Morgunblaðið - 19.12.2002, Blaðsíða 2

B L A Ð A L L R A L A N D S M A N N A
HK SKAUST Í ANNAÐ SÆTIÐ Í HANDBOLTANUM / C2
SAMKVÆMT heimildum Morgunblaðsins eru
miklar líkur á því að bræðurnir Stefán og Þórð-
ur Þórðarsynir gangi til liðs við ÍA á ný, en þeir
léku báðir með yngri flokkum félagsins sem og
meistaraflokki liðsins áður en þeir héldu út í at-
vinnumennsku. Stefán var hjá Stoke sl. tvö ár.
Þórður var um skeið samningsbundinn sænska
liðinu Norrköping en varði mark KA á sl. leik-
tíð. Árið þar á undan var hann í herbúðum Vals-
manna. Engir samningar hafa verið undirrit-
aðir að svo stöddu og er málið enn á frumstigi.
Gunnar Sigurðsson formaður rekstrarfélags
mfl. ÍA sagði í gær að ekki væri farið að ræða
þessi mál innan stjórnar. Aðspurður um stöðu
Ólafs Þórs Gunnarssonar markvarðar ÍA, sem á
enn eitt ár eftir af samningi sínum, sagði Gunn-
ar. „Ólafur er samningsbundinn ÍA og við höf-
um ekki hug á að rifta þeim samningi.“
Stefán og Þórður
á Skagann?
Snorri segir að málið hafa áttsér stuttan aðdraganda. „Ég
veit að forráðamenn Grosswall-
stadt hafa séð upptökur af leikjum
sem ég hef tekið þátt í, þar á með-
al leiki frá World Cup í Svíþjóð í
haust. Þeir settu sig síðan í sam-
bandi við mig og buðu mér út í
kjölfarið. Nú þegar hlé hefur verið
gert á deildarkeppninni hér heima
þá er upplagt að nota tækifærið og
taka þessu boði, en ég reikna með
að alvara liggi að baki þessu úr því
að verið er að bjóða mér út,“ sagði
Snorri sem reiknar með að taka
þátt í þremur æfingum með liðinu.
Grosswallstadt er fornfrægt fé-
lag í þýskum handknattleik. Það
hefur sjö sinnum orðið þýskur
meistari og fimm sinum bikar-
meistari auk þess sem það hefur
unnið sigur í Evrópumótum fé-
lagsliða nokkrum sinnum, m.a.
lagði það Val í úrslitaleik Evr-
ópukeppni meistaraliða 1980. Þá
vann það Borgakeppni Evrópu fyr-
ir tveimur árum.
Grosswallstadt hefur ekki vegn-
að sem best á núverandi leiktíð og
er í 13. sæti af 18 liðum. Stefnan er
hins vegar að styrkja leikmanna-
hópinn fyrir næstu leiktíð og er
ætlun forráðamanna liðsins að fá
a.m.k. fjóra nýja leikmenn. Þjálfari
liðsins er Peter Meisinger sem lék
með Grosswallstadt á blómatíma
þess fyrir um 20 árum. „Þetta er
spennandi tækifæri og því rétt að
skoða það til hlítar,“ sagði Snorri
sem segir það ekki hafa komið til
umræðu að hann haldi út strax eft-
ir áramót, en leikmannamarkaðn-
um í Þýskalandi verður lokað um
áramót. „Hvað sem út úr þessari
ferð kemur er ljóst að ég ætla að
ljúka keppnistímabilinu með Val,
ekki kemur til greina að fara út
fyrr,“ segir Snorri Steinn.
Sigurður Bjarnason er eini ís-
lenski handknattleiksmaðurinn
sem leikið hefur með Grosswall-
stadt, 1991 til 1994.
Snorri til Grosswallstadt
SNORRI Steinn Guðjónsson, handknattleiksmaður í Val, hélt í
morgun til þýska efstu deildarliðsins Grosswallstadt og verður þar
við æfingar fram sunnudag. Lítist forráðamönnum liðsins vel á pilt
má reikna með að þeir geri honum tilboð um samning. „Ég reikna
með að þeir bjóði mér samning, annars væru þeir varla að bjóða
mér til sín til æfinga og sýna mér svo mikinn áhuga sem raun ber
vitni,“ sagði Snorri Steinn í samtali við Morgunblaðið í gær.
