Morgunblaðið - 07.12.2001, Blaðsíða 4

FRÉTTIR
4 FÖSTUDAGUR 7. DESEMBER 2001 MORGUNBLAÐIÐ
SAMKEPPNISRÁÐ hefur lagt 25
milljóna króna sekt á Skífuna vegna
samnings sem fyrirtækið gerði við
Aðföng, dreifingarfyrirtæki Baugs,
um að Aðföng skyldu kaupa nær alla
geisladiska til endursölu í verslunum
Baugs hjá Skífunni. Segir sam-
keppnisráð að með þessu hafi Skífan
misnotað markaðsráðandi stöðu sína
sem teljist alvarlegt brot.
Samninginn gerðu fyrirtækin tvö í
apríl síðastliðnum og skyldi hann
gilda í tvö ár. Segir í fréttatilkynn-
ingu frá samkeppnisráði að samning-
urinn hafi útilokað, nánast að fullu,
önnur heildsölu- og dreifingarfyrir-
tæki á hljómdiskum en Skífuna frá
því að koma geisladiskum í sölu hjá
verslunum Baugs fram á árið 2003.
Reyndi Japís hf. árangurslaust að
koma hljómdiskum í dreifingu í
verslunum Baugs en samningurinn
við Skífuna kom í veg fyrir það.
Segir í fréttatilkynningunni að
einkakaupa- og einkasölusamningar
séu í eðli sínu samkeppnishamlandi
og þegar fyrirtæki sem eru í mark-
aðsráðandi stöðu geri slíka samninga
hafi þeir skaðlegar samkeppnis-
hömlur í för með sér. „Skífan hefur
yfir 70% hlutdeild á markaðnum fyr-
ir heildsölu og dreifingu á hljómdisk-
um. Fyrirtækið hefur auk þess
styrka stöðu í smásölu á hljómdisk-
um. Það styrkir einnig stöðu Skíf-
unnar að fyrirtækið er í eigu Norður-
ljósa samskiptafélags hf., en það
félag á og rekur margar sjónvarps-
og útvarpsstöðvar.“ Að því er fram
kemur í tilkynningunni knúði Skífan
fram samninginn með því að veita til-
tekinn afslátt. Telur samkeppnisráð
að í þessu hafi falist alvarlegt brot á
samkeppnislögum.
Eftir breytingar, sem gerðar voru
á samkeppnislögum, er það megin-
regla að leggja skuli stjórnvaldssekt-
ir á fyrirtæki sem brjóta gegn bann-
ákvæðum samkeppnislaga og telur
samkeppnisráð hæfilegt að leggja 25
milljóna króna sekt á Skífuna vegna
brotsins. Er sektinni ætlað, lögum
samkvæmt, að fæla fyrirtæki frá því
að raska samkeppni og skaða hags-
muni neytenda. Er fjárhæð sektar-
innar miðuð við að hún hafi þessi
varnaðaráhrif.
Gert að greiða 25
milljóna króna sekt
NOKKRIR fulltrúar hóps manna
sem undirbúa stofnun nýs flugfélags
ræddu í gær við Sturlu Böðvarsson,
samgönguráðherra. Vildu þeir að
upplýsa ráðherra um áform hópsins.
Með samgönguráðherra á fundin-
um voru Jakob Falur Garðarsson,
aðstoðarmaður hans, og Jón Birgir
Jónsson, ráðuneytisstjóri. Jóhannes
Georgsson hafði orð fyrir fulltrúum
flugfélagsins nýja. Eins og fram hef-
ur komið í fréttum ráðgerir félagið
flug milli Íslands og borga í Evrópu.
Jakob Falur segir hópinn hafa kynnt
ráðherra áform sín.
Pétur Maack, framkvæmdastjóri
flugöryggissviðs Flugmálastjórnar,
sagði í samtali við Morgunblaðið í
gær, að ekkert erindi hefði borist
Flugmálastjórn vegna fyrirhugaðrar
stofnunar nýs flugfélags.
Kynntu
ráðherra
áform nýs
flugfélags
ÞAÐ er ekkert sældarlíf að vera
kind á beit þessa dagana því
hvergi er stingandi strá að finna
fyrir mjöllinni sem hefur hertekið
hagana. Þessar ær, sem héldu til
við Þjórsá, þegar ljósmyndari
Morgunblaðsins átti þar leið hjá á
dögunum, mændu löngunarfullum
augum að honum, líklega í von um
að hann hefði eitthvað grænt og
gómsætt að færa þeim. Þær vonir
urðu þó að engu því það eina sem
hann hafði upp á að bjóða var
smellur í myndavél og ósk um bros
frá hinum ferfættu fyrirsætum.
Morgunblaðið/RAX
Fátt um
fína drætti
MORGUNBLAÐINU hefur
borist eftirfarandi athugasemd
frá Sigurði Bessasyni, formanni
Eflingar – stéttarfélags:
„Vegna athugasemda frá
Morgunblaðinu í gær vill Efling
– stéttarfélag koma eftirfarandi
á framfæri.
