þar hefur Gerður
Bjarnadóttir kjólameistari opnað
saumastofuna Hnapp. „Það er ljóm-
andi gaman að vera héma-, þetta er
góð staðsetning, hér er bjart og gott
andrúmsloft," segir Gerður sem
mun sjá um fatabreytingar og sér-
saum á kvenfatnaði. „Þar að auki
fylgja góðar óskir þeirra sem hér
hafa starfað, hárskerarnir voru
ánægðir með að ég tæki við af þeim
og komu með blómvönd þegar
saumastofan var opnuð.“
Eftir að Geröur útskifaðist sem
kjólameistari starfaði hún í 2 ár á
saumastofu Þjóðleikhússins en
starfsnámið tók hún úti í Dan-
mörku. „Með starfsnáminu öðlaðist
ég e.t.v. nokkra sérstöðu því ég var
svo heppinn að fá inni hjá fmurn
kjólameistara sem er þekktur í Dan-
mörku fyrir mjög vandaðan kjóla-
saum. Hann heitir Ballesini, kemur
,frá íran og þykir mjög flinkur."
Gerður segir að helstu verkefni
saumastofa séu fatabreytingar og þá
á bæði gömlum og nýjum fötum,
eins og t.d. að stytta og þrengja. Að-
spurð hvort mikið sé um að fólk sé
að láta breyta gömlum fótum segir
Kjólameistarinn
Geröur Bjarnadóttir tók starfsnám sitt hjá fínum írönskum kjólameistara sem starfar í Danmörku.
hún aö alltaf sé nokkuð um það. „Ef
fólk vill nýta gamlar flíkur þarf oft
að breyta þeim töluvert, jafnvel um-
tuma flíkinni. Það er tímafrekt og
getur þar af leiðandi verið nokkuð
dýrt.“
Nokkuö er um sérsaum á kven-
fatnaði og þá helst kjólum af öllu
tagi. „Mér finnst það skemmtileg-
asta vinnan, ekki síst þegar um er
að ræða brúðarkjóla."
Þeim viðskiptavinum sem hafa
hug á að láta sauma á sig kjól bend-
ir Gerður á að koma með hugmynd-
ir eða mynd úr blaði. „Ég bý þá til
sniðið og aðstoða við útfærslu hug-
myndarinnar. Eins get ég hannað
fallega kjóla en viðskiptavinurinn
þarf alltaf að leggja eitthvaö í púkk-
ið, það er jú hann sem ætlar að
klæðast flíkinni.“ -ÓSB
Allar uppskriftir á lambakjot.is
■ ■
slotur og f