Snorri Steinn Guðjónsson fagnar einu af níu mörkum sínum fyrir Val í gærkvöld en Valsmenn unnu þá stórsigur á Haukum, 35:26.
Morgunblaðið/Golli
TALSMAÐUR stuðningsmanna-
félags norska liðsins Brann, Mads
Hansen, segir að Teitur Þórð-
arson hafi valið auðveldu leiðina
til þess að yfirgefa liðið, en Teit-
ur sagði af sér sem þjálfari liðs-
ins á þriðjudaginn.
Hansen segir að Teitur hafi
„stungið af frá hálfkláruðu verk-
efni.“
„Teitur hefur ekki staðið sig
vel sem þjálfari og hann gerði
sér grein fyrir því sjálfur. Í stað
þess að berjast með okkur í gegn-
um mótlætið sem við eigum við
að etja, utan vallar sem innan, þá
velur Teitur þá lausn að stinga af
með skottið á milli fóta sér. Hann
getur ekki skotið sér undan
ábyrgð á strögglinu sem liðið
lenti í á sl. leiktíð og það sem lið-
ið sýndi úti á vellinum er á hans
ábyrgð. Í stað þess að líta í eigin
barm hefur Teitur kennt slæmri
fjárhagsstöðu liðsins og sölu á
leikmönnum um hvernig fór,“
segir Madsen við norsku útvarps-
stöðina P4.
Teitur segir sjálfur að stjórn
félagsins hafi breytt atriðum sem
lúta að þjálfun félagsins án þess
að hafa samráð við hann og það
hafi fyllt mælinn af hans hálfu.
Teitur fær
kaldar
kveðjur
VALSMENN hafa ekkert heyrt frá
norska knattspyrnuliðinu Brann
varðandi Ármann Smára Björnsson
en forráðamenn félagsins ætluðu
að setja sig í samband við Val í byrj-
un desember með það fyrir augum
að gera tilboð í leikmanninn.
Valsmenn lánuðu Ármann til
Brann undir lok sumars að beiðni
Teits Þórðarsonar, þjálfara Brann,
og lék hann með liðinu út leiktíðina
í Noregi. Ármann stóð sig vel og
hjálpaði Brann-liðinu talsvert á
lokasprettinum sem tókst að forð-
ast fall í 1. deildina.
„Það hefur enginn talað við okk-
ur frá Brann og við lítum svo á að
þetta mál sé dautt. Ég á ekki von á
því að þeir láti í sér heyra núna
fyrst Teitur er hættur hjá félaginu
og við reiknum bara með því eins
og staðan er í dag að Ármann verði
með okkur á komandi leiktíð,“
sagði Þorlákur Árnason, þjálfari
Vals, í samtali við Morgunblaðið.
Valur hefur
ekkert heyrt
frá Brann
2002
FIMMTUDAGUR 19. DESEMBER BLAÐ C
PRENTSMIÐJA MORGUNBLAÐSINS FIMMTUDAGUR 19. DESEMBER 2002 Á netinu mbl.is/vidskipti BLAÐ B

VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I S J Á V A R Ú T V E G & A T H A F N A L Í F
BAKKAVÖR SAMKEPPNI PENNINN
Bakkavör Group hefur
stækkað mjög á þeim
16 árum sem liðin eru
frá stofnun fyrirtækisins
Mikil samkeppni ríkir á
gosdrykkjamarkaðnum
á Íslandi á milli Vífilfells
og Ölgerðarinnar
Penninn verður 70 á́ra
á morgun. Viðtal við
Gunnar B. Dungal for-
stjóra fyrirtækisins
HÉR HUGSUM/4 MIKIL SAMKEPPNI/6 SJÖTUGUR/5
ÁREIÐANLEIKAMAT KPMG vegna
sölu ríkisins á 45,8% hlut í Landsbanka Ís-
lands er ekki í samræmi við mat bankans á
eigin verðmæti, sem lagt hefur verið til
grundvallar í samningaviðræðum einkavæð-
ingarnefndar og Samson ehf.
