Morgunblaðið - 09.07.2002, Blaðsíða 16

SUÐURNES
16 ÞRIÐJUDAGUR 9. JÚLÍ 2002 MORGUNBLAÐIÐ
Skógarhlíð 18, sími 595 1000.
www.heimsferdir.is
Stökktu til
Rimini
18. júlí
frá kr. 39.663
Verð kr. 49.750
M.v. 2 í íbúð, 18. júlí, vikuferð.
Flug og gisting, skattar.
Staðgreitt. Alm. Verð kr. 52.240.
Ótrúlegt tilboð á síðustu sætunum til Rimini þann 18. júlí í eina eða
tvær vikur. Sumarið er komið og yndislegt veður á þessum vinsæla
áfangastað Íslendinga. Þú bókar núna, og tryggir þér síðustu sætin, og
fjórum dögum fyrir brottför hringjum við í þig og tilkynnum þér hvar
þú býrð. Og að sjálfsögðu nýtur þú
traustrar þjónustu fararstjóra
Heimsferða allan tímann.Verð kr. 39.663
M.v. hjón með 2 börn, 2-11 ára.
Flug, gisting, skattar, 18. júlí, 1 vika.
Staðgreitt. Alm. verð kr. 41.650.
AKUREYRI
BÍLABÆNIN á þrjátíu ára afmæli
nú í sumar, en það var sumarið 1972
sem Jón Oddgeir Guðmundsson á
Akureyri gaf bænina fyrst út.
„Hún fékk strax mjög góðar mót-
tökur og útgáfan hefur gengið mjög
vel. Bílabænin hefur á þessum þrem-
ur áratugum selst í tugum þúsunda
eintaka,“ sagði Jón Oddgeir. Í bíla-
bæninni er fjallað um ábyrgð öku-
manna og sagði Jón Oddgeir að text-
inn hefði fengið góð viðbrögð, „hann
virðist falla mönnum vel í geð.“
Hvatinn að því að Jón Oddgeir hóf
útgáfu bílabænar var sá að hann
byrjaði rekstur símsvarans Orðs
dagsins fyrir röskum 30 árum, árið
1970. Þá var fyrirkomulag með
þeim hætti að Landssíminn átti sím-
svarann og þurfti að greiða af hon-
um sérstakt afnotagjald. „Ég byrj-
aði því á þessari útgáfu til að
fjármagna Orð dagsins,“ sagði Jón
Oddgeir, en fyrirmynd bílabæn-
arinnar kemur frá Englandi. Að
jafnaði eru um 20 hringingar í Orð
dagsins á hverjum degi, en þeim
fjölgar mjög þegar eitthvað bjátar á
í þjóðfélaginu. Þá sé greinilegt að
fólk leiti sér huggunar með því að
hlusta á Guðs orð.
Jón Oddgeir sagði að sala á bíla-
bæninni væri nokkur árið um kring
og margir til að mynda gæfu ungum
ökumönnum bænina um leið og þeir
fengju bílpróf. Áberandi mest sala
væri þó yfir sumarmánuðina og eins
á þeim tíma þegar slysaalda hefur
riðið yfir líkt og síðustu vikur.
„Ég veit til þess að bílabænin hef-
ur áhrif á ökumenn. Þeir minnast
ábyrgðar sinnar og aka hægar og þá
hefur hún einnig haft þau áhrif á
suma ökumenn að þeir fara með
sína eigin bæn áður en haldið er út í
umferðina,“ sagði Jón Oddgeir.
Hann reisti fyrir fáum árum stórt
skilti þar sem minnt er á bílabænina.
Þá gaf hann á liðnu ári út sjóferð-
arbæn, en hana samdi hr. Sig-
urbjörn Einarsson biskup. Þá má
nefna að Jón Oddgeir hefur einnig
gefið út dagatalið „Orð Guðs í dags-
ins önn“ með ritningarorðum úr
Biblíunni fyrir hvern dag ársins
ásamt útskýringum. Hver dagur er
ekki sérstaklega merktur þannig að
unnt er að nota dagatalið ár eftir ár.
Loks má nefna að Jón Oddgeir hefur
einnig gefið út litlar öskjur með
ritningarorðum úr biblíunni á um
200 spjöldum hvar á eru valin vers.
Askjan hefur verið gefin út 5 sinnum
frá því hún fyrst kom á markað árið
1984.
Hefur gefið bílabænina út í þrjátíu ár
Ökumenn minnast
ábyrgðar sinnar
Morgunblaðið/Kristján
Jón Oddgeir Guðmundsson er að sjálfsögðu með bílabæn í sínum bíl.
