Morgunblaðið - 07.12.2001, Blaðsíða 39

LISTIR/KVIKMYNDIR
MORGUNBLAÐIÐ FÖSTUDAGUR 7. DESEMBER 2001 39
SÖGUHETJURNAR í spennu- og
gamanmyndinni Bandits, Joe
Blake (Bruce Willis) og Terry
Collins (Billy Bob Thornton), eru
bankaræningjar á flótta undan
réttvísinni. Vona að þeir detti nið-
ur á arðsamt rán, sem geri þeim
fært að komast suður fyrir landa-
mærin, til Mexíkó. Með fulla vasa
fjár og geti sest í helgan stein.
„Ómótstæðilegi Joe“ og hinn
ímyndunarveiki glæpafélagi hans,
Terry, eru orðnir kunnustu þjófar
landsins, búnir að skilja eftir sig
slóð frá Oregon suður til Kali-
forníu, þakta bandillum löggum,
lafhræddum bankamönnum og
hugfanginni alþýðu.
Aðferð þeirra er óvenjuleg og
einföld. Félagarnir taka banka-
stjórann og fjölskyldu hans í gísl-
ingu kvöldið fyrir ránið. Eta með
henni kvöldskattinn, ganga síðan
til náða. Vakna snemma, fara með
stjórann í bankann og láta greipar
sópa. Engar skemmdir, engin
morð, ekki einu sinni smávægileg
slys. Kate (Cate Blanchett), slæst í
hópinn á leiðinni, vonsvikin hús-
móðir sem finnur litla lífsfyllingu í
grautargerð og nærfataþvotti. Til
að flækja málin frekar, verða tví-
menningarnir bálskotnir í konunni,
báðir tveir. Að því er henni við-
víkur, horfir málið öðruvísi við.
Kata sér nefnilega sitt lítið af góðu
í báðum; saman eru þeir nokkuð
eftirsóknarverðir.
Óvenju mikið mannval stendur
að baki Bandits. Bruce Willis og
Billy Bob Thornton eru með virt-
ustu og vinsælustu leikurum sam-
tímans og hin ástralska Cate
Blanchett er að verða eftirsóttasta
leikkona kvikmyndaheimsins.
Barry Levinson, sá sem stjórnar
gríninu, er kvikmyndahúsagestum
einnig að góðu kunnur. Fáir hafa
skilið eftir sig slíkan slóða Óskars-
og annarra verðlauna og aðsókn-
armynda og hann. Kvikmynda-
tökustjóri er Dante Spinotti og
tónlist semur Christopher Young,
sem þykir einn sá flinkasti í faginu
er kemur að gerð spennumynda og
hrolla.
Leikarar: Bruce Willis (Die Hard I. II.
og III., Pulp Fiction, The Sixth
Aense); Billy Bob Thornton (Sling
Blade, One False Move, U-Turn, Prim-
ary Colors, A Simple lan, The Man
Who Wasn’t There); Cate Blanchett
(Oscar and Lucinda, Elizabeth, The
Talented Mr Ripley, The Gift). Leik-
stjóri: Barry Levinson (Diner, Good
Morning, Vietnam, Tin Men, Avalon,
Rain Man, Wag the Dog). Kvikmynda-
tökustjóri: Dante Spinotti (L.A. Con-
fidential, The Insider, The Last of the
Mohicans). Tónskáld: Christopher
Young (Hellraiser, Murder in the
First, The Dark Half).
Kata, Bruce og Billy Bob
Smárabíó og Regnboginn og Borgarbíó
Akureyri, frumsýna Bandits, með Bruce
Willis, Billy Bob Thornton og Cate
Blanchett.
Billy Bob Thornton og Bruce Willis í kvikmyndinni Bandits.
SUMAR sögur eru sagðar oftar
en aðrar. Í kvikmyndabransanum
er sagan af fólki sem freistar þess
að bæta kjör sín með því að kom-
ast yfir tösku fulla af peningum
með vafasömum hætti t.d. sögð aft-
ur og aftur. Þegar lagt er upp með
slíkt söguefni snýst málið frekar
um það að finna upp á einhverju til
að bæta við hina margsögðu sögu
en að segja hana vel. Breski gam-
antryllirinn High Heels and Low
Lifes (Háir hælar og ólifnaður)
leggur einmitt í slíkar endurbætur.