Talsmaður Samson-hópsins staðfesti
þetta í samtali við Morgunblaðið í gær. Hann
segir að hópurinn hafi þó ekki fengið skýrslu
KPMG afhenta, en á von á að hún verði af-
hent á fundi með einkavæðingarnefnd sem
haldinn verður fyrir jól. „Nú er komið í ljós
að óháður aðili telur að verðmæti bankans sé
annað en kynnt hafði verið. Þá er spurning
hvernig einkavæðingarnefnd bregst við
þeim tíðindum,“ segir hann.
Ekki náðist í Ólaf Davíðsson, formann
framkvæmdanefndar, um einkavæðingu.
Landsbanki Íslands sendi frá sér frétta-
tilkynningu í tilefni fréttar Fréttablaðsins í
gær, þar sem fullyrt var að áreiðanleika-
könnunin gæfi tilefni til verulegrar lækkun-
ar söluverðs. „Bankastjórn Landsbanka Ís-
lands hf. á ekki beina aðild að þeim
viðræðum sem nú fara fram um kaup Eign-
arhaldsfélagsins Samson ehf. á stórum hlut í
bankanum og mun bankinn því ekki tjá sig
um stöðu þeirra viðræðna. Landsbankinn
tekur þó fram að í því ferli hefur ekki komið
fram gagnrýni á reikningsskil Landsbanka
Íslands hf.
Landsbankinn hefur verið skráð félag á
aðallista Kauphallar Íslands frá því haustið
1998 og allar nauðsynlegar upplýsingar um
málefni félagsins liggja fyrir opinberlega, nú
síðast afkomutilkynning vegna 9 mánaða
uppgjörs bankans frá 24. október 2002
Í tilkynningu frá einkavæðingarnefnd til
Kauphallar Íslands, dags. 29. nóvember
2002, kom eftirfarandi fram:
„Í tilkynningu til Kauphallar, dags. 21.
október sl., um samkomulag við Samson
eignarhaldsfélag ehf. um kaup á 45,8% hlut í
Landsbanka Íslands hf., var greint frá því að
áformað væri að ganga frá kaupsamningi
fyrir lok nóvember 2002. Frágangur kaup-
samnings hefur tekið lengri tíma en ráð var
fyrir gert og er nú miðað við að kaupsamn-
ingur verði undirritaður fyrir áramót.“
Vinna að frágangi málsins fer nú fram
samkvæmt ofangreindri tímaáætlun.“
F J Á R M Á L
Verðmæti
Landsbank-
ans á reiki
„Ekki gagnrýni á reikningsskil “
INGVAR Baldursson, rafmagnstæknifræð-
ingur og sjóðfélagi í LAT, Lífeyrissjóði arki-
tekta og tæknifræðinga sem sameinaðist AL-
VÍB undir nafninu Almenni lífeyrissjóðurinn
sl. þriðjudag á fundi þar sem 92 félagsmenn
studdu sameininguna en 39 voru gegn henni,
sem þýðir að aðeins fjórum atkvæðum mun-
aði að sameiningin yrði felld, segir að samein-
ingin sé skref aftur á bak í lýðræðislegu sjón-
armiði fyrir sjóðfélaga í LAT þar sem í
sameinaða sjóðnum skipi rekstraraðili sjóðs-
ins Íslandsbanki 2 menn af 6 í stjórn sjóðsins
en hinir fjórir eru kosnir á félagsfundi. „Al-
mennt eru menn að fara í þá átt að leyfa sjóð-
félögum að hafa áhrif í stjórninni en á sama
tíma erum við í LAT að stíga í hina áttina,“
segir Ingvar.
Bergsteinn Gunnarsson, formaður stjórnar
LAT, segir að LAT hafi óskað eftir því að öll
stjórn hins nýja félags yrði kosin á sjóð-
félagafundi en ekki haft erindi sem erfiði. „Ís-
landsbanki kom reyndar til móts við okkur og
fækkaði sínum mönnum í stjórn. Það er von
mín og trú að með tíð og tíma minnki áhrif
bankans enn frekar.“
Bannað að tjá sig á vefnum
Ingvar Baldursson hefur ýmislegt fleira út á
málið að setja og segir meðal annars að sjóð-
félagar hafi ekki fengið að birta sjónarmið sín
á heimasíðu sjóðsins. Bergsteinn viðurkennir
að menn hafi leitast eftir að koma þar inn
greinum en segir að engin skipulögð um-
ræðusvæði séu til boða á vefnum. „Þeirri
beiðni var hvorki hafnað né tekið,“ sagði
Bergsteinn.