KRISTÍN Eiríksína Ólafsdóttir varð
101 árs sl. laugardag. Hún fæddist á
Nefstöðum í Fljótum 6. júlí 1901 en
ólst upp í Flókadal til 12 ára aldurs
þegar hún fluttist með foreldrum sín-
um til Siglufjarðar. Foreldrar hennar
voru hjónin Björg Halldórsdóttir og
Ólafur Eiríksson. Kristín býr nú á
Dvalarheimilinu Hlíð á Akureyri.
Kristín lærbrotnaði í lok janúar sl.
og hún sagðist í samtali við Morg-
unblaðið ekki enn hafa náð sér af
þeim meiðslum og nánast verið við
rúmið síðan. Hún dvaldi á Kristnes-
spítala eftir slysið og þar til hún kom
á Hlíð fyrir um þremur vikum. Krist-
ín sagðist að öðru leyti við þokkalega
heilsu. Hún fer á fætur og kemst um í
göngugrind. Kristín sagði að þótt
haldið hefði verið upp á afmælið á
laugardaginn hefði nú verið meira
um að vera á 100 ára afmælinu í
fyrra. „Hér var þó nóg af fólki á laug-
ardaginn og mér líður alveg afskap-
lega vel með fólki, sem er mér svo
gott.“
Kristín giftist Jóni Pálssyni, tré-
smiði frá Arnarnesi í Arnarnes-
hreppi, árið 1922 og eignuðust þau
tvö börn. Jón lést árið 1972. Þau hjón-
in keyptu húsið í Aðalstræti 32 á Ak-
ureyri og þar bjó Kristín í nær 80 ár,
eða þar til hún slasaðist í vetur. Þar
bjó einnig Jóhanna Þóra Jónsdóttir,
sem varð 102 ára í vetur en hún er
einnig flutt á Dvalarheimilið Hlíð.
Kristín og Jóhanna bjuggu undir
sama þaki í Aðalstræti í 67 ár.
Morgunblaðið/Rúnar Þór
Kristín
Ólafsdóttir
101 árs
FRAMKVÆMDIR hófust í gær við
lagningu hitaveitu á kaflanum frá
Knarrarbergi og norður að Eyrar-
landi í Eyjafjarðarsveit.
Norðurorka skrifaði undir samn-
ing við Vinnuvélar Símonar Skarp-
héðinssonar ehf. á Sauðárkróki um
verkefni þetta fyrir helgina. Fyrir-
tækið átti lægsta tilboð í verkið.
Kostnaðaráætlun Norðurorku hljóð-
aði upp á 10,7 milljónir króna en til-
boð Sauðkrækingana hljóðaði upp á
tæpar 7 milljónir króna, eða 65% af
kostnaðaráætlun.
Alls bárust fimm tilboð í verkið og
voru fjögur þeirra undir kostnaðar-
áætlun verkkaupa. Um er að ræða
lagningu hitaveitu frá Knarrarbergi
og norður að Eyrarlandi, sem fyrr
segir, og að sögn Franz Árnasonar,
framkvæmdastjóra Norðurorku, eru
um 30–40 býli og íbúðarhús á því
svæði. Hann sagði framkvæmdum
eiga að vera lokið fyrir 1. október nk.
Hitaveitufram-
kvæmdir að hefjast
BÆJARRÁÐ Grindavíkur hefur
ákveðið að hafna öllum umsóknum
um starf upplýsinga-, markaðs- og
ferðamálafulltrúa, endurskoða
starfslýsingu og auglýsa starfið á
nýjum forsendum. Maður verður
lausráðinn fram til hausts til að
sinna hluta af þessum verkefnum.
Eftir að ferðamála- og markaðs-
fulltrúi Grindavíkur lét af störfum
fyrr á þessu ári ákvað bæjarstjórn
að breyta starfinu og var auglýst
eftir umsóknum í stöðu upplýsinga-,
markaðs- og ferðamálafulltrúa. 35
umsóknir bárust. Hefur verið rætt
við nokkra umsækjendur á und-
anförnum vikum.
Á síðasta fundi bæjarráðs
Grindavíkur samþykktu fulltrúar
nýs meirihluta Samfylkingar og
Sjálfstæðisflokks að hafna öllum
umsóknum, endurskoða starfslýs-
ingu og auglýsa starfið á nýjum for-
sendum. Fulltrúi Framsóknar-
flokks, Hallgrímur Bogason,
greiddi atkvæði á móti og lét bóka
að þar sem í hópi umsækjenda væri
fjöldi mjög hæfra einstaklinga til að
taka verkefnið að sér vildi hann
mótmæla því að ferðaþjónustan í
Grindavík væri látin gjalda ósam-
lyndis meirihlutans í málefnum
hennar.
