Morgunblaðið - 09.07.2002, Blaðsíða 25

FYRRVERANDI júgóslavneskur
hermaður, Ivan Nikolic, var í gær
dæmdur í átta ára fangelsi fyrir
stríðsglæpi sem hann framdi í Kós-
óvó árið 1999. Nikolic var fundinn
sekur um að hafa skotið á, og drepið,
tvo Kósóvó-Albana í þorpinu Peduh í
maí árið 1999, en þá stóðu loftárásir
Atlantshafsbandalagsins (NATO) á
Júgóslavíu sem hæst.
Nikolic, sem er Serbi, er fyrsti
Júgóslavinn sem dæmdur hefur ver-
ið sekur fyrir stríðsglæpi af júgó-
slavneskum dómstól, tveir aðrir
Serbar hafa einnig verið ákærðir
fyrir stríðsglæpi sem þeir eiga að
hafa framið í Kósóvó, en þeir hafa
ekki enn verið leiddir fyrir dómara.
Núverandi stjórn landsins hefur
lagt á það áherslu að þeir sem báru
ábyrgð á voðaverkum þeim sem
framin voru árið 1999 í Kósóvó-hér-
aði og í Bosníu-Hersegóvínu árin
1992 til 1995 verði leiddir fyrir rétt í
heimalandi þeirra. Stjórnmálaskýr-
endur segja að erfitt sé fyrir ríkis-
stjórnina að senda úr landi alla þá
sem ákærðir hafa verið af saksókn-
ara Alþjóðlega stríðsglæpadómstóls-
ins í málefnum fyrrverandi Júgó-
slavíu sem staðsettur er í Haag.
Almenningur í Júgóslavíu sé al-
mennt á móti því og þess vegna reyni
stjórnvöld að friða bæði þegna sína
og dómstólinn í Haag með því að
leiða hina grunuðu fyrir júgóslav-
neska dómstóla.
Sakborningur fluttur til Haag
Fyrrverandi bosníu-serbneskur
embættismaður var sendur til Haag
í gær, en hann var handtekinn af
hermönnum NATO á sunnudag.
Maðurinn, Miroslav Deronjic, var
háttsettur embættismaður í bænum
Bratunac í austurhluta Bosníu, sem
er í nágrenni borgarinnar Srebren-
ica, meðan á Bosníustríðinu stóð.
Deronjic er gefið að sök að hafa
fyrirskipað árás á þorpið Glogova,
sem er nærri Bratunac, árið 1992, en
um 60 múslimar sem bjuggu þar
voru drepnir í árásinni. Eiginkona
Deronjics sagði að sex vopnaðir
menn hefðu komið inn á heimili
þeirra og lamið Deronjic með byssu-
skeftum sínum að fjórum börnum
þeirra hjóna ásjáandi.
Alþjóðadómstóllinn í Haag leitar
nú 23 manna sem ákærðir hafa verið
fyrir stríðsglæpi sem framdir voru í
Bosníustríðinu og eru þeir Radovan
Karadzic, leiðtogi Bosníu-Serba í
stríðinu, og Ratko Mladic, yfirmaður
herafla þeirra, efstir á listanum. Þá
hafa friðargæsluliðar NATO í Bosn-
íu handtekið meira en 20 menn
grunaða um stríðsglæpi og eru flest-
ir þeirra Bosníu-Serbar.
Átta ár fyrir stríðsglæpi
Júgóslavneskur dómstóll kveður upp fyrsta
dóminn yfir stríðsglæpamanni
AP
Fangaverðir fylgja Ivan Nikolic inn í dómshúsið í Prokuplje, um 280 km
sunnan við Belgrad, höfuðborg Júgóslavíu. Nikolic var í gær dæmdur í
átta ára fangelsi fyrir morð á tveimur Kósovó-Albönum árið 1999.
Sarajevo. AP, AFP.
ERLENT
MORGUNBLAÐIÐ ÞRIÐJUDAGUR 9. JÚLÍ 2002 25