Helgarpósturinn - 02.11.1995, Síða 26
26
FIMMTUDAGUR 2. NÓVEMBER 1995
leikhús
ÞREK OG TÁR
— Þjóöleikhús, fim. (uppseit), lau.
(uppselt), sun.
Enn eitt samstarfsverkefni Ólay
Hauks sem skrifar og Þórhalls Sig-
urðssonar sem leikstýrir.
TAKTU LAGIÐ, LÓA
— Þjóöleikhús, Smíöaverkstæði,
lau., sun. (uppselt)
Sýning sem naut fádæma vinsælda
á síðasta leikári.
STAKKASKIPTI
— Þjóðleikhús, fös. og lau., síöustu
sýningar.
Guðmundur Steinsson tekur upp
þráðinn þar sem frá var horfið í
Stundarfriði.
KARDEMOMMUBÆRINN
— Þjóöleikhús, lau. og sun. (upp-
selt)
„Ég er þess fullviss að þessi
drengur [Bergur Þór Ingólfsson]
verður einn af þeim stóru, nóta
bene; ef ekki hendir slys „þarna
uppi“, hverju guð forði.“ (EE)
SANNUR KARLMAÐUR
— Þjóöleikhús, Litla svið, fim. og
fös.
„Kúgun konunnar hefur troðið sér
inn í þessa sýningu ófyrirsynju
ásamt með tilhneigingu til að deila
á yfirgang karlrembusvínsins
Fernandos Krapp.“ (EE)
LÍNA LANGSOKKUR
— Borgarteikhús, lau. og sun.
Klassískt barnaleikrit með
Margréti Vilhjálmsdóttur í
aðalhlutverki.
TVÍSKINNUNGSÓPERAN
— Borgarleikhús, fim. og lau.
„Fjörið verður minna en skyldi.
Hin háttvísu, bundnu fagmanns-
tök handanna í sviðsetningunni
fella nokkurn fjötur á hið glettna
óstýrilæti andans í höfundarverk-
inu.
Leikstjórinn hefur sem sagt ekki
skilið höfundinn rétt!“ (EE)
VIÐ BORGUM EKKI,
VIÐ BORGUM EKKI
— Borgarleikhús, fös.
Farsi eftir Dario Fo í leikstjórn
Þrastar Leós.
HVAÐ DREYMDI ÞIG, VALENTÍNA?
— Borgarleikhúsiö, fös. (uppselt)
og lau.
„Leikritið er rangtúlkað. Persón-
urnar á sviðinu eru ekki þær sem
höfundur reynir að lýsa í leikrit-
inu. Þar eru þær — í sem stystu
máli — miklu vitlausari og allt
sem þær iðka falskara." (EE)
BAR-PAR
— Borgarleikhús, fös. og lau. (upp-
selt)
„Þetta er sýningin." (EE)
DRAKÚLA
— Leikfélag Akureyrar, lau.
Leikhússtjórinn Viðar Eggertsson
í hlutverki vampírunnar frægu.
ROCKY HORROR
— Loftkastalinn, fös. plús miönæt-
ursýning á lau.
Söngleikur úr smiðju Flugfélagsins
Lofts.
TRÓJUDÆTUR
— lönó, fös.
„Smásmugulegar hugmyndir okk-
ar rislitlu tíma um fánýti stríðs,
jafnrétti kynja, jöfnuð og réttlæti
yfirleitt, — eiga ekkert erindi við
hina stóru tragedíu og síst við
Evripídes.“ (EE)
HIMNARÍKI
— Gamla bæjarútgeröin i Hafnarfirði,
fim., fös. (uppselt), lau. Juppselt).
Nýr gamanleikur eftir Árna Ibsen í
uppfærslu Hafnarfjarðarleikhúss-
ins.
ÆVINTÝRABÓKIN
— Möguleikhúsiö viö Hlemm, lau.
„Alveg frá upphafi skapaðist eitt-
hvert það trúnaðartraust milli
leikaranna allra — og áhorfenda
— sem gerir það að verkum að
ekkert annað skiptir verulegu
máli.“ (EE)
CARMINA BURANA
— íslenska óperan, lau.
