Morgunblaðið - 19.12.2002, Blaðsíða 10
FRÉTTIR
10 FIMMTUDAGUR 19. DESEMBER 2002 MORGUNBLAÐIÐ
unblaðið, aðspurð hvort hún ætlaði að sitja
næstu fjögur árin sem borgarstjóri, að hún sæi
ekkert í spilunum sem breytti því.
Í viðtali við Ríkisútvarpið á kosningavöku
Reykjavíkurlistans á kosninganótt, eftir að
sigurinn var í höfn, sagði Ingibjörg Sólrún:
„Já, ég fullyrði algerlega að ég er ekki að fara í
þingframboð að ári. Það er alveg ljóst.“
Í byrjun september voru kynntar nið-
urstöður könnunar sem Gallup gerði fyrir vef-
ritið Kreml.is. Þar kom fram að færi Ingibjörg
fyrir lista Samfylkingarinnar í næstu alþing-
iskosningum myndi flokkurinn auka fylgi sitt
um tæplega þriðjung.
Sá ekkert í spilunum
sem breytti afstöðu hennar
Í Morgunblaðinu 4. september sagði Ingi-
björg könnunina ekki hafa breytt afstöðu sinni
varðandi þingframboð. „Ég var búin að segja
það býsna skýrt fyrir kosningar að ég hygði
ekki á þingframboð og fyrir því voru bæði per-
sónulegar og pólitískar ástæður. Hugur minn
hefur ekki staðið til þess síðan, þótt borg-
arstjórnarkosningum sé lokið, og ég sé ekkert
það í spilunum sem breytir þeirri afstöðu,“
sagði Ingibjörg Sólrún.
Viku síðar sendi hún frá sér yfirlýsingu þar
FRÁ því fyrir borgarstjórnarkosningarnar í
vor hefur sú umræða skotið upp kollinum af og
til hvort Ingibjörg Sólrún Gísladóttir borg-
arstjóri gæfi kost á sér í þingframboð fyrir
Samfylkinguna. Í byrjun september sl. sendi
hún frá sér yfirlýsingu um að hún hygði ekki á
þingframboð en í umræðum í borgarstjórn fyr-
ir hálfum mánuði sagði hún óbeinum orðum
ekki útséð með að hún færi í slíkt framboð.
Í viðtali í sunnudagsblaði Morgunblaðsins
19. maí sl. var Ingibjörg spurð hvort það væri
tryggt að hún yrði borgarstjóri næstu fjögur
árin ef hún næði kjöri. „Nei, það er ekki
tryggt,“ sagði hún og bætti við: „Ég gæti nátt-
úrlega hrokkið upp af!“ Síðan fór viðtalið
þannig fram um þetta atriði:
– Spurt er vegna þess að oft er talað um að
Samfylkinguna vanti nýjan leiðtoga og þú
nefnd til sögunnar.
„Það er ekki mitt viðfangsefni. Ég er að
bjóða mig fram til næstu fjögurra ára en ætla
mér hins vegar ekki að verða ellidauð hérna í
Ráðhúsinu.“
– En þú ætlar að vera þar næstu fjögur ár?
„Já, ég er ekki á leið í þingframboð að ári ef
það er spurningin sem undir liggur.“
Þegar úrslit borgarstjórnarkosninganna í
lok maí lágu fyrir sagði Ingibjörg við Morg-
sem hún sagðist ekki ætla að bjóða sig fram til
Alþingis í vor. „Niðurstaða mín er sú að ekkert
það hafi gerst á vettvangi stjórnmálanna sem
knýi á um að ég breyti þeirri afstöðu sem ég
tók í vor og söðli um,“ sagði hún m.a. í yfirlýs-
ingunni. Við Morgunblaðið sagði hún af þessu
tilefni: „Ég sagði í vor að ég stefndi ekki að
þingframboði og ég endurtek það núna. Ég hef
í sjálfu sér engu við þetta að bæta. Og að halda
áfram endalausum vangaveltum um einhverja
óræða framtíð er eins og hver önnur langavit-
leysa.“
Eftir yfirlýsinguna lá umræða um þing-
framboð hennar niðri um nokkurn tíma eða
þar til í byrjun þessa mánaðar að með ummæl-
um sínum í borgarstjórn gaf hún orðrómi um
framboð byr undir báða vængi. Fram fóru
heitar umræður um fjárhagsáætlun borg-
arinnar og undanfari ummælanna voru þau
orð Björns Bjarnasonar, oddvita sjálfstæð-
ismanna í borgarstjórn, að Ingibjörg sæi eftir
því að hafa ekki boðið sig fram til Alþingis, hún
vildi greinilega frekar ræða við sig sem þing-
mann en borgarfulltrúa. Sagði Ingibjörg þá að
svo virtist sem Björn saknaði þess að hún sæti
ekki á Alþingi. Hún sagðist verða að segja það
við borgarfulltrúann að ekki væri öll nótt úti
með það ennþá. Í samtali við blaðamann Morg-
unblaðsins að borgarstjórnarfundi loknum
sagðist Ingibjörg hafa meira sagt þetta í gríni
en alvöru, hún yrði „ekki í leiðtogasæti“ á nein-
um framboðslistanna til Alþingis.