Ingvar er jafnframt óánægður með skort á
upplýsingagjöf varðandi sameininguna og
segir að samþykktir hins nýja sjóðs eða þær
breytingar sem gerðar voru á þeim hafi ekki
verið kynntar sjóðfélögum fyrr en á fundinum
sjálfum þegar kjósa átti um sameininguna.
„Samkvæmt lögum LAT á að liggja fyrir til-
laga hvernig svona mál eiga að vera borin upp
og það er lögfræðilegt álitaefni hvort rétt hafi
verið staðið að þessu,“ segir Ingvar og kveðst
íhuga að leita álits lögfræðings vegna þessa.
Bergsteinn Gunnarsson vísar þessu á bug og
segir að gögn vegna sameiningarinnar hafi
fylgt fundarboði fyrir aukaaðalfund sjóðsins í
október sl. auk þess sem þau séu aðgengileg á
vefsíðum bæði LAT og ALVÍB.
Ingvar segir að athyglisvert sé að aðeins 92
félagar ráði endanlega úrslitum um samein-
inguna. „Það eru aðeins 5% af sjóðfélögum
sem samþykkja að leggja þennan sjóð niður.
Er það eðlilegt?“ spyr Ingvar. „Það er mitt
mat að menn hefðu átt að sýna manndóm og
þor í að bera þetta undir félagsmenn í póst-
kosningu.“
Bergsteinn segir að það sé einfaldlega ekki
gert ráð fyrir því í samþykktum LAT að hægt
sé að kjósa í póstkosningu. „Við erum ekkert
á móti póstkosningu. Hana þarf bara að und-
irbúa vandlega.“
Bergsteinn segir að það mikilvægasta við
sameiningu sjóðanna að tryggingafræðilegur
grunnur fyrir samtryggingu sjóðfélaga LAT
hafi styrkst verulega og sjóðfélögum bjóðist
nú fleiri ávöxtunarleiðir en áður.
Gunnar Baldvinsson, framkvæmdastjóri
nýja sjóðsins, bendir á að þarna sé verið að
sameina stéttarfélagssjóð og sjóð sem er
stofnaður og rekinn af fjármálafyrirtæki.
„ALVÍB er stofnaður af Íslandsbanka og rek-
inn af honum. Það eru 16.000 félagar í ALVÍB
sem hafa gengið í sjóðinn m.a. af því að hann
er rekinn af bankanum. Bankinn telur mjög
eðlilegt að hann hafi ítök í stjórn sjóðsins
vegna ábyrgðar sinnar gagnvart sjóðfélögum
sem koma úr ALVÍB,“ segir Gunnar og bend-
ir á að allir stjórnarmenn séu jafnframt sjóð-
félagar. Annað atriði sem Ingvar gerir at-
hugasemd við er það ákvæði í samþykktum
nýja sjóðsins að atkvæðisvægi sé á bilinu 1–
35 þrátt fyrir að einstaka aðilar eigi fleiri at-
kvæði skilið miðað við inneign sína í sjóðnum.
Gunnar segir að í ákvörðun um þetta hafi ver-
ið farið bil beggja. „Um þetta má alltaf deila.
Í ALVÍB var atkvæðavægi algjörlega eftir
inneign en í LAT gilti einn maður eitt at-
kvæði. Í þessum nýja sjóði var farinn milli-
vegur þannig að þeim sem litla inneign eiga
var veittur lágmarksatkvæðisréttur en síðan
var líka sett hámark. Ég tel persónulega að
það sé rétt að atkvæðamagn fari eftir inneign
vegna þess að hagsmunir þeirra sem eiga
mikið eru yfirleitt meiri en hjá þeim sem eiga
litla inneign eða réttindi,“ sagði Gunnar Bald-
vinsson.