„Það er einfaldlega svo mikið fjör
og lífsþróttur í sýningunni að
taugaveikluðustu menn gleyma
hvað þeir eiga oft erfitt.“ (EH)
Sápa þrjú og hálft
— Hlaðvarpinn, fös. og lau.
Frumsýning á farsa eftir Eddu
Björgvinsdóttur.
Ásgeir Sæmundsson og Styrmir Sigurðsson eru að skríða útúr hljóðvershíðinu eftir nokkur ár og senda frá sér
breiðskrfufyrirboða: fimm laga plötu sem dúettinn Lassý. stefán Hrafn Hagaiín hlustaði á gripinn og ræddi við Styrmi og Ás-
geir um samstarfið og feimna tónlistarmenn...
fietta er okkar
eppastúss “
„Tilfinningin er sú að okkur
hafi tekist að skapa sérstakan
og heilsteyptan hljóðheim;
náð persónulegum hljómi í
tónlistina sem við höfum lengi
leitað að,“ segja Styrmir Sig-
urðsson og Ásgeir Sæmunds-
son í samtali við HP, en á næst-
unni er væntanleg plata frá
þeim félögum undir formerkj-
um dúettsins Lassý. Platan er í
rauninni nokkurskonar fyrir-
boði þess sem koma skal, en
hún kemur til með að inni-
halda fimm lög og er hugsuð
fyrst og fremst til þess að
kynna tónlist sveitarinnar, en
þeir félagar vinna nú að breið-
skífu sem kemur — ef guð lofar
— út á næsta ári.
Hafa starfað saman
í tæpan áratug
Ásgeir og Styrmir hafa starf-
að saman í tæplega áratug:
fyrst í Pax Vobis, þaráeftir í
Hunangstunglinu og loks í
tveggja manna teymi að ýms-
um verkefnum — nú síðast
Lassý. Undanfarin ár hefur lít-
ið spurst til þeirra á opinbera
tónlistarsviðinu, en hinsvegar
hafa þeir fráleitt setið aðgerð-
arlausir með hendur í skauti.
Fyrr á árinu komu sér þannig
upp litlu hljóðveri í Alþýðu-
húsinu í Reykjavík (við hlið
hljóðvers Björns Jörundar
Friðbjörnssonar) og unnu þar
meðal annars hluta af efni plöt-
unnar væntanlegu.
Undirritaður hlustaði á
nokkur laganna fyrir
skemmstu og verður að segja
einsog er: á síðari árum hefur
hann ekki heyrt metnaðarfyllri
lagasmíðar frá íslenskum tón-
listarmönnum. Tónlistin hefur
vissulega þetta fágaða yfir-
bragð sem einkenndi fyrst-
nefndu hljómsveitirnar — og
svo lagasmíðar félaganna eftir
að þær gáfu upp öndina, en er
einhvernveginn melódískari,
safaríkari og „meira unnin“.
Lögin fela í sér athyglisverða
og ferska blöndu af straumum
og stefnum.
Athyglishungur eftir
tveggja ára vinnu
Laga- og textasmíðar á plöt-
unni eru Ásgeirs og Styrmis —
að einum texta undanskildum.
Þeir fengu til sín fjóra hjálpar-
kokka í sjálfa tónlistina: Jóel
Pálsson saxófónleikara úr
Milljónamæringunum, Nick
Cathcart Jones hljóðblöndun-
armeistara, Hallgrím Helga-
son rithöfund (sem rappar í
einu lagi) og Bryndísi Ás-
mundsdóttur söngkonu.
„Það sem núna lítur dagsins
ljós er einungis hluti af stærri
heild sem verið hefur í vinnslu
Þeir ætla sér að gera mynd-
bönd við einhver laganna og
eins vonandi að fylgja plötunni
eftir með spilamennsku á
næsta ári. Þeir segjast vera að
dunda sér við það þessa dag-
ana að setja þrýsting á sjálfa
sig. Ásgeiri finnst tími tilkom-
inn að koma tónlistinni á fram-
færi. Hann gerir þó fyrirvara á
vinnslutímanum og segir að sú
tilhneiging að liggja mikið yfir
hugmyndum og efni hafi verið
þeirra sterkasta hlið í sam-
starfi: „Það hentar okkur og
þeirri tónlist sem við erum að
búa til að taka góðan tíma í að
finna ákjósanlegustu leiðirnar.