Þar segir frá vinkonum búsettum í
Lundúnum, sem sjá ekki fram á
bjarta tíð í sínum láglaunastörfum.
Shannon (Minnie Driver) er sam-
viskusöm hjúkrunarkona en Franc-
es (Mary McCormack) atvinnulaus
leikkona frá Ameríku. Kvöld eitt
verða þær óbeint vitni að banka-
ráni og ákveða að freista þess að
ná sér í hluta ránsfjárins með fjár-
kúgunaraðferðinni. Stendur m.a. til
að ánafna hinu fjársvelta sjúkra-
húsi sem Sharon vinnur á stóran
hluta ágóðans. Verkið reynist hins
vegar ekki eins auðsótt og til stóð í
fyrstu.
Það sem þessi mynd hefur til að
bera er skemmtilegur húmor og fín
frammistaða Minnie Driver og
Mary McCormack í hlutverki að-
alpersónanna. Þannig er reynt að
hressa upp á gamla tuggu með því
að setja föngulegar ungar konur í
hlutverk hinna ævintýragjörnu ný-
glæpamanna, en að öðru leyti er
myndin aðeins léleg útgáfa af
dæmigerðri glæpa-lausnarfjár-
mynd. Þó svo að sagan sé sögð
undir formerkjum gamanmyndar
er veruleikastuðullinn of hár til
þess að afsaka einfeldningsskap
handritsins. Um leið er kvikmynd-
in dæmigerð afþreyingarmynd að
því leyti að manni leiðist aldrei yfir
henni. Leikstjórinn Mel Smith
(sem m.a. leikstýrði Mr. Bean-
myndinni Bean) virðist hafa nokk-
uð gott nef fyrir gamansemi. Ef
horft er framhjá fáránleika at-
burðarásarinnar má því vel hafa
gaman af þessari kvikmynd.
KVIKMYNDIR
Sambíóin Kringlunni,
Snorrabraut
Leikstjóri: Mel Smith. Handrit: Kim Fuller
og Georgia Pritchett. Aðalhlutverk:
Minnie Driver og Mary McCormack. Sýn-
ingartími: 85 mín. Bretland/Bandaríkin.
Buena Vista International, 2001.
HIGH HEELS AND LOW LIFES
(HÁIR HÆLAR OG ÓLIFNAÐUR) Margsögð
saga
Heiða Jóhannsdóttir
BRESK, nútímaleg spennumynd,
gerist í heimavistarskóla, byggð á
metsölubókinni The Hole, eftir Guy
Burt. Fjórir, breskir táningar. tveir
drengir og tvær stúlkur, hverfa úr
dýrum einkaskóla. Aðeins Liz
(Thora Birch), kemst lífs af, illa á
sig komin, blóðug og brotin og hef-
ur hroðalega sögu að segja.
Fljótlega kemur í ljós að andlegt
ástand hennar er það tæpt að erfitt
er að greina staðreyndir frá hugar-
órum.
Eftir stendur að þrír unglingar
eru horfnir og dr. Philippa Hor-
wood (Embeth Davidtz), réttarsak-
sóknari, er ákveðin í að komast til
botns í málinu. Er hún fær Liz til að
rifja upp atburðina, kemur í ljós að
áður en hörmungarnar skullu yfir,
var stúlkan yfir sig hrifinn af Mike
(Desmond Harrington), ofursvölum
nemanda, syni bandarískrar rokk-
stjörnu. Hjálp berst sála úr óvæntri
átt. Tölvufíkillinn og skólaviðundrið
Martin (Daniel Brocklebank), sem
er fársjúkur af óendurgoldinni ást
til Liz, hefur sett upp gildru til að
nálgast Liz, og ná sér niðri á syni
rokkstjörnunnar. Gabbar þau í neð-
anjarðarbyrgi þar sem atburða-
rásin fer fljótlega úr böndunum.
Unglingaástir geta tekið óvænta
og viðsjárverða stefnu. Ungdómur-
inn hefur jafnan takmarkaðan
áhuga fyrir reynslu hinna eldri og
skellir skollaeyrunum við ábending-
um þeirra og umhyggjusemi. Gríp-
ur frekar til ráða sem leiða hann á
villigötur, jafnvel útí alvarlega
glæpi, líkt og í The Hole.
