Dagblaðið - 24.09.1981, Síða 4

DAGBLAÐIÐ. FIMMTUDAGUR 24. SEPTEMBER 1981.
S** Hægt að gróðursetja
semhæst: _ langt fram á vetur
Blómaval I Sigtúni er eflaust langstærsti laukblómasalinn hérlendis. 1 upphafl haustlaukavertfðarinnar voru þar til yflr
hundrað tegundir af túlípönum og yfir fjörutíu tegundir af páskaliljum auk fjölmargra tegunda af smálaukum.
DB-myndir Bjarnleifur.
Haustlaukavertíðin stendur nú sem
hæst. í blómaverzlunum og^gróðrar-
stöðvum er hægt að fá lauka sem
verða að dásamlega fallegum og ilm-
andi blómum næsta vor og sumar.
Það er svo sannarlega góð fjárfesting
að kaupa haustlauka og af þeim má
hafa ánægju ár eftir ár ef vel tekst til.
Þegar garðyrkjumennirnir eru
spurðir hvort t.d. túlípanalaukarnir
komi ekki örugglega upp aftur næsta
ár svara þeir eitthvað á þá leið að
„það fari allt eftir aðstæðum hverju
sinni”. Tilfellið er að stundum koma
laukarnir upp aftur og stundum ekki.
Mikil aðsókn
að sýnikennslunni
Við lögðum leið okkar í Blómaval
og hittum að máli Guðbjörn Odd
Bjarnason garðyrkjumann sem sýndi
okkur það sem til var af laukunum.
Undanfarnar tvær helgar hefur verið
einskonar sýnikennsla í laukaniður-
setningu i Blómavali og sagði Guð-
björn að geysimikil aðsókn hefði
verið í þá kennslu. Fjölmargar af
nýju tegundunum voru uppseldar, en
enn var eftir mikið af bókstaflega
öllum hugsanlegum litum af
túlípönum. Þarna voru yfir hundrað
tegundir. Til eru bæði háir og lágir
túlípanar, einfaldir, ofkrýndir og
nefnast þeir bóndarósatúlípanar. Við
þekkjum þá af eigin raun og getum
heilshugar mælt með þeim. Þeir eru
dásamlega fallegir og standa hiklaust
(við góð skilyrði) ekki skemur en
þrjár vikur! Þegar okkur bar að voru
aðeins eftir rauðir bóndarósatúlí-
panar.
Svokallaðir kaupmannstúlípanar
eru fremur lágvaxnir og henta vel í
steinhæðir. Guðbjörn Oddur sagði
okkur að þeir væru eiginlega frekast
fyrir þá sem „lengra” eru komnir í
garðræktinni.
Af páskaliljum var einnig gríðar-
lega mikið úrval eða yfir fjörutíu
tegundir. Þar mátti sjá, fyrir utan
venjulegar og „hefðbundnar” páska-
liljur, tegundir sem voru „fylltar” og
aðrar sem báru átta blóm á einum
stilk. — Guðbjörn Oddur sagði að
það færi allt eftir aðstæöum hvort
páskaliljurnar blómstruðu ár eftir ár,
en laukarnir eru allir fjölærir.
Smálaukar, eins og krókusar og
ýmsar liljutegundir voru til en aðeins
algengustu tegundirnar og litirnir
eftir.
Jólahyacynturnar biðu þarna eftir
því að komast í potta. Með því að
taka þær ekki siðar en í dag er
hugsanlegt að þær verði farnar að
blómstraájólunum.
Hyacynturnar eiga að vera allra
minnst 8—10 vikur 1 kulda og
myrkri, verða að vera á kaldasta
staðnum í húsinu og gott að hafa
svarta plastpoka yfir laukunum þvi
þeir eiga að búa í dimmu. Síðan
þurfa laukarnir að vera í þrjár vikur í
birtu og hita til þess að koma með
blóm.
En þótt þær séu ekki útsprungnar á
jólum gerir það ekki svo mikið til.
Það er gaman að stytta skammdegið
með því að fá blómstrandi hyacyntur
í janúar og jafnvel í febrúar. Það er
einmitt hægt með því að láta líða
nokkurn tíma milli þess sem lauk-
arnir eru gróðursettir.
