Morgunblaðið - 07.12.2001, Blaðsíða 20

LANDIÐ
20 FÖSTUDAGUR 7. DESEMBER 2001 MORGUNBLAÐIÐ
FRAMKVÆMDIR við nýja skíða-
lyftu á skíðasvæðinu í Skarðsdal á
Siglufirði eru komnar á lokastig.
Lyftan sem verður rúmir 500 metr-
ar að lengd er viðbót við tvær aðrar
lyftur á svæðinu og neðsta mastur
hennar er í um 520 metra hæð. Hún
verður staðsett á svokölluðum
Siglufjarðarhálsi eða á „Bungunni“
eins og svæðið er stundum kallað.
Með þessari viðbót aukast mögu-
leikar til keppnishalds til mikilla
muna, auk þess sem öll aðstaða fyr-
ir hinn almenna skíðamann batnar
verulega. Eftir að lyftan verður tek-
in í notkun verður um að ræða sam-
fellda skíðabrekku sem er um 2
kílómetrar að lengd. Það hefur
vantað tilfinnanlega lyftu á efra
skíðasvæðið til þess að nýta þær
skíðabrekkur sem möguleiki er á
þar. Þetta gefur líka aukið svigrúm
til meiri nýtingar á skíðasvæðinu á
snjóléttum vetrum, þar sem snjó-
söfnun á efra svæðinu er mun
tryggari en á því neðra, enda nær
nýja lyftan í allt að 700 metra hæð.
Fulltrúar Veðurstofu Íslands
hafa gert úttekt á svæðinu með til-
liti til snjóflóðahættu og gáfu leyfi
til að hefja framkvæmdir. Steypu-
vinna og annað við undirbúning
lyftunnar hefur að miklu leyti verið
unnið í sjálfboðavinnu. Áformað er
að allri steypuvinnu ljúki nú fyrir
áramótin, en lyftan sjálf verði reist
eftir áramót og síðan vígð á 82 ára
afmæli félagsins hinn 8. febrúar
2002.
Á árinu 2003 er áformað að auka
aðstöðu skíðafólks með því að reisa
frekari þjónustumannvirki á svæð-
inu. Það er markmið skíðafélagsins
að endurreisa Siglufjörð sem skíða-
miðstöð á Íslandi á næstu árum.
Formaður Skíðafélags Siglufjarðar
er Guðný Helgadóttir.
Framkvæmdir á loka-
stigi við skíðalyftu
Morgunblaðið/Halldór Halldórsson
Siglufjörður
AÐVENTUTÓNLEIKAR kirkju-
kórs Húsavíkurkirkju voru haldn-
ir að venju fyrsta sunnudag í að-
ventu. Vel var mætt til kirkju,
undirtektir áheyrenda voru góðar
og tónleikarnir þóttu takast með
miklum ágætum.
Stjórnandi kórsins er Judit
György og undirleikari á tónleik-
unum var eiginmaður hennar
Aladár Rácz, hann spilaði bæði á
orgel og píanó á þessum tón-
leikum.
Auk þess að stjórna kórnum
söng Judit einnig, með Hólmfríði
Benediktsdóttur Ave Maria og
með Baldri Baldvinssyni Ó, helga
nótt. Hólmfríður og Baldur sungu
einnig með kórnum. Adrienne D.
Davis lék á flautu á tónleikunum
ásamt því að syngja með kórnum,
Sr. Sighvatur Karlsson sókn-
arprestur flutti ritningarlestur og
bæn.
Hefð er komin fyrir því að
ljúka aðventutónleikunum með
því að viðstaddir fara saman með
Faðirvorið og að því loknu syngja
kirkjugestir Heims um ból með
kórnum. Ljós í kirkjunni voru
slökkt og kórfélagar héldu á
kertaljósum meðan sálmurinn var
sunginn. Með þessu myndaðist
friðsæl hátíðarstemmning í þessu
fallega guðshúsi sem Húsavík-
urkirkja er og fylgdi hún þakk-
látum kirkjugestum út í kvöld-
húmið.
Morgunblaðið/Hafþór Hreiðarsson
Kirkjukór Húsavíkurkirkju á aðventutónleikum.
Vel heppnaðir
aðventutónleikar
Húsavík
NÝLEGA var haldinn fyrsti sam-
ráðsfundur félagsmálanefnda Siglu-
fjarðar, Ólafsfjarðar og Dalvíkur.
Fundurinn var haldinn á Ólafsfirði,
en í kjölfar breyttrar kjördæma-
skiptingar er ljóst að auka þarf sam-
vinnu með starfsnefndum sveitarfé-
laganna á svæðinu. Bættar sam-
göngur með tilkomu jarðganga á
milli Siglufjarðar og Ólafsfjarðar
munu einnig kalla á hugsanlega sam-
einingu sveitarfélaga við vestanverð-
an Eyjafjörð.
Ný lög um barnaverndarnefndir
munu einnig stuðla að því að aukin
samvinna og jafnvel sameining
barnaverndarnefnda verður nauð-
synleg. Á fundinum voru þessi mál
rædd frá ýmsum hliðum og er ljóst
að fullur grundvöllur og vilji er með-
al nefndarmanna að auka þetta sam-
starf strax á næstunni, og hefja við-
ræður um hugsanlega sameiningu
þessara málaflokka.
Félagsmálastjóri Siglufjarðar er
Hjörtur Hjartarson, en Halldór Guð-
mundsson er félagsmálastjóri bæði
Dalvíkurbyggðar og Ólafsfjarðar.
Morgunblaðið/Halldór Þ. Halldórsson
Frá samráðsfundinum, í ræðustól er Halldór Guðmundsson.
Félagsmála-
nefndir funda
Ólafsfjörður
NEMENDUR Húnavallaskóla héldu
árshátíð sína um síðustu helgi. Dag-
skráin var fjölbreytt og var auðséð
að vel var vandað til verka því sál
var í hverju atriði. Stærsti dag-
skrárliður hátíðarinnar var leikrit
sem nefndist uppreisn Öskubusku
og nálguðust krakkarnir hið gam-
alkunna ævintýri á afar skemmti-
legan og nýstárlegan hátt.
Jón Bjarnason formaður stjórnar
Kaupfélags Húnvetninga (KH)
færði skólanum stafræna myndavél
að gjöf frá Menningarsjóði KH.
Þorkell Ingimarsson skólastjóri
þakkaði fyrir þessa höfðinglegu
gjöf og sagði að hún ætti vafalaust
eftir að koma sér vel.
Að loknum skemmtiatriðum og
veitingum var stiginn dans fram
eftir nóttu. Í tengslum við árshátíð-
ina var gefið út viðamikið og vand-
að skólablað, Grettistak, og er þetta
þrettándi árgangur blaðsins.
Morgunblaðið/Jón Sig.
Leikið og dansað á árs-
hátíð Húnavallaskóla
Blönduós