En þetta er ekki kombakk í
hefðbundnum skilningi þess
orðs, því þann tíma sem lítið
hefur komið frá okkur höfum
við nýtt til úrvinnslu á efni og
hugmyndum.“
Tónlistin rökrétt
framhald á öðru
Líta þeir á plötuna sem stórt
stökk frá öðru sem þeir hafa
verið að gera? „Tónlistin er í
sjálfu sér rökrétt framhald fyr-
ir okkur, sem höfum náttúrlega
fylgst með tónlistinni þróast,"
svarar Styrmir. Þó svo þeir
hafi unnið að tónlist áður líta
þeir engu að síður svo á, að
með þessari hljómsveit sé haf-
ið nýtt tímabil og þeir þurfi að
sanna sig rétt einsog allar aðr-
ar hljómsveitir sem eru að
stíga sín fyrstu spor.
Þeir eru báðir í fullum störf-
um samhliða tónlistinni. Er
þetta ekki dýrt áhugamál?
Styrmir: „Ætli þetta sé nokkuð
dýrara en önnur áhugamál.
Við höfum að minnsta kosti
stundum hent gaman að því að
þetta sé okkar jeppasport í
þeim skilningi, að í þetta fer
allur okkar afgangstími og enn-
fremur allir okkar peningar
sem aukreitis eru eftir að
reikningar og þessháttar hefur
verið borgað. Því miður höfum
við ekki — frekar en jeppa-
mennirnir með sitt stúss —
séð grundvöll fyrir því að hafa
tónlistina að lifibrauði, því ís-
lenski tónlistarmarkaðurinn
býður tæplega uppá slíkt
frelsi. í staðinn er tónlistin okk-
ar áhugamál, en hugsanlega
breytist það eitthvað á næstu
mánuðum. Hver veit.“
„Hefðbundið“ samstarf,
gjörbreytt aðstaða
Styrmir segir starfsaðferðir
þeirra svipaðar og fyrr, en að-
staðan hafi afturámóti gjör-
breyst. „Við höfum með tíman-
um komið okkur upp þessu
litla hljóðveri og það hefur
veitt okkur mikið og kærkomið
frelsi til að vera okkar eigin
„Með því að skapa okkur starfsferil utan tónlistar-
heimsins höfum við getað sett okkurþað sem
raunhœft markmið að vinna ekki að neinu nema
okkar tónlist — tónlist sem okkur finnst
skemmtileg og áhugaverð. “
um nokkurt skeið. Auðvitað
getur stundum verið ákjósan-
legra að hafa meiri hraða við
úrvinnslu hugmynda og senni-
lega hefur einnig skort svolítið
á athyglishungrið hjá okkur.
En við erum núna að taka á
þeirri feimni með útgáfunni og
fá útrás fyrir sköpunargleð-
ina,“ segir Ásgeir.
herrar. Nú höfum við alltaf að-
gang að einhverskonar að-
stöðu og getum gefið okkur all-
an þann tíma sem nauðsynleg-
ur er og unnið úr hugmyndum
okkar, skerpt þær og fínpúss-
að.“ Þetta áhyggjuleysi af tíma
og öðrum ytri umbúnaði kalla
þeir félagar kærkominn mun-
að.
