Dagblaðið - 24.09.1981, Blaðsíða 17

17
DAGBLAÐIÐ. FIMMTUDAGUR 24. SEPTEMBER 1981.
Kvartmflukeppni Kvartmfluklúbbsins:
Spennandi keppni við erfið skilyrði
Ara Vilhjálmssyni gekk illa’áð ráða við 1200 CC Kawazaki hjólið og tapaði hann fyrir Ara Jóhannessyni þegar hann fór yfir
miðlinu brautarinnar, þrátt fyrir að hann væri á undan f mark og næði betri tima. DB-mynd Lilja Oddsdóttir.
spyrna hér til úrslita f skellinöðruflokki.
DB-mynd Lilja Oddsdóttir.
Firebirdinn hjá Benedikt Eyjólfssyni lyfti framhjólunum fet frá jörðu þegar hann var að hita dekkin fyrir úrslitaspyrnuna f
S.A. flokki við Friðbjörn Georgsson. DB-mynd Lilja Oddsdóttir.
Nýi götubilaflokkurinn var fjölmennastur en þar spyrntu þeir Valur Vffilsson á 440 cid. Valiant og Ágúst Þórólfsson á 327
Chevelle til úrslita. DB-mynd. Lilja Oddsdóttir.
Eina kvartmilukeppni sumarsins
fór fram á keppnisbraut Kvartmílu-
klúbbsins við Straumsvík síðastliðinn
laugardag í leiðindaveðri. Mjög
hvasst var og einstaka regndropar
féllu úr lofti. Ekki var vætan þó svo
mikil að fresta þyrfti keppninni, en
öruggt er að kuldinn og rakinn ollu
,því að gripið í brautinni var ekki eins
gott og það getur verið við hag-
stæðari skilyrði.
Mikil þátttaka var í keppninni því
keppendur voru um 30 og mætti
einungis hluti þeirra sem voru búnir
að láta skrá sig. Hefur veðrið vafa-
laust valdið því þar sem ekki leit
beint vel út fyrir keppnisveður á
laugardagsmorguninn. Keppt var í
fimm flokkum og var kynntur nýr
flokkur á keppninni. Var það Street
Eliminator flokkur, eða öðru nafni
götubílaflokkur. I þeim flokki giltu
hefðbundin öryggisatriði en að öðru
leyti voru ekki gerðar aðrar kröfur til
bílanna en að þeir væru á númerum
og hefðu verið í keyrslu vikuna fyrir
keppnina. Keppnisfyrirkomulagið í
S. E. var einnig frábrugðið hefð-
bundnu keppnisreglunum i gömlu
flokkunum. Var bílunum raðað í
undirflokka eftir tíma og kepptu þeir
síðan innbyrðis, þannig að fljótasti
bíllinn og / eða bezti ökumaðurinn
stóð síðast uppi sem sigurvegari.
Langflestir keppendanna voru í
þessum flokki og virðist hann ætla að
njóta mikilla vinsælda vegna þess hve
keppnisreglurnar eru einfaldar. Að
þessu sinni var ekki keppt í Modified
Standard flokki þar sem ökumenn
bílanna sem hefðu fallið í þann flokk
kusu frekar að keppa í götubíla-
flokknum.
Skellinöðruflokkur
Fjórir keppendur voru mættir til
leiks í skellinöðruflokknum og voru
þeir greinilega búnir að leggja mikla
vinnu i að undirbúa hjólin fyrir
keppnina. Var keppnin milli þeirra
mjög hörð og spennandi en til úrslita
spyrntu þeir Einar Stefánsson á
Honda CB70 og Þórarinn Halldórs-
son á Honda SS70. Þórarinn hafði
hetur og kom hann á undan Einari í
mark. Tími Þórarins var 20.91 sek en
tími Einars 20.91 sek.
Mótorhjólaflokkur
I mótorhjólaflokki voru keppend-
ur einnig fjórir en þar var úrslita-
spyrnan á milli nafnanna Ara Vil-
hjálmssonar og Ara Jóhannessonar.
Ari Vilhjálmsson náði strax
forystunni sem hann hélt út alla
brautina en hann átti í erfiðleikum
með að hemja 1200 cc Kawazaki
hjólið og keyrði yfir miðlíi.u
brautarinnar og tapaði við það spyrn •
unni. Tími Ara Vilhjálmss. var 12.29
sek. en tími Ara Jóhannessonar sem
keppti á 1000 cc Kawazaki hjóli var
13.71 sek. og sigraði hann í
keppninni þrátt fyrir að hann kom á
eftir í mark og var með lélegri tíma.