Ómar Jónsson, formaður bæjar-
ráðs, sagði í samtali við Morgun-
blaðið að vissulega hefði verið mikið
af hæfu fólki í hópi umsækjenda.
Hins vegar hefði komið í ljós að
skilgreining á starfinu og kröfur til
umsækjenda mætti vera markviss-
ari. Lætur hann í ljósi þá skoðun að
allt of mörg og mismunandi verk-
efni hefðu verið felld undir þetta
starf. Því hefði verið ákveðið að
skilgreina það upp á nýtt svo
starfsmaðurinn nýttist betur í þágu
ferðamála.
Ómar segir að nú sé stefnt að því
að lausráða mann fram til hausts til
þess að sinna ferðamálunum og
vinna að opnun Saltfiskseturs Ís-
lands sem fyrirhuguð er í byrjun
september.
Auglýsa starfið á
nýjum forsendum
Grindavík
Bæjarstjórn ákveður að hafna 35 um-
sóknum um starf ferðamálafulltrúa
HVÍTASUNNUKIRKJAN í
Keflavík stóð fyrir gospel-hátíð í
Reykjanesbæ sl. föstudagskvöld.
Hátíðin fór að mestu fram utan-
dyra og setti veðrið nokkurt
strik í reikninginn, ásamt því að
helgin var ein mesta ferðahelgi
ársins.
Gospel-tónlist var fyrirferð-
armest á hátíðinni og greinilegt
að trúarlegir tónlistarmenn leita
fanga í öllum tónlistarstefnum.
Hátíðin byrjaði á því að tvær
ungar stúlkur sýndu rappdans
en að því loknu steig hljóm-
sveitin Zoe á svið og flutti rokk
sem unga fólkið kunni greini-
lega að meta. Hljómsveitin God-
speed kom einnig fram og fluttir
voru gamanþættir og drama.
Ekki viðraði vel til útiskemmt-
unar í Reykjanesbæ á föstudag
en þegar blaðamaður hafði sam-
band við Hvítasunnukirkjuna
sögðu forsvarsmenn hennar
ekki koma til greina að fresta
hátíðinni þar sem búið væri að
hafa of mikið fyrir henni. Gestir
voru þó færri en vonast var eftir
en nokkuð var um að fólk sæti í
bílum sínum og fylgdist með
þaðan. Þeir áhugasömustu
stilltu sér upp fyrir framan svið-
ið og héldu á sér hita með því að
hreyfa sig í takt við tónlistina og
klappa hressilega þess á milli.
Dönsuðu sér til hita
Keflavík
Morgunblaðið/Svanhildur Eiríksdóttir
NOKKUÐ var um útköll í heimahús
í umdæmi lögreglunnar í Keflavík
um helgina og tengjast líkamsmeið-
ingar þeim útköllum, en ekki liggja
fyrir formlegar kærur.
Aðfaranótt sunnudagsins, milli
klukkan fjögur og fimm um nóttina,
var tilkynnt um mann liggjandi í
jörðinni við veitingahúsið Strikið í
Grófinni í Keflavík, þar sem Casino-
næturklúbburinn er, og talið að hann
hefði lent í átökum. Þá var einn flutt-
ur á sjúkrahús frá sama stað eftir að
hafa slegið hendi í gegnum rúðu
þannig að hann skarst illa.
Slagsmál við
næturklúbb
Keflavík
ELDUR kviknaði í ruslafötu á svöl-
um við mötuneyti starfsfólks í risi
verslunarhúss Samkaupa í Njarðvík
rétt fyrir klukkan þrjú í gær. Elds-
upptök eru í rannsókn en líklegast er
talið að glóð frá tóbaki hafi kveikt
eldinn.
Vegfarendur létu vita um eldinn.
Starfsfólk verslunarinnar var búið
að slökkva eldinn með handslökkvi-
tækjum þegar slökkviliðsmenn frá
Brunavörnum Suðurnesja komu á
vettvang. Samkvæmt upplýsingum
lögreglunnar í Keflavík urðu litlar
sem engar skemmdir á húsinu.
Reykur í
Samkaupum
Njarðvík
♦ ♦ ♦
♦ ♦ ♦