Það er ákaflega einfalt mál. Þeir
eru settir til hálfs ofan í mold, sand,
mosa, möl eða vatn (þá er vatnið
látið nema rétt við rótarkökuna) og
síðan ekki söguna meir.
Verðið mismunandi
Verðið á laukunum var ákaflega
mismunandi. Hægt var að fá „sparn-
aðarpakkningar” af laukum sem
voru mun ódýrari en þeir sem pakk-
aðir voru færri saman í poka. Þetta
eru samt, að sögn Guðbjörns Odds,
allt fyrsta flokks laukar. Sem dæmi
um verð á túlípönunum voru pokar
með 10 laukum á verðbilinu frá 19
kr. og upp í 40—50 kr. 5 stk. páska-
liljulaukar í poka voru á verðinu frá
19 kr. upp í 30 kr. Krókusar voru 10 í
poka á 20 kr. Þarna voru til kúlu-
laukar, rósalaukar, gulllaukar og
bollulaukar. Þeir síðasttöldu geta
orðið allt að 120 cm á hæð.
Þá voru til anemónulaukar, fresíu
og fleiri smálaukar fyrir gróðurhúsa-
eigendur. Loks má nefna amaryllis
tilbúin í potti og kostaði 59 kr.
Ekki er nokkur leið að nefna allar
þær tegundir af laukblómum sem á
boðstólum éru, en þetta er svona það
helzta.
-A.Bj.
Guðbjörn Oddur Bjarnason sýnir okkur hvernig jólahyacynturnar þurfa ekki að
vera nema rétt ofan i moldinni, mosanum, sandinum eða hverju þvi sem við
kjósum að rækta þær f.
Túlípanar, hyacyntur
liljur og krókusar
—meðal jólablómanna, sem hægt er að rækta
í pottum innanhúss
Það eru fleiri laukblóm en
hyacyntur sem hægt er að rækta
inni fyrir jólin. Það eru túlípanar,
liljur, krókusar og írisar. Þeir eiga
allir sammerkt að þurfa um þaö bil
12—15 vikur til rótunar.
Þegar laukarnir hafa myndað
rætur og stöngul sem er um það bil
3—8 cm á hæð má flytja pottinn á
hlýrri stað, en potturinn á samt enn
að vera í dimmu. Eftir nokkra daga
má svo flytja potdnn á enn hlýrri
stað og nú má fjarlægja plastpok-
ann, eða það sem hlifði blóm-
stönglinum fyrir birtunni. Túlípan-
ar og hyacyntur þurfa aðeins meiri
hita heldur en liljur og krókusar.
Gott er að geyma laukana á köldum
staö á nóttunni, þegar búið er að
taka pottana inn í birtu og il.
Annars er okkur sagt að lauka-
rækt sé ekki mjög vandasöm, en að
sjálfsögðu þarf að stunda hana með
alúðeinsogaðraræktun. -A.Bj.
Fallegast að gróðursetja
laukblóm í þyrpingu
Þeir sem settir eru niður við húsið komá fyrst upp
Ef laukarnir eru settir niður upp
við húsið koma þeir mun fyrr upp
en ella. Það er svo miklu hlýrra upp
við húsið. Þess vegna er mjög
skemmtilegt, ef þess er nokkur
kostur að gróöursetja eitthvað af
laukunum upp við húsið og eitt-
hvað úti i garðinum. Það lengir
þann tíma, sem við höfum ánægju
af laukblómunum okkar.
Fallegast þykir að gróðursetja
laukblóm í þyrpingum, þannig að
þau myndi breiöur. Annars ,,fer
það eftir aðstæðum á hverjum
stað” eins og garðyrkjumennirnir
segja.
Það getur verið fallegt að gróður-
setja hávaxna túlípana saman í
þyrpingu, en hafa þá lágvaxnari i
kring. Munið bara að athuga að lit-
irnir fari saman þegar laukarnir
koma upp og standa í blóma.
Ruglið ekki saman bleikum og
rauðum, eða rauðum og fjólu-
bláum. Það er nauðsynlegt að
skrifa hjá sér í „garðbókina” sina
hvar laukarnir eru gróðursettir, þ.e.
hvaða laukar (tegund og litur) eru
gróöursett á hverjum stað. Þar að
auki er gott að merkja gróður-
setningastaðina með þar til gerðum
merkjum, sem stungið er í moldina.
-a.bj.
•m