Helgarpósturinn - 29.02.1996, Blaðsíða 9

FlMIVnUDAGUR 29. FEBRUAR1996
9
es'
ar, auglýsingasalar og útlits-
hönnuðir. Ef frá er talinn vottur
af þeirri tegund karlrembu sem
er landlæg hér — en við púss-
uðum af Olafi á skömmum tíma
— áttu fáir eins auðvelt með
umgengni við aðra, konur og
karla á öllum aldri, og Ólafur.
Það eru engar ýkjur að segja að
hann hafi verið hvers manns
hugljúfi, laus við hroka og upp-
gerð. Ólafur hafði nýlega brugð-
ið búi vestur í Selárdal. Hann
hafði verið einbúi árum saman,
hlaupandi á eftir kindum um
fjöll og firnindi — og kom til
Reykjavíkur, rétt rúmlega fimm-
tugur, til að byrja upp á nýtt.
Heilladísirnar voru honum hlið-
hollar því hann spjaraði sig vel,
vakti fljótlega athygli fyrir skrif
sín, kynntist Guðrúnu og stofn-
aði nýja fjölskyldu. Hann tók
þetta allt með trompi. Eitt
helsta einkenni Ólafs er
að hann virðist hafa varð-
veitt barnið í sjálfum sér.
Það er glettni og góðvild í
svipnum og þar er einnig
örlítill vottur af trúgirni
eða einlægni, sem stingur
í stúf við ímyndina af
harðsvíruðum analysta.
Ég held að ég geti mælt
fyrir munn þeirra sem
unnu með honum þau ár
sem hann var á Heims-
mynd að okkur öllum er
hlýtt til hans — og það
hefði verið mun tómlegra
bæði á skrifstofum blaðs-
ins sem og síðum þess ef
hans hefði ekki notið við.
Það ber vott um bjartsýni
Ólafs að hann lofaði eitt
sinn að hann skyldi skrifa
minningargrein um mig-
þannig að ef ég næ rúm-
um meðalaldri íslenskra
kvenna verður hann hinn
hressasti við að pára þá
grein 95 ára með aftur-
gönguna á Bessastöðum,
hana Appólóníu
Schwartzkopf, sér við
hlið,“ sagði Herdís Þor-
geirsdóttir.
Getur verið hvass
Meðal þeirra sem lengi
hafa þekkt Ólaf og HP
ræddi við er Ömólfur
Ámason rithöfundur og
hann ber honum vel sög-
una:
„Eitt það fyrsta sem
maður tekur eftir við Ólaf
Hannibalsson er hvað
hann er skrambi skýr í
kollinum. í ofanálag er hann
býsna frjáls í hugsun og að
minnsta kosti einskis manns
taglhnýtingur. Það er því miður
ekki oft sem maður rekst á fólk
sem hefur verið svona lúshepp-
ið með vöggugjafirnar.
Ólafur er skarpskyggn, eld-
fljótur að draga ályktanir og
raða saman í skiljanlega heild-
armynd ýmsu sem vefst fyrir
mörgu öðru greindu og vel upp-
lýstu fólki. Hann getur verið
nokkuð hvass eða neyðarlegur
í máli en hann á svo létt með
meinfyndnina að ég held að
segja megi að hann beiti þeim
vopnum af hófsemd. Og þótt
Ólafur sé húmoristi finnst mér
hann í rauninni vera mjög al-
vörugefinn maður og laus við
glannaskap.
Þá er ótalið hvað Ólafur er
stútfullur af fróðleik. Hann hef-
ur um langt árabil hámað í sig
upplýsingar um menn og mál-
efni — og virðist með þeim
ósköpum fæddur að geta engu
gleymt. Það er stundum ekki al-
veg ónýtt að hafa slíka menn
við höndina," sagði Örnólfur
Árnason.
Fleiri viðmælendur blaðsins
töluðu um hversu fróður Ólafur
væri. „Hann er hafsjór af fróð-
leik og ég kem aldrei að tómum
kofunum ef ég þarf að fræðast
um þjóðmál. Hann er skarp-
greindur og hispurslaus við
háa sem lága og fer ekki í mann-
greinarálit. En Ólafi væri ekki
rétt lýst nema taka fram að
hann er einstaklega góður fað-
ir. Því hef ég tekið eftir sem fjöl-
skylduvinur," sagði Jóhann Ax-
elsson prófessor.
Útvarpsmaðurinn
Ólafur Hannibalsson er ekki
aðeins þekktur fyrir blaðaskrif
sín heldur hafa pistlar hans í
Ríkisútvarpinu vakið athygli.
Kristinn Gunnarsson, þing-
maður Alþýðubandalagsins á
Vestfjörðum, sagði að Ólafur
væri vel máli farinn en nyti sín
betur við að flytja pistla í út-
varp en halda ræður á manna-
mótum. „Hvað viðkemur pólit-
íkinni þá er Ólafur snarpur
ádeilumaður að mörgu leyti og
fljótur að grípa það sem er
gagnrýni vert. Ég þekki hann
ekki öðruvísi en sem heiðarleg-
an andstæðing í pólitík og það
er mikill kostur á stjórnmála-
manni að heyja baráttuna með
heiðarlegum hætti,“ sagði
Kristinn Gunnarsson.