Síðan segir í frétt Morgunblaðsins: „Hún
sagði að það hlyti þó að vera umhugsunarefni
að útlit væri fyrir að tveir borgarfulltrúar
minnihlutans sitji á þingi á næsta kjörtímabili,
en bæði Björn Bjarnason og Guðlaugur Þór
Þórðarson eru taldir eiga öruggt sæti á fram-
boðslistum Sjálfstæðisflokks í Reykjavík. Ekki
hafi komið fram annað en þeir ætli að sitja
bæði þar og í borgarstjórn. Of mikið hafi verið
um að þingmenn hafi ruglast á pólitískri stöðu
og hagsmunum borgarinnar. Hún óttist að það
geti gerst í ríkari mæli við þessar aðstæður að
menn hugsi of mikið um stöðu minnihlutans í
borgarstjórn í störfum sínum á þingi.“
„Ekki á leið í þingframboð að ári“
Fyrri ummæli Ingibjargar Sólrúnar Gísladóttur
um þingframboð eða ekki þingframboð
Morgunblaðið/Sverrir
Ingibjörg Sólrún Gísladóttir borgarstjóri.
INGIBJÖRG Sólrún Gísladóttir
borgarstjóri sagði við Morgunblaðið í
gærkvöldi að hún hefði ákveðið að
taka boði formanns Samfylkingar-
innar og formanns uppstillingar-
nefndar flokksins um 5. sæti í öðru
hvoru kjördæmanna í Reykjavík,
norður- eða suðurkjördæmi. Hún
sagði aðstæður hafa breyst frá því í
haust er hún gaf út yfirlýsingu um að
hún væri ekki á leiðinni í þingfram-
boð.
„Ég sagði það í kosningunum í vor
að ég væri ekki á leiðinni í þingfram-
boð og þegar ósk kom fram í haust
um að ég byði mig fram sagðist ég
telja ekkert hafa það gerst á vett-
vangi stjórnmálanna sem knýði á um
það að ég breytti afstöðu minni frá
því í vor. Ég hef alltaf litið svo á að ef
ég gæfi kost á mér í leiðtogahlutverk
á landsvísu að þá samrýmdist það
ekki því að vera líka borgarstjóri. Ég
sagði við kjósendur í vor að ég ætlaði
að vera borgarstjóri næstu fjögur ár-
in og með því að taka 5. sætið lít ég
svo á að ég sé ekki að söðla um.“
Vil sjá breytt stjórnarmynstur
– Hvað hefur þá breyst í hinu póli-
tíska landslagi frá því í haust þegar þú
gafst út yfirlýsinguna?
„Ég hef áhuga á að sjá breytt
stjórnarmynstur og vil leggja þeirri
baráttu lið. Svo hefur það breyst frá
því í haust að bæði Björn Bjarnason
og Guðlaugur Þór Þórðarson, sem eru
nú þriðjungur borgarstjórnarflokks
Sjálfstæðisflokksins, ætla sér að vera
á Alþingi og í borgarstjórn. Við því má
búast að umræða um málefni borgar-
innar færist yfir á þjóðmálavettvang-
inn. Ég tel mikilvægt að eiga þar við-
spyrnu.“
– Þú lítur ekki svo á að þú sért að
ganga á bak orða þinna með ákvörðun
nú um þingframboð?
„Nei, ég leit svo á að ég væri að gefa
kjósendum vilyrði um það að ég ætlaði
að vera borgarstjóri í Reykjavík á
meðan ég nyti til þess stuðnings. Ekki
stendur til að breyta því.“
– Hefurðu ákveðið í hvort kjördæm-
ið þú ætlar að fara, norður eða suður?