Standard flokkur
Keppnin í standardflokki var mjög
hörð en keppendur þar voru sjö. Sú
breyting var gerð á forskotskerfinu í
keppninni að i stað þess að miða við
undirflokkamet frá Svíþjóð vár farið
eftir tímunum sem bílarnir náðu i
forkeppninni og þegar bílarnir
spyrntu síðan saman í útsláttarkeppn-
inni fékk hægskreiðari bíllinn forskot
sem nam 70% af tímamismun bíl-
anna. Samkvæmt því átti fljótasti
bíllinn mesta möguleika á því að
sigra. Það fór einnig svo að fljótasti
billinn sigraði. Úrslitaspyrnan var á
milli þeirra Guðmundar Kjartans-
sonar, sem ók 429 cid Mercury
Cyclone, og Gunnars Sigurðssonar
sem ók 402 cid Pontiac Trans Am,
Guðmundur kom á undan í mark,
þrátt fyrir 0,35 sek. forskot sem
Gunnar fékk á 14.78 sek. en tími
Gunnarsvar 15.32 sek.
Street Eliminator
flokkur
Keppnin í þessum flokki tók hlut-
fallslega lengstan tímann vegna þess
að sigurvegarinn í hverri spyrnu
þurfti að spyrna strax aftur i næstu
spyrnu við næsta keppandann og
þurfti því stundum að bíða eftir bíl-
unum meðan þeir voru að aka til
baka að startlínunni. Keppnin í S.E.
var mjög spennandi og í lokinn voru
einungis tveir keppendur eftir. Það
voru þeir Valur Vífilsson sem keppti
á Plymouth Valiant með 440 cid. vél
og Ágúst Þórólfsson sem keppti á
Chevelle með 327 cid. vél. í fyrri
spyrnunni milli þeirra var Valur á
undan og var tími hans 13.74 sek. en
tími Ágústs var 14.22 sek. Ágúst
hafði heimild, samkvæmt reglunum,
til að skora á Val til að keppa aftur
og nýtti hann sér það. En það fór á
sama veg og áður. Valur var aftur á
undan á sama tíma og í fyrra skiptið
en seinni tími Ágústs var 14.37.
Þessir tveir bílar voru byggðir upp
á gerólíkan hátt. Chevellan hjá
Ágústi var með litla vél, fjögurra gíra
beinskiptan kassa og lágt drif en
Valíantinn var með stóra vél, þriggja
gíra sjálfskiptingu og frekar hátt drif.
í upphafi spyrnanna stökk Chevellan
af stað og stundum þannig að bæði
framhjólin lyftust frá brautinni.
Valíantinn var hins vegar mun seinni
af stað en þegar bílarnir voru komnir
u.þ.b. hálfa brautina var Valíantinn
búinn að vinna upp forskot Chevell-
unnar og seig fram úr.
Street Alterd
flokkur
Einungis tveimur keppendum tókst
að komast í útsláttarkeppnina í
þessum flokki. Það voru þeir Bene-
dikt Eyjólfsson sem keppti á428 cid.
Pontiac Firebird og Friðbjörn
Georgsson sem keppti á 396 cid.
Chevrolet Chevelle. Fleiri' kepp-
endur voru skráðir til leiks en komust
ekki. Gylfi Pálsson, Pústmann,
mætti allt of seint með nýja bílinn
sinn, Kókósbolluna víðfrægu, og
fékk því ekki að taka þátt í sjálfri
keppninni. Hins vegar prófuðu þeir
félagar bílinn en ekki gekk það vel.
Voru þeir búnir að gera gagngerar
breytingar á vélinni í Kókosbollunni
en greinilega átti eftir að stilla gírana
saman. Undir lokin biann þriðji gír-
inn í skiptingunni yfir svoaðenginn
almennilegur tími náðist á bílinn.
Finnbjörn Kristjánsson mætti einnig
með 350 cid. Volvo Kryppuna sína en
brotnar bremsuskálar og sprungnar
heddpakningar gerðu honum lífið
leitt.
Þeir Friðbjörn og Benedikt kepptu
um fyrsta og annað sæti í S.A.
flokki. Hvorugur bílanna fékk for-
skot en Benedikt tók strax forystuna
og hélt henni til enda. Tími Frið-
björns var 11.66 sek en tími Bene-
Jikts var 10.84 sek. en það er næst-
bezti tími sem náðst hefur á kvart-
mílubrautinni án þess að nota hlátur-
gas (nitrous oxide) á vélina.
Jóhann Kristjánsson.