Vegna afstöðu blaðaútgef-
enda njóta blaðberar ekki
grundvallarréttinda um samn-
ingsfrelsi.
Ástæða þess að ekki hefur
verið gerður kjarasamningur
fyrir blaðbera er að Samtök at-
vinnulífsins, f.h. útgáfufélaga
blaðanna, hafa neitað gerð slíks
samnings.
Þetta er kjarni málsins.
Efling – stéttarfélag telur
það óþolandi að þessi hópur
launþega skuli búa við þær að-
stæður að launagreiðandi
ákvarði einhliða launakjör hans.
Nú í hartnær fjögur ár hefur
Efling leitað eftir gerð kjara-
samnings fyrir blaðbera án ár-
angurs.
Varðandi könnun Gallup seg-
ir hún ekkert um vilja blaðbera
til aðildar að Eflingu. Þeir fjöl-
mörgu blaðberar sem leitað
hafa liðsinnis félagsins til að
sækja ýmis grundvallarréttindi
á hendur blaðaútgefendum
segja okkur það að kjarasamn-
ingur fyrir blaðbera er nauð-
synlegur.
Í frétt þeirri sem Morgun-
blaðið vitnar til í athugasemd-
um sínum var því ekki haldið
fram að Mbl. færi ekki að lög-
um.
Efling – stéttarfélag óskar
liðsinnis Morgunblaðsins í því
að gerður verði kjarasamning-
ur fyrir hönd blaðburðarfólks.
Því verður ekki trúað að
óreyndu að Morgunblaðið telji
að blaðberar eigi að búa við lak-
ari réttindi en annað launafólk á
Íslandi.“
Athugasemd
frá Eflingu –
stéttarfélagi
HALLDÓR Ásgrímsson utanríkis-
ráðherra segir að Reykjavík hafi ver-
ið á vörum fulltrúa nánast allra þjóða
á fundi utanríkisráðherra Atlants-
hafsbandalagsins í Brussel í gær og
horft sé til fundar utanríkisráðherr-
anna í Reykjavík í maí á næsta ári
með eftirvæntingu.
Baráttan gegn hryðjuverkum og
samskipti Atlantshafsbandalagsins
við Rússland voru helstu mál á dag-
skránni í gær. Halldór Ásgrímsson
ávarpaði fundinn og lagði áherslu á
mikilvægi bandalagsins í baráttunni
gegn hryðjuverkum og að bregðast
þyrfti við ógninni af gereyðingar-
vopnum, m.a. með aukinni samvinnu
á sviði almannavarna í samvinnu við
samstarfsríki Atlantshafsbandalags-
ins. Hann sagði einnig mikilvægt að
nota það tækifæri sem skapast hefði
til að efla samvinnu bandalagsins við
Rússland. Stefna bæri að því að
ganga frá ákvörðunum um form og
innihald þeirrar samvinnu hið fyrsta
eða í síðasta lagi á utanríkisráðherra-
fundinum í Reykjavík vorið 2002.
Utanríkisráðherra sagði við Morg-
unblaðið að mjög skýrt hafi komið
fram að flest ríkin geri sér vonir um
að mikilvægur árangur náist á fund-
inum í Reykjavík um miðjan maí á
næsta ári. Bæði vegna stækkunar-
ferlisins og ekki síst vilji menn leiða
til lykta nýtt samstarfsform við Rúss-
land fyrir þann fund. Mjög margt
bendi því til þess að fundurinn í
Reykjavík verði óvenju mikilvægur
og marki tímamót í samskiptum
NATO og Rússlands. Ísland verði þá
enn á ný í sviðsljósinu í bættum sam-
skiptum við Rússland rúmum 15 ár-
um eftir Reagan-Gorbatsjov fundinn í
Höfða.
Utanríkisráðherrarnir fjölluðu
einnig um samskipti NATO við Evr-
ópusambandið og ástandið á Balkan-
skaga auk þess sem haldinn var utan-
ríkisráðherrafundur í samstarfs-
nefnd bandalagsins og Úkraínu. Þar
var fjallað um öryggismál á Evró-Atl-
antshafssvæðinu í ljósi hryðjuverka-
árásanna á Bandaríkin, framlag
Úkraínu til að tryggja stöðugleika og
frið á Balkanskaga og samstarfsáætl-
un bandalagsins og Úkraínu fyrir
næsta ár.
Í dag verður fundur í Evró-Atl-
antshafssamstarfsráðinu og í sam-
starfsráði bandalagsins og Rúss-
lands.
Fundur í Reykjavík næsta
vor markar tímamót
Reuters
Frá fundinum í Brussel í gær. Fremri röð frá vinstri: Louis Michel, utanríkisráðherra Belgíu, George Robertson,
framkvæmdastjóri NATO, og Colin Powell, utanríkisráðherra Bandaríkjanna. Aftari röð frá vinstri: Vassilis
Kaskarelis, utanríkisráðherra Grikklands, Halldór Ásgrímsson utanríkisráðherra og Renato Ruggiero, utan-
ríkisráðherra Ítalíu.