Deilt um sameiningu
LAT og ALVÍB
Gagnrýnt að áhrif sjóðfélaga minnki. Bankinn telur áhrif í stjórn eðlileg.
 Miðopna: Mikil samkeppni og oft skemmtileg
K i r k j u s a n d i • 1 5 5 R e y k j a v í k • w w w . g l i t n i r . i s • S í m i 4 4 0 4 4 0 0
G l i t n i r e r h l u t i a f Í s l a n d s b a n k a
Glitnir er sérfræ›ingur í fjármögnun atvinnutækja. Rétt val á fjármögnun
getur skipt miklu um heildarkostna› vi› fjárfestingu. Glitnir b‡›ur fjórar
ólíkar lei›ir vi› fjármögnun atvinnutækja. Umsóknir eru afgreiddar á
skjótan hátt flegar nau›synleg gögn liggja fyrir.
Haf›u samband vi› rá›gjafa Glitnis e›a kíktu á www.glitnir.is og fá›u a›sto›
vi› a› velja flá fjármögnunarlei› sem hentar best.
Stendur til a› fjölga
atvinnutækjum?
BOÐIÐ FIMMTA SÆTIÐ
Ingibjörg Sólrún Gísladóttir borg-
arstjóri hefur ákveðið að þekkjast
boð Samfylkingarinnar um að skipa
5. sæti listans í Reykjavíkurkjör-
dæmi norður.
Storkur fluttur suður
Storkurinn Styrmir var fangaður
á Breiðdal í gær og fluttur með flug-
vél til Reykjavíkur í gærkvöldi þar
sem hann fékk vist í Húsdýragarð-
inum.
Ekki greitt fyrir ferliverk
Frá áramótum verður hætt að
greiða læknum á Landspítala – há-
skólasjúkrahúsi fyrir ferliverk á
göngudeildum.
Æfir hjá Grosswallstadt
Snorri Steinn Guðjónsson, hand-
boltamaður í Val, fór í gær til æfinga
hjá þýska félaginu Grosswallstadt.
Er talið að félagið geri honum tilboð
ef mönnum líst á piltinn.
Metafli Hólmaborgar SU
Afli Hólmaborgar SU á árinu var
sá mesti sem um getur. Skipið fisk-
aði um 93.000 tonn af uppsjávarfiski
á árinu. Vilhelm Þorsteinsson EA
var með mest aflaverðmæti, um
1.400 milljónir kr.
Sakar Saddam um lygi
Utanríkisráðherra Breta, Jack
Straw, segir Saddam Hussein Íraks-
forseta ljúga er hann fullyrði að
Írakar eigi engin gereyðingarvopn.
Bretar og Bandaríkjamenn segja að
í vopnaskýrslu Íraka skorti mik-
ilvægar upplýsingar.
Kaupþingsbréf í höllinni
Viðskipti hófust í gær í kauphöll-
inni í Stokkhólmi með bréf í Kaup-
þingi banka hf.
Y f i r l i t
FRÉTTIR
2 FIMMTUDAGUR 19. DESEMBER 2002 MORGUNBLAÐIÐ
Í dag
Sigmund 8 Minningar 41/44
Erlent 13/18 Skák 46
Höfuðborgin 20 Staksteinar 58
Akureyri 24/25 Bréf 60/61
Suðurnes 28/29 Kirkjustarf 45
Landið 30 Dagbók 62/63
Neytendur 31/32 Fólk 64/69
Listir 32/35 Bíó 66/69
Forystugrein 36 Ljósvakamiðlar 70
Viðhorf 40 Veður 71
* * *
Kynningar – Blaðinu í dag fylgir aug-
lýsingablaðið Sjónvarpsdagskráin
frá Sonet ehf. Blaðinu verður dreift
um allt land.
RANNSÓKNANEFND sjóslysa hefur tekið að
sér að rannsaka hvernig staðið var að björgun
skipverja á Svanborgu SH 404 sem fórst undir
Svörtuloftum á Snæfellsnesi 7. desember 2001.