Unnur Skúladóttir fiskifræð-
ingur hafði Ólaf í vinnu sem að-
stoðarmann við rækjurann-
sóknir fyrir margt löngu. Hún
sagði Ólaf vera vel gefinn og
frambærilegan mann. „Ég
hlusta alltaf á pistla hans á
laugardögum og finnst hann
komast mjög vel að orði, enda
einkar glöggur maður," sagði
Unnur Skúladóttir.
Samflokksmaður Ólafs sagði
að hann væri vel greindur og
prýðilega ritfær. „Hann er
þokkalegur ræðumaður en
mun betri penni. Ólafur hefur
vanist því frá blautu barnsbeini
að hugsa og fjalla mikið um
hugmyndafræði og gerir það
núna á hægri vængnum. Það fer
ekki framhjá neinum að hann er
skemmtilegur, en tekur samt líf-
ið alvarlega," sagði þessi sjálf-
stæðismaður.
Lestur og rökræður
Vinir Ólafs segja að hann sé
heimakær og hafi unun af því
að umgangast dætur þeirra
Guðrúnar. I tómstundum sitji
hann einatt við lestur og stundi
ekki aðra líkamsrækt en göngu-
ferðir. Ólafur vinnur nú að rit-
un 50 ára sögu Sölumiðstöðvar
hraðfrystihúsanna og er sagð-
ur taka þá vinnu í skorpum.
Hann slær ekki hendinni á móti
gleðskap á góðum stundum og
þykir skemmtilegur samkvæm-
ismaður.
„Það er afskaplega gaman að
vera nálægt Ólafi Hannibals-
syni og ekki síst þegar glóir vín
á skál. Hann getur rökrætt
endalaust um allt milli himins
og jarðar og kemur þá stund-
um að manni úr óvæntri átt. Ól-
afur er dálítill bóhem í sér og
metur fólk ekki eftir einhverj-
um ytri mannvirðingum eða
tignarmerkjum. Hann getur
virkað nokkuð hrokafullur á þá
sem ekki þekkja hann, en mér
finnst hann oft sýna þolinmæði
í samræðum við þá sem þykj-
ast vita alla hluti best. Ég óttast
að það muni hefta manninn ef
hann á að fara að búa á Bessa-
stöðum og haga sér eftir ein-
hverjum serimóníum sem gilda
um þá sem þar eru húsráðend-
ur,“ sagði maður sem lengi hef-
ur þekkt til Ólafs.
Ánnar viðmælandi, embætt-
ismaður sem ekki vildi láta
nafns getið, var þeirrar skoð-
unar að stundum glitti í nokk-
urn hofmóð hjá Ólafi. „Þeir
bræður, Jón Baldvin og Ólafur,
eru stundum yfirlætisfullir í
framkomu og virðast sann-
færðir um yfirburði sína. Þó
eru þeir um margt ólíkir. Jón
Baldvin leggur þannig mikið
upp úr því að vera vel klæddur
og snyrtur. Ólafur minnti
stundum á útigangsmann í
klæðaburði og með mikið hár
og skeggflóka. En nú hefur
hann verið tekinn og klipptur,
greiddur og strokinn og mér er
sagt að hann sé meira að segja
farinn að ganga með hálstau
hvunndags. Ég dreg ekki gáfur
Ólafs og þekkingu í efa, en mér
finnst hann svona týpa sem
nýtur þess betur að láta ljós
sitt skína yfir glasi af öli á góðri
krá heldur en í kampavínsboð-
um á Bessastöðum, sem eru
oftar en ekki leiðindasamkom-
ur. En kannski þau Guðrún og
Ólafur geti eitthvað hresst upp
á hirðlífið á Álftanesi ef þau ná
alla leið og væri það út af fyrir
sig þakkarvert," sagði þessi
viðmælandi.
Náttúruundur
Það er kannski við hæfi að
enda þetta með tilvitnun í Frið-
rik Þór Guðmundsson blaða-
mann um Ólaf Hannibalsson:
„Ólafur er náttúrubarn, mér
liggur við að segja náttúruund-
ur. Hann er mjög sérstæður
persónuieiki en virðist ná sam-
bandi við fólk á hvaða aldri sem
er og hverrar skoðunar sem
það er. Mér finnst stundum
skína úr augum hans margra
alda arfleifð sem ég hygg að
muni rúmast ágætlega á Bessa-
stöðum.“
FERMING '96
Opið sunnudaga í
Kringlunni
Skyrtur
frá 2900
Buxur
frá 3900
Vesti
frá 3500
Jakkar frá
8900
Stakir jakkar
5900
Skór frá 4900
Dickies-buxur
3900
Fríar breytingar á
fermingarfatnaði
Laugavegi S 511-1717
Kringlunni S 568-9017