Morgunblaðið - 09.07.2002, Blaðsíða 18
LANDIÐ
18 ÞRIÐJUDAGUR 9. JÚLÍ 2002 MORGUNBLAÐIÐ
Hitamælar
Við mælum með
Fiskislóð 26 · Sími: 551 4680 · Fax: 552 6331
www.sturlaugur.is
i i l í i
l i
Fiskislóð 26 Sími: 551 4680
www.sturlaugur.is
Stærðfræðinámskeið
fyrir þá sem eru að byrja í háskóla
Tilgangur námskeiðsins er að undirbúa þátttakendur undir
árangursríkt háskólanám. Farið er vandlega yfir öll mikilvægustu
atriðin í námsefni framhaldsskólanna og algeng verkefni leyst.
Námskeiðið hefst laugard. 13. júlí og lýkur laugard. 17. ágúst.
Kennt er alla laugardaga frá kl. 13-16.30.
Nánari upplýsingar og skráning í síma 551 5593.
Tölvu- og stærðfræðiþjónustan
Brautarholti 4a, Reykjavík.
Vertu með og tryggðu þér forskot!
Vel menntaðir og vanir kennarar.
SKÚLI Þórðarson hefur verið
ráðinn sveitarstjóri í Húnaþingi
vestra, en hann hefur verið bæj-
arstjóri á Blönduósi sl. átta ár.
Skúli er fæddur og uppalinn á
Hvammstanga, sonur Þórðar
Skúlasonar fv. sveitarstjóra á
Hvammstanga og Elínar Þor-
móðsdóttur. Skúli lauk prófi í
stjórnmálafræðum í Háskóla Ís-
lands árið 1991, vann í félags-
málaráðuneytinu og sem fram-
kvæmdastjóri Samtaka
sveitarfélaga á Norðurlandi
vestra þar til hann flutti til
Blönduóss 1994.
Skúli er giftur Sigurbjörgu
Friðriksdóttur og eiga þau tvær
dætur.
Verður sveit-
arstjóri í
Húnaþingi
vestra
Hvammstangi
NEFND á vegum menntamála-
ráðuneytisins, undir forystu þjóð-
minjavarðar, vinnur nú að stefnu-
mótun um málefni minjasafna í
landinu, þ.e. safnastefnu á sviði
þjóðminjavörslu. Undanfarið hefur
Margrét Hallgrímsdóttir þjóð-
minjavörður heimsótt minjasöfn
víða um landið og haldið svæða-
fundi um málefni þeirra.
Þjóðminjavörður fundaði í
Minjasafni Austurlands á dögun-
um. Auk forstöðumanna safna á
Austur- og Suð-Austurlandi voru
mættir safnmenn, minjaverðir,
fulltrúar sveitarfélaga, menningar-
fulltrúar og ferðamálafulltrúar.
Í samtali við Morgunblaðið sagði
Margrét að markmið þessara
funda væri að fara með markviss-
um hætti yfir málefni safna og alla
þá þætti í starfsemi þeirra sem
efla þarf sérstaklega. Lögbundið
hlutverk minjasafna er að safna,
skrá, varðveita, og verja. Einnig
að stunda úrvinnslu gagna, miðla
upplýsingum og vinna rannsóknir.
Miðlunarþátturinn er sýnilegastur
út á við, í formi sýninga, safn-
fræðslu, skólafræðslu, leiðsögn
ferðamanna o.fl.