Mun þetta vera í fyrsta skipti sem sérstök rann-
sókn á björgunarþætti sjóslyss fer fram hér á
landi. Ennfremur hefur orðið uppvíst um meintan
galla á skýrslu nefndarinnar um sjóslysið og
verður sá hluti málsins rannsakaður upp á nýtt.
Í Svanborgarslysinu komst einn skipverja lífs
af er honum var bjargað um borð í varnarliðs-
þyrlu við illan leik en þrír bátsfélagar hans fór-
ust.
Rannsókn á björgunarþætti málsins er tilkom-
in vegna sérstakrar beiðni frá samgönguráðu-
neytinu. Jón Ingólfsson, framkvæmdastjóri rann-
sóknanefndar sjóslysa, segir að nefndin muni
fara yfir öll málsatvik til að kanna hvort eitthvað
hafi farið úrskeiðis við björgunina og hvort eitt-
hvað sé hægt að gera til úrbóta. Meðal þess sem
rannsakað verður er hvort fjarskiptasamband
milli björgunaraðila hafi verið nægilega gott.
Rannsóknin verður unnin með svipuðu sniði og
sjóslysarannsóknir nefndarinnar. Býst Jón við
því að rannsóknin verði nokkuð umfangsmikil en
stefnt sé að því að skila skýrslu um málið í lok
janúar eða byrjun febrúar.
Rangar upplýsingar um loftinntak
Þá hefur rannsóknanefndin ennfremur komið
auga á villu í skýrslu sinni frá í maí sl. um orsakir
Svanborgarslyssins. Villan á rætur sínar að rekja
til rangra upplýsinga sem nefndin hafði um loft-
inntak í vélarrúmi. Jón segir aðspurður ekki um
það að ræða að skýrslan verði ógild, heldur gefin
út með leiðréttingum. Segir hann aðspurður ekki
standa til að taka upp rannsóknina í heild, heldur
athuga þennan tiltekna þátt. Tildrögin eru þau að
útgerðarmaður af Snæfellsnesi sendi nefndinni
athugasemd um þennan þátt rannsóknarinnar.
Jón segir að nokkuð hafi kveðið að þeim galla í
bátum sömu gerðar og Svanborg, að vökvi hafi
komist í vélarrúm. Því hafi loftinntökum á bát-
unum verið breytt ásamt loftinntökum í vélar-
rúminu sjálfu. Í skýrslu sinni byggði nefndin á
þeim heimildum að loftinntakskassi fyrir vélar-
rúm hafði verið stækkaður og inntakinu snúið
aftur vegna hávaða og vandræða með að vökvi
átti greiða leið í vélarrúm. Nefndin taldi sterkar
vísbendingar um að eftir að veður versnaði hafi
mikið magn af sjó átt greiða leið að loftinntaki að-
alvélar og stíflað loftsíuna með þeim afleiðingum
að vélin stöðvaðist. Verður þessi forsenda könnuð
upp á nýtt vegna framkominna athugasemda.
Svanborgarslysið kallar á tímamótarannsókn á björgunarþætti sjóslyss
Rannsakað hvort eitthvað hafi
farið úrskeiðis við björgunina
TUTTUGU og fjögurra ára gamall
karlmaður var í gær dæmdur í 18
mánaða fangelsi í Héraðsdómi
Reykjavíkur fyrir þrjár líkamsárásir í
maí, júní og ágúst í fyrra. 21 árs sam-
verkamaður hans við þá síðustu hlaut
sex mánaða skilorðsbundið fangelsi til
tveggja ára. Er þetta í fimmta sinn
sem fyrrnefndi maðurinn er dæmdur
fyrir líkamsárás. Yngri maðurinn
gekkst við sök og féllst á bóta-
greiðslur en hinn krafðist sýknu í öll-
um ákæruatriðum og kvaðst jafnvel
hvergi hafa komið nærri. Sannað
þótti hins vegar með framburði vitna
að hann hefði gerst sekur um öll brot-
in sem honum voru gefin að sök og að
líkamsárásir hans hefðu bæði verið
grófar og tilefnislausar og allar beinst
að höfði fórnarlamba hans.
