Morgunblaðið - 19.12.2002, Blaðsíða 8

FRÉTTIR
8 FIMMTUDAGUR 19. DESEMBER 2002 MORGUNBLAÐIÐ
Eyjamenn bíða með öndina í hálsinum eftir að sjá hvort „orkutröllinu“ og Eyjabakaranum
takist að fá sveinka til að taka réttan kúrs.
Fluguveiðiskóli settur á laggirnar
Viss vöntun á
samantekt
ÁHUGAMENN umstangaveiði erutugir þúsunda á
Íslandi samkvæmt könn-
unum sem gerðar hafa
verið í gegnum tíðina.
Fluguveiði hefur átt vax-
andi vinsældum að fagna,
en mörgum þykir það þó
heldur flókinn veiðiskapur
og erfiður að átta sig á. Nú
hafa þrír kunnáttumenn,
þeir Gísli Ásgeirsson, Ein-
ar Páll Garðarsson og Sig-
urður Héðinn ákveðið að
gera sitt til að greiða götu
þeirra sem vilja læra
fluguveiði með því að setja
á laggirnar fluguveiðiskóla
sem hefur göngu sína þeg-
ar í næsta mánuði. Gísli
svaraði nokkrum spurn-
ingum Morgunblaðsins.
– Hver er tilurð þessa Flugu-
veiðiskóla?
„Tilurðin er sú, að við félagarn-
ir höfum verið miklir áhugamenn
um stangaveiði um langt árabil,
höfum lært af reynslunni og
kunnum orðið sitthvað fyrir okk-
ur. Síðan er það, að síðustu árin
höfum við allir verið við veiðileið-
sögn í Norðurá í Borgarfirði og
þar höfum við fundið fyrir því að
það er viss vöntun á samantekt á
alls kyns ráðum og lögmálum er
varða fluguveiði. Við höfum allir
fundið fyrir því að við erum að
segja sömu hlutina aftur og aftur,
sumar eftir sumar. Fyrir um það
bil tveimur árum fórum við síðan
að ræða það okkar í millum af al-
vöru að stofnsetja fluguveiðiskóla
og í sumar ákváðum við síðan að
láta slag standa. Við ræddum þá
við Stangaveiðifélag Reykjavíkur
og viðruðum það að halda þennan
skóla í samvinnu við og í samráði
við fræðslunefnd SVFR, félagið
legði til húsnæðið og væri nokk-
urs konar verndari skólans, en við
félagarnir sæjum um gerð
kennsluefnis, uppsetningu á nám-
skeiðum og sjálfa kennsluna.
Þessum hugmyndum tók SVFR
fagnandi.“
– Hvernig ætlið þið að byggja
kennsluna upp?
„Þetta verða námskeið sem
spanna tvö kvöld, þrjár klukku-
stundir hvort kvöld, í húsakynn-
um SVFR í Austurveri við Háa-
leitisbraut. Fyrra kvöldið verður
farið yfir öll helstu veiðitæki,
flugustangir, bæði einhendur og
tvíhendur, línur, hjól, tauma og
sjálfar flugurnar. Þetta er þó
nokkur frumskógur. Varðandi
flugurnar, þá verðum við ekki
með hnýtingarkennslu, heldur
fjallar fluguumræðan ekki síst um
val á flugum við hinar ýmsu að-
stæður, t.d. eftir hitastigi, lita-
samsetningu o.s.frv.
Seinna kvöldið byrjum við á því
að fara yfir efnisval á flugum, en
þar höfum við félagarnir mjög
fastmótaðar hugmyndir, bæði frá
hnýtingar og aflasældarsjónar-
miðum. Við erum svo heppnir að
allir höfum við gert athuganir á
aðferðafræðinni í gegnum árin og
haldið vel utanum það
sem við höfum verið að
gera í fluguveiði. Síðan
hefur komið á daginn
að okkur ber ótrúlega
oft saman, enda erum
við allir reyndir að því sem leið-
sögumenn að skila viðskiptavin-
um okkar góðum afla og á stund-
um ótrúlega góðum. Á
námskeiðunum munum við upp-
lýsa hverjar þessar athuganir og
reglur eru.
Að þessu loknu munum við
koma inn á lestur vatns sem hægt
er að orða svo, þ.e.a.s. að sjá af
staðháttum, rennsli árinnar og
fleiri þáttum, hvar lax er líkleg-
astur til að liggja. Það er erfitt að
kenna þetta atriði, sumum er það
hreinlega gefið en aðrir reyna að
þjálfa sig. Til að auðvelda þennan
þátt kennslunnar verðum við með
myndir af ýmsum veiðistöðum
sem gefa góða heildarmynd af
þeim aðstæðum, sem munu mæta
veiðimönnum, og benda á þau
grundvallaratriði sem fyrir hendi
eru, með tilliti til ytri og innri að-
stæðna, vatnshæðar, veðurfars og
þ.h.
Þessu næst ræðum við veiðiað-
ferðir, „stripp“, „hitch“, dauða-
rek, andstreymis, túpuveiði og
það allt saman og síðan förum við
aðeins út í vatnaveiðina og helstu
lögmálin þar.“
– Er það ekki skóli út af fyrir
sig?
„Jú vissulega, það veitti ekki af
sérstöku námskeiði fyrir vatna-
veiðina því þar er margslunginn
veiðiskapur á ferðinni. En við telj-
um að við getum ekki sleppt nem-
endum okkar án þess að fara að-
eins út í þessa gerð fluguveiða, því
það er allt of mikið um að menn
fari í vatnaveiði og verði ekki var-
ir með einhverjar hefðbundar
flugur. Við ætlum að tala aðeins
um púpur og nymfur, hvetja
menn til að fara innan í silunga og
líkja eftir því sem finnst í mögum
þeirra.
Við lokum síðan kennslu seinna
kvöldsins á umræðum um sið-
ferði, virðingu við náttúruna, val-
kostinn sem felst í að veiða og
sleppa og fleira á þeim
línum. Samhliða þessu
verður fyrirspurnum
svarað og þátttakendur
fá að tjá sig.“
– Hvað um aðrar
veiðiaðferðir, er þetta ekki flugu-
snobb?
„Nei, þetta er ekki flugusnobb.
Við félagarnir erum fluguveiði-
menn þótt við kunnum hitt líka.
Maðkur og spónn hafa verið á
undanhaldi í íslenskum ám síð-
ustu árin og fluguveiðin virðist
vera það sem koma skal. Þetta er
sá veiðiskapur sem við getum
best kennt.“
Gísli Ásgeirsson
 Gísli Ásgeirsson er fæddur
1964 í Hamborg í Þýskalandi þar
sem foreldrar hans voru við nám.
Ólst upp í Garðabæ, en útskrif-
aðist úr Menntaskólanum í
Reykjavík 1985 og hélt þaðan til
hagfræðináms í Bamberg í
Þýskalandi þar sem hann lauk
diplómaprófi á þremur árum. Út-
skrifaðist síðan af endurskoð-
unarsviði viðskiptafræðideildar
Háskóla Íslands 1992. Hefur síð-
an starfað við Atlas, umboðs- og
heildverslun. Maki er Þóra Kar-
en Þórólfsdóttir, Gísli á einn son,
Þóra eina dóttur.
Við félagarnir
erum flugu-
veiðimenn