„Nei. Mér er í raun sama hvort
kjördæmið það yrði. Össur Skarphéð-
insson hefur lagt áherslu á norður-
kjördæmið, þar sem hann leiðir
listann. Af hálfu uppstillingarnefndar
var rætt við mig um að það gæti verið
hvort kjördæmið sem er. Helst vildi ég
sjá Reykjavík sem eitt kjördæmi.“
– Náir þú kjöri til Alþingis, telurðu
að það gangi upp að gegna starfi þing-
manns samfara borgarstjórastarfi?
„Ég yrði að finna leiðir til að það
gæti gengið upp. Það gerðu bæði Geir
Hallgrímsson og Gunnar Thoroddsen.
Auðvitað myndi þetta þýða að meira
mæddi á því fólki sem er í kringum
mig, bæði í hinum pólitíska meirihluta
og meðal embættismanna, en hér er
mikið af góðu fólki sem ég get treyst.“
– Komi upp sú staða að Samfylk-
ingin komist í ríkisstjórn munt þú taka
boði um ráðherrastól?
„Hvort heldur sem ég tæki sæti á
lista eða stæði utan hans þá hefur for-
maður Samfylkingarinnar talað með
þeim hætti að hugsanlegt væri að
sækja ráðherra út fyrir þingflokkinn.
Þetta eru alls óskyld mál og ég tek
ekki sæti á listanum með neina kröfu
um ráðherrastól. Fyrst þurfa menn að
sigra í kosningum og þetta færi einnig
eftir því stjórnarmynstri sem uppi
væri.“
– Í ljósi þess að þú hefur lofað kjós-
endum þínum að vera borgarstjóri
næstu fjögur ár, muntu þá ekki eiga
erfitt með að setjast í ráðherrastól?
„Það er merkilegt hversu áhuga-
samir menn eru um að reyna með öll-
um tiltækum ráðum að halda mér
innan borgarmarkanna. Ætli það sé
ekki rétt að svara spurningunni
þannig að það sé alla vega ljóst að
ekki er hægt að gegna í senn emb-
ættum borgarstjóra og ráðherra.“
– Þú hefur sagst vilja ná meiri
áhrifum á þingi fyrir Reykjavíkur-
borg. Ertu með því að segja að þing-
menn Reykjavíkur, þ.m.t. hjá Sam-
fylkingunni, hafi brugðist skyldu
sinni?
„Nei, það er ég ekki að segja. Ekki
er hægt að gera þá kröfu til þing-
manna að þeir séu inni í öllum þeim
málum sem við erum að sýsla við í
borgarstjórn. Ég hef tekið eftir því
að menn eru í æ ríkara mæli að fara í
pólitískar umræður á Alþingi um
borgarstjórnina. Þá tel ég mikilvægt
að þar sé einhver til andsvara og sé
málsvari Reykjavíkurborgar, hvort
sem það er ég eða einhver annar úr
meirihluta borgarstjórnar.“
Skiptar skoðanir um málið
– Hefurðu rætt þessa ákvörðun
þína við formenn samstarfsflokkanna
í R-listanum, Framsóknarflokks og
Vinstri grænna?
„Nei, ég ræddi þetta á fundi í borg-
armálaráði Reykjavíkurlistans í dag
[gær]. Ég ræddi við formenn flokk-
anna í haust og þekki alveg þeirra
viðhorf og afstöðu. Þetta er ákvörðun
sem ég verð að gera upp við sjálfa
mig og mína fjölskyldu.“
– Hver voru viðbrögð annarra
borgarfulltrúa R-listans?
„Auðvitað voru skiptar skoðanir
um málið. Mér er vel kunnugt um að
engin sérstök ánægja var í herbúðum
Framsóknarflokksins og Vinstri
grænna í haust vegna þeirra hug-
mynda sem þá komu fram um að ég
tæki að mér forystu í Samfylking-
unni. Það var skiljanlegt. Mér finnst
öðru máli gegna um fimmta sætið.
En kannski líta menn svo á að þegar
einn býður sig fram sé hann að bjóða
sig fram gegn öðrum.“
– Þú óttast ekki að ákvörðun þín
geti stefnt R-listasamstarfinu í
hættu?