„Í samræmi við ný safnalög var
óskað eftir fulltingi menntamála-
ráðuneytisins til að móta safna-
stefnu í landinu, til þess beinlínis
að efla starfsemi safna,“ sagði
Margrét. „Í fyrra var komið á fót
stýrihópi til að undirbúa þessa
vinnu og í honum sitja fulltrúar
alls staðar að af landinu. Meðal
markmiða okkar er að tengja safn-
astarf á hverjum stað, þannig að
til dæmis sé hægt að sameinast
um verkefni, starfsfólk og nýtingu
fjármagns. Jafnframt þarf að auka
samstarf við aðrar menningar-
stofnanir hérlendis og erlendis. Þá
er brýnt að gera safnastarf mark-
vissara og efla sérkenni hvers
svæðis. Við viljum vita hvaða
væntingar söfnin hafa til Þjóð-
minjasafnsins og efla fagmennsku
almennt á öllum verksviðum
safna.“
Margrét segir að með svæðis-
fundum og framhaldsvinnu með
söfnunum muni hvert safnasvæði
verða skilgreint nákvæmlega og
verkefnum forgangsraðað. Styrk-
leikar og veikleikar verði metnir,
svo sem í sambandi við varðveislu-
hæfi muna og aðstöðu til rann-
sókna, svo eitthvað sé nefnt.
Fundurinn á Egilsstöðum leiddi
í ljós að safnafólk hefur ýmsar
hugmyndir um hver sérkenni
Austurlands í safnalegu samhengi
gætu verið. Meðal þess sem gripið
var á lofti má nefna firði, fjöl-
skrúðug söfn, steinaríkið, vöggu
tækninnar á Seyðisfirði, tröllatrú,
gamlar byggingar, skógrækt,
galdratrú, Kjarval, handverk, eyði-
býli, Jökuldal, Fljótsdalshérað,
Hallormsstaðarskóg og sterk er-
lend samskipti. Lögð var áhersla á
að mikilvægt væri að sýna hluti,
sem ættu uppruna á Austurlandi, í
sínu rétta umhverfi. Koma þyrfti
upp góðri geymsluaðstöðu fyrir
gripi í fjórðungum og menn töldu
einkar mikilvægt að tengja aust-
firsk söfn á einhvern hátt, jafnvel
með minja- eða safnaráði.
Á Austurlandi hafa verið uppi
ýmsar raddir um að fá fornminjar
aftur heim úr fórum Þjóðminja-
safns og sýna þær í sínu rétta um-
hverfi. Hin fræga Valþjófsstaðar-
hurð hefur verið nefnd sem dæmi
um grip sem sýna ætti í Minja-
safni Austurlands. Margrét var að
lokum spurð um hvort grundvöllur
væri fyrir slíku. „Þá þarf að skapa
söfnunum sérstaka aðstöðu til að
geta sýnt gripi sem krefjast góðr-
ar varðveislu og eru viðkvæmir.
Það kostar mikið fé og undirbún-
ing. Einnig ber að hafa í huga að
margir af þessum hlutum eru þjóð-
minjar sem setja þarf í víðara
samhengi en landshlutabundið.“
Unnið að nýrri stefnumót-
un um málefni minjasafna
Morgunblaðið/Steinunn Ásmundsdóttir
Margrét Hallgrímsdóttir þjóðminjavörður var nýlega á fundi í Minja-
safni Austurlands. Nú er unnið að stefnumótun um málefni allra minja-
safna í landinu með fulltingi menntamálaráðuneytis og safnafólks.
Egilsstaðir
SEX umsækjendur eru um sveitar-
stjórastöðuna í Breiðdalshreppi.
Þeir eru Áróra Jóhannsdóttir,
Reykjavík, Bjarki Már Karlsson,
Hvanneyri, Helga Jónsdóttir, Egils-
stöðum, Sigfús Arnþórsson, London,
Stefán Arngrímsson, Reykjavík og
Sigfríður Þorsteinsdóttir, Akureyri.
Að sögn Lárusar Sigurðssonar
oddvita Breiðdalshrepps verður
gengið frá ráðningu nýs sveitar-
stjóra undir lok næstu viku.
„ÉG HEF miklar taugar til þessa
húss og það er bjart yfir minningum
sem tengdar eru því,“ segir Gunnar
Þórðarson, hljómlistarmaður og
tónskáld, sem fest hefur kaup á
æskuheimili sínu, á Hólmavík, og er
langt kominn með að gera það upp.
