Morgunblaðið - 09.07.2002, Blaðsíða 50

FÓLK Í FRÉTTUM
50 ÞRIÐJUDAGUR 9. JÚLÍ 2002 MORGUNBLAÐIÐ
06. 07. 2002
12
5 3 1 4 3
3 7 6 0 5
16 17 26 31
29
03. 07. 2002
2 8 14
15 28 32
18 29
Fyrstu
vinningarnir
fóru til Noregs.
Tvöfaldur
1. vinningur
í næstu viku
Viðkvæmi
nýaldarmorðinginn
(Sensitive New Age Killer)
Spennumynd
Ástralía 2000. Skífan VHS. (90 mín.)
Bönnuð innan 16 ára. Leikstjórn Mark
Savage. Aðalhlutverk Kevin Hopkins,
Paul Modor.
ÁSTRALAR virðast einstaklega
hændnir að kaldhæðninni. Í það
minnsta gera þeir áberandi mikið af
myndum þar sem húmorinn er með
kaldranalegra móti. Það næða vissu-
lega kaldir vindar um þessa mynd, en
hún er þó ekki sú fyrsta sem tekur á
slíkan hátt á starfi
leigumorðingjans.
Hér er hann ham-
ingjusamur fjöl-
skyldumaður sem
lifir tvöföldu lífi,
slátrar manni og
öðrum og kemur
svo við í Bónus og
kaupir í matinn á
heimleiðinni. En
hér eru efnistök alltof klaufaleg til að
smellin geti talist. Þótt ástríkur faðir
sé vinnur hann engan veginn þá sam-
úð manns sem til er ætlast. Fyrst og
fremst vegna þess að meint togstreita
hans og iðrun nær engan veginn að
sannfæra mann og þetta kúgaða sam-
band hans við kynóða lögreglukonu
hjálpar þar lítið til.
En það má glotta nokkrum sinnum
út í annað yfir fáránlegum aðstæðum
sem leigumorðinginn lendir í og fyrir
sérstaka unnendur kuldalegrar kímni
kann þessi því að vera ákjósan-
leg. Skarphéðinn Guðmundsson
Myndbönd
Vísitölu-
morðingi
Rúntað með strákum
(Riding in Cars with Boys)
Drama
Bandaríkin 2001. Skífan VHS/DVD.
(130 mín.) Bönnuð innan 12 ára. Leik-
stjórn Penny Marshall. Aðalhlutverk
Drew Barrymore, Steve Zahn, James
Woods.
ÞESSI afdrifaríka uppvaxtarsaga
er byggð á samnefndri sjálfsævisögu
rithöfundarins Beverly „Bev“ Don-
ofrio en hún varð metsölubók er hún
kom fyrst út 1998. Bev er af almúga-
fólki komin, ólst upp í smábæ í Conn-
ecticut, dóttir löggu og húsmóður.
Ung sýndi hún rit-
hæfni og dreymdi
um að ganga
menntaveginn,
verða eitthvað, eins
og Kanarnir tala
gjarnan um. Því
varð hún fyrir
miklu áfalli er hún
varð vanfær ein-
ungis 15 ára gömul eftir kærulausa
nótt með góðhjörtuðum en vonlaus-
um 18 ára gaur. Í örvæntingu gera
þau hið eina rétta, láta pússa sig
saman, og hefja sambúð sem frá
upphafi virðist dæmd til að enda með
ósköpum. Og það gerist því þrátt
fyrir að vera góður faðir er eigin-
maðurinn ónytjungur hinn mesti,
vanþroskaður og tillitslaus við Bev
sem reynir hvað hún getur til að láta
drauminn rætast, ganga menntaveg-
inn, með barn upp á arminn.
Drew Barrymore hefur það
vandasama verk að leika Bev á 20
ára aldursskeiði og ferst bara býsna
vel úr hendi. Zahn er og fantagóður
að vanda og tekst á einhvern óskilj-
anlegan máta að vinna samúð með
vonleysingjanum. Þetta er því hið
ágætasta drama, full langdregið
kannski, en ósérhlífið og mann-
legt.
Með köku í
maganum
Skarphéðinn Guðmundsson
TÓNLISTARMAÐURINN Moby
játaði í viðtali á dögunum að hafa
byrjað að fikta við eitur-
lyf þegar hann var tíu ára
til að sýnast svalur fyrir
félögum sínum. Hann
segist þó hafa steinhætt
allri neyslu þegar hann
var á þrettánda ári.
Í viðtali við Radio Tim-
es sagði Moby meðal ann-
ars:
„Við reyktum hass og
tókum einhverjar pillur
sem vinur minn átti.
Hann fékk þær hjá systur sinni sem
átti að taka þær við einhverjum geð-
sjúkdómi. Þetta var mín leið til að
reyna að passa inn í hópinn.“
Moby sneri þó við blaðinu og tók
upp heilsusamlegra líferni þremur
árum síðar. „Ég varð svo hræddur
við afleiðingar neyslunnar. Nokkr-
um árum síðar varð ég svo heilagur
að ég hætti að drekka og borða rautt
kjöt auk þess að vera skírlífur mað-
ur.“
Moby, sem ætíð hefur verið talinn
fremur sérlundaður, ræddi einnig
um sumarfrí og rapparann Eminem í
umræddu viðtali.
Hann sagðist öfunda fólk sem
fyndi hamingjuna í því að fara í frí.
„Ég hef einu sinni farið í sumarfrí
á ævinni. Ég fór til Barbados árið
1996 og eftir þrjá daga var ég orðinn
svo dapur og niðurdreginn að ég tók
fyrstu flugvél heim.“
Moby gafst einnig
tækifæri á að svara gagn-
rýni rapparans Eminem í
sinn garð. „Ég var nú í
raun bara upp með mér
að hann skyldi veita mér
athygli,“ sagði hinn hóg-
væri Moby en bætti við:
„Ég gagnrýndi textana
hans fyrir að vera litaðir
af fordómum í garð sam-
kynhneigðra. Og hann
brást við með því að ráðast á persónu
mína. Hlýtur að teljast athyglisvert
frá sálfræðilegu sjónarhorni.“
Hætti neyslu á
þrettánda ári
Moby nagar
bolinn sinn.
Moby tjáir sig um sumarfrí, eiturlyf og Eminem
EFTIRLIFANDI liðsmenn
hinnar fornfrægu hljómsveitar
The Doors hafa nú ákveðið að
fara í tónleikaferð, meira en
þremur áratugum eftir fráfall
söngvarans Jims Morrisons. Í
hans stað mun koma Ian Ast-
bury, söngvari bresku sveitar-
innar The Cult, sem var upp á
sitt besta fyrir rúmum áratug.
Hljómborðsleikarinn Ray
Manzarek, gítarleikarinn
Robby Krieger og trommarinn
John Densmore hafa einnig
verið að semja lög fyrir fyrstu
plötu sveitarinnar frá 1972.
Fyrstu tónleikar ferðarinnar
verða í Kaliforníu í september
og verða a.m.k. Manzarek og
Krieger til í slaginn en óvíst er
þó með þátttöku Densmore
sem hefur átt við heilsubrest að
stríða. Síðan taka við fleiri tón-
leikar á næsta ári.
The Doors hefur einungis
komið tvisvar fram síðan hún
hætti 1973; þegar hún fékk inn-
göngu í Frægðarhöll rokksins
1993 og í sjónvarpsþætti fyrir
VH1 stöðina á síðasta ári.
The Doors á
tónleikaferðÍÞRÓTTIR