Helgarpósturinn - 02.11.1995, Qupperneq 14

14
msm
Annað opið
bréf til Karls
Th. Birgissonar
ritstjóra
Athugasemd vegna athugasemda
þinna þann 26. þessa mánaðar
Sæll aftur.
Þakka þér ágætlega stílaðar
athugasemdir og þessa ljóm-
andi fínu litmynd.
Ekki var það nú meiningin að
bréfin yrðu fleiri, en ég finn mig
þó knúinn til að skrifa þér
nokkrar línur í viðbót. Bæði til
að leiðrétta þig og taka upp
hanskann fyrir eiginkonu mína,
Önnu Björk Birgisdóttur. Það
er skemmst frá því að segja, að
það er að bíta höfuðið af
skömminni að bera hana fyrir
„fréttinni", og fáheyrt yfirklór.
Væri slíkt að öllu jöfnu ekki
svaravert. Þó þykir mér rétt að
þeir lesendur blaðsins sem
„gleyptu við“ fullyrðingu þinni
viti, að hún hefur ekki gefið
það í skyn í útvarpi, eða ann-
arsstaðar, að hún beri barn
undir belti. Enda er það ekki
mál sem hún myndi bera á torg
með slíkum hætti, ef svo væri.
Ef þörf krefði gæti hún sýnt það
og sannað með segulböndum,
sem til eru í vörslu Islenska út-
varpsfélagsins. Því er það ljóst
að heimildir þínar varðandi
þetta mál eru marklaust bull og
slúður. Rennir þetta og stoðum
undir það sem ég minntist á í
fyrra bréfi, að sitthvað mætti
betur fara við öflun gagna og
heimilda á þínum bæ. Ennfrem-
ur árétta ég það, að ef þú hefur
áhuga á einhverju sem mig og
mína snertir er nóg að taka upp
símann og inna mig eftir því
sem þig þyrstir að vita hverju
sinni. Eg tel að símanúmerið
mitt sé til einhvers staðar inn-
anhúss þar. Þó læt ég númerið
fljóta með neðanmáls, því það
gæti, líkt og fleira, hafa skolast
eitthvað til manna í millum og
því — rétt eins og margt annað
sem um hendur ykkar fer —
tekið á sig nýja mynd.
Að lokum: Jú, vissulega er
dægurmenning ýmiss konar
nokkuð áberandi í blaðinu og
er það út af fyrir sig góðra
gjalda vert. Víst er dægurmenn-
ingar“heimurinn“, líkt og aðrir
„heimar“, á köflum kyndugur
og hlálegur. Þess má þó geta,
eins og þú getur ímyndað þér,
að ég og fleiri komum nú stöku
sinnum upp úr „dægurmenn-
ingardjúpinu", svona rétt til að
draga andann og virða fyrir
okkur umheiminn — líka þá
umfjöllun, sem téður heimur
fær af hálfu skriffinna þinna. Sú
útreið sem mætustu menn
mega sæta af ykkar hendi er
ykkur til skammar. ftem sú van-
þekking og mannfyrirlitning
sem gjarnan skín út úr geð-
vonskuskrifum ykkar. Svo ein-
ungis eitt dæmi um það sé tek-
ið er skemmst að minnast at-
hugasemda um Þórhildi Þor-
leifsdóttur leikstjóra í síðasta
tölublaði. Ekki var ég því í fyrra
bréfi mínu sérstaklega að beina
spjótum mínum að umfjöllun
ykkar um dægurmenninguna,
heldur átti ég við umfjöllun
ykkar almennt um menn og
málefni hverskonar. Þú hefur
því misskilið mig þar. Það er þó
greinilega ekki í fyrsta skipti
sem þú og þínir, þar með talið
heimildafólk, misskilja, mis-
heyra eða misminnir eitt og
annað.
Læt ég þetta verða mín loka-
orð og óska þér, þrátt fyrir allt,
velfarnaðar í starfi.
Sem fyrr vænti ég þess að þú
birtir þetta óbreytt í heild sinni
í næsta tölublaði.
Stefán Hilmarsson
FRÁ RITSTJÓRA
Takk fyrir bréfið, Stefán. Það
er langt síðan ég hef átt penna-
vin.
Að sjálfsögðu tek ég orð þín
fyrir því sem hefur verið sagt á
ljósvakaöldum Bylgjunnar.
Enginn misskilningur þar. Vit-
laust frá sagt og ekki orð um
það meir.
Hins vegar, og það er nú
ástæða þess að ég skrifa þér
aftur, áskilur þetta blað sér
fullan rétt til að hafa skoðun á
mönnum og málefnum í opin-
berri umræðu, þar á meðal
Þórhildi Þorleifsdóttur og
ákvörðun hennar um að klaga
ráðningu Viðars Eggertssonar
í Borgarleikhúsið til Jafnréttis-
ráðs. Þær skoðanir geta verið
afdráttarlausar, og líklega er
fullt af fólki ósammála þeim,
mais c'est la vie og ekkert við
því að segja.
í því felst hvorki mannfyrir-
litning né geðvonska. Ef ég
væri hátíðlegur myndi ég í
ofanálag segja að það væri ein-
mitt heilagt hlutverk HP að
hafa skoðanir á því sem gerist
í kringum okkur. En það geri
ég nú ekki.
En skrifaðu endilega aftur
þegar þig langar. Hér er alltaf
pláss fyrir skoðanir.
Beztu kveðjur,
Karl Th. Birgisson

aHMaMMMMMMMWMHMIMMMnMMnniMMMne
o*

geysivinsæla og gQ^

villibráðarhlaðborð
með köldum og heitum réttum
á aðeins 2.900 krónur
Stundin et dauótid
Staðuiinn c* Aíauótið