Maðurinn, sem er 24 ára, hefur
fjórum sinnum áður verið dæmdur
fyrir líkamsárásir. Hinn 5. maí 2001,
daginn fyrir fyrstu líkamsárásina sem
hann var dæmdur fyrir í gær, var
honum veitt reynslulausn á refsingu
150 daga, skilorðsbundið í ár. Með
árásunum sem dæmt var fyrir í gær
rauf hann skilorð reynslulausnarinn-
ar. Þótti það sýna styrkan og einbeitt-
an brotavilja hans að hafa framið
fyrstu árásina af þremur daginn eftir
að honum var veitt reynslulausn.
Valtýr Sigurðsson héraðsdómari
kvað upp dóminn.
18 mánaða fangelsi fyrir líkamsárásir
Braut af sér dag-
inn eftir að hon-
um var sleppt
1. árásin, aðfaranótt 6. maí.
Réðst á 35 ára gamlan mann við
Bifreiðastöð Íslands, skallaði hann
eða sló hann hnefahögg með þeim
afleiðingum að maðurinn hlaut
mikið glóðarauga, brot í vinstri
augntóft sem leiddi til skertrar
hreyfigetu á vinstra auga, líklega
varanlegrar. Ennfremur hlaut
maðurinn skurð á höfði og tann-
króna brotnaði af framtönn.
2. árásin, aðfaranótt 23. júní.
Sló 17 ára gamlan pilt á Lækj-
artorgi hnefahögg í andlitið svo
hann féll í jörðina með þeim afleið-
ingum að hann kinnbeinsbrotnaði.
3. árásin, aðfaranótt 12. ágúst.
Í félagi við 20 ára gamlan mann
réðst hann á 35 ára gamlan mann
við Tryggvagötu. Með höggum og
spörkum felldu þeir hann í jörðina,
sá yngri sló manninn nokkrum
sinnum í andlit en hinn sparkaði í
efri hluta líkama mannsins, allt
með þeim afleiðingum að mað-
urinn marðist á vinstra auga, hlaut
skurð á augnlok, roða í báðar
augnhvítur, bólgnaði á kinnbeinum
og vörum og hlaut sár á vör.
Þrjár lík-
amsárásir
SEXTÁN liðsmenn Slökkviliðs höf-
uðborgarsvæðisins luku í gær
þriggja daga æfingu sem haldin er
reglulega til að viðhalda þjálfun
yngstu slökkviliðsmannanna. Eru
það liðsmenn SHS sem hafa verið
1–2 ár í slökkviliðinu. Sex leiðbein-
endur tóku einnig þátt í æfingunni
og voru æfingar fjölbreyttar. Farið
var í reykköfun í brennandi húsi
þar sem menn voru látnir ganga
eins nálægt eldinum og þeir þoldu
auk þess sem ýmis verkefni voru
lögð fyrir þá í reykjarsvælunni. Æft
hefur verið á ýmsum stöðum í borg-
inni og endað á húsi við Hitaveitu-
veg sem kveikt var í og menn látnir
æfa slökkvistörf og reykköfun.
Höskuldur Einarsson, stöðvarstjóri
hjá SHS, sagði æfingarnar hafa
gengið mjög vel, en reynt talsvert á
mannskapinn.
Morgunblaðið/Kristinn
Ungir slökkviliðs-
menn í reyknum
58 ÁRA gamall útlendingur sem var
handtekinn á Keflavíkurflugvelli í
lok október með um 1½ kíló af kók-
aíni innanklæða, sagðist fyrir dómi í
gær hafa átt að fá 5.000 evrur fyrir
að flytja fíkniefnin til landsins, jafn-
virði um 430.000 íslenskra króna.
Ákæra ríkissaksóknara á hendur
manninum var þingfest í Héraðs-
dómi Reykjavíkur í gær. Þar játaði
hann að hafa flutt efnið í ágóðaskyni
til landsins og að sér hefði verið ljóst
að efnið var að verulegu leyti ætlað
til sölu hér á landi. Kvaðst hann þó
einungis hafa samþykkt að flytja eitt
kíló af efninu en ekki 1½ kíló. Allt að
12 ára fangelsisrefsing liggur við
brotum af þessu tagi.
Handtekinn með kókaín
Átti að fá
5.000 evrur
fyrir flutn-
inginn