Bókin hefur notið „cult“-fylgis
meðal yngri aldurshópa, en höfund-
urinn var aðeins 17 ára er hann lauk
við þetta umtalaða byrjendaverk.
Leikstjórinn, Nick Hamm, varð
mjög hrifinn eftir lestur hennar, ár-
ið 1993, og ákvað þá þegar að kvik-
mynda verkið. Hann er álitinn væn-
legasti, ungi sviðsleikstjórinn við
The Royal Shakespeare Company
og hefur gert nokkrar sjónvarps-
myndir og stuttmyndir. Sér til full-
tingis fékk hann Thoru Birch, hina
þaulreyndu, fyrrum barnastjörnu,
til að taka að sér vandasamt og
veigamikið aðalhlutverk eftirlifend-
ans Liz.
Leikarar: Thora Birch (Paradise,
Patriot Games, Clear and Present
Danger, American Beauty);
Desmond Harrington
(The Messenger, The Boiler Room);
Daniel Brocklebank
(Shakespeare in Love, The Criminal).
Leikstjóri: Nick Hamm
(Martha – Meet Daniel,
Frank and Laurence).
Atburðirnir
í byrginu
Sambíóin frumsýna The Hole, með
Thoru Birch, Desmond Harrington,
Daniel Brocklebank, Keira Knightley.
Úr kvikmyndinni The Hole.
SYSTKININ, táningarnir Trisha
(Gina Philips) og Darry (Justin
Long), eru á leið heim í langþráð frí úr
skólanum. Bruna eftir fáförnum þjóð-
veginum á rosknu og virðulegu trylli-
tæki; Chevrolet Impala, komnu á
fimmtugsaldurinn. Skyndilega er
friðurinn úti, eitt ljótasta og illúðleg-
asta farartæki sem sést hefur birtist í
baksýnisspeglinum. Djöflast framúr
þeim og systkinin fylgjast með er það
beygir út af veginum og staðnæmist
við kirkju, sem er í niðurníðslu. Und-
an stýri kemur einhver ófögnuður,
tekur vel innvafinn og -bundinn,
ílangan pakka, og varpar niður um op
við kirkjuna. Trisha og Darrry snúa
við til að kanna málið, er bíllinn er aft-
ur horfinn á braut. Darry hrapar nið-
ur um gáttina og lendir í kirkjukjall-
aranum, fullum af innpökkuðum,
afskræmdum líkum.
Til þessa hefur Jeepers Creepers
lofað góðu. Full af óhugnaði og and-
styggilegri spennu. Síðan taka þessi
geðugu ungmenni að haga sér eins og
hreinræktaðir fávitar og efnisþráður-
inn breytist í illa gerða, einkum skrif-
aða, endaleysu. Löggan er úti á þekju,
skyggn kona og önnur, léttgeggjuð
kattakona (gamla góða Eileen Brenn-
an), eru óþarfar og hrikalega hroð-
virknislegar aukapersónur sem eiga
að varpa dulúðgum blæ á framvind-
una, en vikta ekki gramm. Smám
saman stendur manni gjörsamlega á
sama um hversu hroðaleg örlög bíða
söguhetjanna, vonar að þetta ófélega
afstyrmi, ökuþór hryllingsbílsins,
ljúki þvælunni af sem fyrst. Myndin
er vel tekin og lúrir á örfáum, góðum
töktum. Því hefur maður enn á tilfinn-
ingunni að Victor Salva (Powder),
geti gert betur.
Á varasöm-
um vegum
KVIKMYNDIR
Háskólabíó, Sambíóin
Leikstjóri og handritshöfundur: Victor
Salva. Tónskáld Bennett Salvay. Kvik-
myndatökustjóri: Don E. Fauntleroy. Að-
alleikendur: Gina Philips, Justin Long, Ei-
leen Brennan, Jonathan Brennan,
Patricia Belcher. Sýningartími 90 mín.
Bandarísk. Para. 2001.
JEEPERS CREEPERS Sæbjörn Valdimarsson
Gjafavara – matar- og kaffistell .
All ir verðflokkar.
- Gæðavara
Heimsfrægir hönnuðir
m.a. Gianni Versace.
VERSLUNIN
Laugavegi 52, s. 562 4244.