„Nei, samstarf R-listans snýst ekki
um mína persónu, það snýst um að
vinna að ákveðnum málefnum á
grundvelli sameiginlegrar stefnu-
skrár. Enginn bilbugur er á mér hvað
það varðar að ég mun áfram vinna að
þeim og hagsmunum Reykjavíkur.“
Vil bakka Össur upp
– Þú hefur gjarnan verið nefnd til
sögunnar sem formannsefni í Sam-
fylkingunni. Er þetta ekki bara
fyrsta skrefið í þá átt að taka við for-
mennskunni af Össurri?
„Nei, það hefði kannski verið það
hefði ég boðið mig fram í haust í leið-
togasæti. Ég er að gera þetta að
áeggjan Össurar og hefði aldrei gert
það öðruvísi. Ég tel að hann sé á
góðri leið með Samfylkinguna og vil
bakka hann upp í því.“
– Að lokum, Ingibjörg, getur verið
að þér eigi eftir að snúast hugur á ný?
„Nei, þegar ég tek ákvarðanir sem
ég hef sannfæringu fyrir þá berst ég
fyrir þeim. Ástæða þess að ég hugs-
aði um þetta í haust var að mér fannst
freistandi að hafa áhrif á pólitíkina á
landsvísu. Niðurstaða mín varð sú að
leita ekki eftir forystu þar, verandi
borgarstjóri í Reykjavík. Nú er ég að
koma inn sem almennur þátttakandi
og vil leggja mín pólitísku lóð á þær
vogarskálar. Ég er ekki að söðla um.“
Morgunblaðið/Sverrir
Ingibjörg Sólrún Gísladóttir á tali við fréttamenn að loknum fundi í Ráðhúsinu í gær með borgarstjórnarflokki
Reykjavíkurlistans. Álengdar fylgjast Björn Bjarnason og Stefán Jón Hafstein með ásamt fleiri borgarfulltrúum.
Ingibjörg Sólrún Gísladóttir í 5. sæti á öðrum lista Samfylkingar í Reykjavík
Ég er ekki að söðla um
ÖSSUR Skarphéðinsson, formað-
ur Samfylkingarinnar, segir Ingi-
björgu Sólrúnu Gísladóttur borg-
arstjóra hafa
þegið boð sitt
um fimmta
sætið á fram-
boðslista
flokksins í
norður-
kjördæmi
Reykjavíkur.
Össur segist
hafa farið þess
á leit við Ingi-
björgu Sól-
rúnu fyrir nokkru að hún tæki
sæti á framboðslista flokksins í
Reykjavík. „Við ræddum þetta
mál aftur nú fyrir nokkrum dög-
um þegar borgarstjóri kom heim
frá útlöndum og það varð nið-
urstaðan að hún varð við þessari
beiðni,“ segir Össur.
„Með þessu er Samfylkingunni
að takast að leiða fram mjög
harðsnúið stórskotalið fyrir kom-
andi alþingiskosningar. Það mun-
ar mikið um þann stjórnmála-
mann, sem Ingibjörg Sólrún
Gísladóttir er. Ég og flokkurinn
erum henni þakklátir fyrir þessa
ákvörðun, hún var ekki sjálf-
sögð,“ segir Össur. „Þetta þyngir
verulega framboð okkar og sýnir
mikinn sigurvilja að tefla fram
öllu okkar sterkasta liði.“
Aðspurður hvort hann hafi
engar áhyggjur af því að fram-
boð borgarstjóra hafi slæm áhrif
á samstarfið í Reykjavíkurlist-
anum, segir Össur: „Ég er for-
maður í stjórnmálaflokki, sem
er að sækja fram og stefnir að
því að ná að skipta um rík-
isstjórn í landinu. Mér ber sem
formanni að leita að því fólki,
sem er hæfast og líklegast til að
leiða Samfylkinguna til sigurs.
Ég sé ekki að það hafi nein
áhrif á samstarfið í Reykjavík-
urlistanum að borgarstjórinn í
Reykjavík sé í 5. sæti á fram-
boðslista. Það væri annað mál ef
hún hefði tekið forystusæti á
listanum.“
Össur tekur fram að borg-
arstjóri fari í framboð af full-
komlega óeigingjörnum hvötum.
„Hún vill fyrst og fremst taka
þátt í að styrkja framboðslista
síns flokks og gera hann sig-
urstranglegri.“
Össur Skarphéðinsson
Harðsnúið
stórskotalið
Össur
Skarphéðinsson