„Við fjölskyldan bjuggum í hús-
inu þangað til ég var átta ára gam-
all að við fluttum til Keflavíkur.“
Gunnar segist muna vel veturinn
1949–50 en þá var hann fjögurra
ára gamall. „Snjórinn var þá svo
mikill hérna að húsið fór bók-
staflega í kaf. Við lékum okkur oft á
hól sem var hér öðrum megin við
húsið og umhverfið allt var mikill
ævintýraheimur. Þá man ég að við
fórum stundum á skauta upp í
Borgir, sem svo eru kallaðar, hér
fyrir ofan kauptúnið.
Mér sveið hvað húsið var orðið í
mikilli niðurníðslu og fór að gæla
við þá hugmynd að gaman væri að
láta gera það upp. Ég hugsaði um
það í nokkur ár og lét síðan verða af
því að festa kaup á því fyrir einu og
hálfu ári og sé ekki eftir því þótt
vinnan við endurgerðina hafi verið
mikil. Páll Bjarnason arkitekt hefur
verið mér innan handar við end-
urgerðina, bæði innan húss og utan,
en ég lét meðal annars reisa við-
byggingu við húsið sem þurfti að
vera í sama stíl.“
Gunnar segir vinnuna við húsið
hafa verið meiri en hann gerði sér
grein fyrir í upphafi og að mörgu
að hyggja. „Ég fékk heimamenn
héðan úr Hólmavík sem gerðu við
húsið að utan og skiptu um glugga
og skrautlista. Síðan steyptum við
upp gólfið í kjallaranum sem að
hluta til var moldargólf. Þá hafa
iðnaðarmenn sem ég hef flutt með
mér að sunnan unnið við að setja
upp veggi og klæða húsið að innan
svo og vinir mínir og ættingjar sem
hafa hjálpað mér mikið. Sjálfur er
ég með tíu þumalputta þegar kem-
ur að svona hlutum en ég læt segja
mér fyrir verkum og það eru ótrú-
lega mörg handtök við svona end-
urbyggingu.
Ég ætla að eyða hérna eins mikl-
um tíma og ég get og hlakka til þess
því ég held það sé hverjum manni
hollt að komast úr þéttbýlinu öðru
hverju í friðinn úti á landi.“
Húsið stendur á mjög fallegum
stað í miðju kauptúninu þar sem sér
vel til sjávar. Það var byggt árið
1913 af Guðjóni Jónssyni snikkara.
„Hvaða helv… Axlar-Björn er nú
þetta?“ varð Oddi Jónssyni, lækni á
Reykhólum, að orði þegar hann sá
húsið nýbyggt. Ekki festist það nafn
þó við húsið þótt eldri menn á
Hólmavík kannist við það. Árið
1916 keypti Björn Björnsson, afi
Gunnars, húsið og bjó í því til
dauðadags 1950 en við hann hefur
húsið verið kennt og nefnt, Björns-
hús. Foreldrar Gunnars, Guðrún
Guðbjörnsdóttir og Þórður Björns-
son, bjuggu þar með börnum sínum
til ársins 1953 að þau fluttust til
Keflavíkur eins og fyrr segir.
Gunnar Þórðarson tónlistarmaður er að gera upp Björnshús á Hólmavík
Morgunblaðið/Arnheiður Guðlaugsdóttir
Smiðir og annað hjálparfólk gerðu stutt hlé á vinnu sinni og settust í tröppurnar á Björnshúsi. Í efri röð frá
vinstri sitja Þórður Björnsson, faðir Gunnars, Guðbjörg Þórðardóttir, systir hans, Gunnar og Þórólfur Guð-
mundsson. Framar sitja Benedikt Guðbjartsson, Sverrir Einarsson og Sævar Guðjónsson.
Sveið að
sjá æsku-
heimilið í
niðurníðslu
Hólmavík
Breiðdalshreppur
Sex um-
sækjendur
um sveitar-
stjórastöðu
Norður-Hérað