Asgeir Sæmundsson og Styrmir Sigurðsson — dúettinn Lassý: „Tilfinningin er sú að okkur hafi tek-
ist að skapa sérstakan og heilsteyptan hljóðheim; náð persónulegum hljómi í tónlistina sem við höfum
lengi leitað að.“
Ásgeir segir þá Styrmi vinna
algjörlega á jafnréttisgrund-
velli. „Semsagt, þetta virkar
ekki þannig að við kynnum full-
mótaðar hugmyndir hvor fyrir
öðrum. Ferlið markast af sam-
eiginlegri vinnu og öll úr-
vinnsla er á þann veginn.“
Styrmir tekur í sama streng:
„Okkur gengur vel að vinna ná-
ið saman á þennan hátt; tölum
mikið saman gegnum tónlist-
ina. En þótt svona vinnulag
henti okkur vel núna, þá vitum
við hinsvegar minnst um það
hvernig þetta verður að ári.“
Full vinna veitir
okkur ákveðið frelsi
Meðfram tónlistinni starfar
Ásgeir sem matreiðslumeistari
á veitingahúsinu Skólabrú og
Styrmir er kvikmyndamennt-
aður og einn af framleiðendum
Dagsljóss. Styrmir segir að
þarsem þeir báðir séu í fullri
vinnu með tónlistinni veiti það
ákveðið frelsi. „Með því að
skapa okkur starfsferil utan
tónlistarheimsins höfum við
getað sett okkur það sem raun-
hæft markmið að vinna ekki að
neinu nema okkar tónlist —
tónlist sem okkur finnst
skemmtileg og áhugaverð. Þeir
sem vinna einungis að tónlist
hér á landi neyðast eiginlega
til að taka öllu því sem býðst.
Við sleppum við að standa í
þessu harki og kvaðirnar eru
minni. Þurfum ekki að standa
skil á neinu gagnvart öðrum en
sjálfum okkur. Það hentar okk-
ur því prýðilega að gefa plöt-
una út sjálfir, því þannig getum
við stuðst við eigin forsendur
og þurfum ekki að gera mála-
miðlanir vegna markaðsmála
og slíks — ekki þá nema okkar
í milli.“
Ásgeir hnykkir á að með því
að vinna fyrir sér með öðru en
tónlistinni hafi þeir getað fylgt
eigin sannfæringu í tónlistinni
og ráðið ferðinni að öllu leyti
sjálfir. „Á móti kemur sá galli
að sökum tímaskorts höfum
við ekki getað unnið efni mjög
hratt. Það stendur til bóta
núna, því við teljum okkur hafa
náð vissum þroska í því sem
við fáumst við. Þetta snýst
mikið um að við bætum hvor
annan upp og komumst á til-
tekna staði í tónlistinni sam-
an.“
Margir áhrifavaldar
— og hvað með Björk?
Hvernig flokka þeir tónlist-
ina og hverjir eru helstu áhrifa-
valdarnir? Það er Styrmir sem
verður fyrir svörum: „Manni er
auðvitað meinilla við að setja
eigin tónlist á bás, en undan-
farin ár hafa verið að gerast
sérstaklega áhugaverðir hlutir
í Bretlandi sem við höfum
fylgst vel með og vafalaust hef-
ur það sín áhrif á tónlist okkar.
Hlutir einsog acid-djass, ambi-
ent-stemmningar og hljóm-
sveitir á borð við Portishead
og Massive Attack hafa opnað
flóruna á þann hátt að menn
geta nú farið í hvaða átt sem
þeim sýnist með tónlistina.
Möguleikarnir á fjölbreytilegri
útfærslum eru einhvernveginn
meiri en áður. Lagasmíðarnar
„ Við höfum með tfm-
anum komið okkur
upp þessu litla hljóð-
veri og það hefur veitt
okkur mikið og kœr-
komið frelsi til að vera
okkareigin herrar. Nú
höfum við alltafað-
gang að einhverskonar
aðstöðu oggetum gefið
okkur allan þann tíma
sem nauðsynlegur er og
unnið úrhugmyndum
okkar, skerptþœrog
fínpússað. “
verða þó að vera stemmning-
unni fremri og við höfum kosið
að viða að okkur hughrif úr
býsna ólíkum áítum.“ Hin svo-
kallaða Bristol-bylgja hefur
þannig heillað félagana, en
jafnframt „svört tónlist" — so-
ul og fönk — ásamt klassískum
melódíum Steely Dan, Donald
Fagan og kvikmyndatónlist
meistara líktog Henri Manc-
ini.
En hvað með íslenska áhrifa-
valda, til að mynda Björk?
„Hún og Tricky hafa verið að
gera forvitnilega og skemmti-
lega hluti.“